वडास्तरीय बुद्धिचालमा एकराज प्रथम

आदर्श समाज सम्वाददाता
जेठ ६, २०८१
Chesss

पोखरा । पोखरा महानगर पालिका वडा नम्बर ६ स्तरीय बुद्धिचाल प्रतियोगिताको उपाधि एकराज अधिकारीले जितेका छन् । शनिबार भएको प्रतियोगितामा ४.५ अंक ल्याइ उनी प्रथम भए । उनले नगद ७ हजार ५ सय रुपैयाँ, प्रमाण पत्र र मेडल हात पारे ।

५२ जना प्रतिस्पर्धी सहभागी प्रतियोगिता ‘ल अफ फिडेको’ अन्तर्राष्ट्रिय नियम अनुसार खेलाइको थियो । बेस्ट अफ फाइभका आधारमा गरिको, प्रतियोगितामा उत्तम पहारी, किरण रञ्जित, सुनिलबहादुर कोइराला र सुक प्रधानले चिफ आर्बिटरको भूमिका निर्वाह गरेका थिए । प्रतियोगितामा ४.५ अंक ल्याइ धमेन्द्र गिरी द्रोस्रो र ४ अंक ल्याइ सुुनिल श्रेष्ठ तेस्रो भएका थिए । क्रमशः उनीहरुलाई नगद ५ हजार २ सय ५० र ३ हजार ७ सय ५० रुपैयाँसहित प्रमाण पत्र र मेडल प्रदान गरिको थियो ।

१५ वर्ष मुनिका बाबुतर्फ किस्मत जिसी प्रथम, लक्ष्य शाक्य दोस्रो र उज्ज्वल पहारी तेस्रो भए । नानीतर्फ सविना पोखरेल प्रथम र सुभेक्षा शाक्य दोस्रो र रस्मिता गुरुङ तेस्रो भए ।
तालवाराही भूपू विद्यार्थी एसोसियसन पोखरा ६ बैदामको आयोजना, पोखरा महानगर पालिका वडा नम्बर ६ को आर्थिक सहयोग र कास्की जिल्ला बुद्धिचाल संघको प्राविधिक सहयोगमा प्रतियोगिता भएको हो ।

पोखरा ६ का वडाध्यक्ष विष्णुबहादुर भट्टराईले प्रतियोगिता उद्घाटन गरे । भट्टराईले पोखरालाई पर्यटकीय राजधानीसँगै खेलकुदको राजधानी बनाउनेतर्फ सबै पोखरेली लाग्नु पर्नेमा जोड दिए ।

तालवाराही माध्यमिक विद्यालय व्यवस्थापन समिति अध्यक्ष कृष्णप्रसाद न्यौपानेले विद्यार्थी एसोसियसनले विद्यालयका हरेक कार्यक्रममा सहभागिता जनाउँदै आएकोमा खुसी व्यक्त गरे ।

कार्यक्रमका संयोजक राष्ट्रिय रेफ्री तथा बुद्धिचाल संघका केन्द्रीय सदस्य महेश्वर अधिकारीले बुद्धिचाल खेल बलभन्दा पनि दिमागले खेल्ने खेल भएको भन्दै खेलका नियम र मापदण्डका बारेमा प्रकाश पारे ।

विद्यार्थी एसोसियसनका कार्यवाहक अध्यक्ष खीमलाल पहारीको अध्यक्षतामा सम्पन्न कार्यक्रममा सदस्य गणेशराज पहारी स्वागत र सहससचिव ज्ञानेन्द्रराज कोइरालाले सञ्चालन गरेका थिए ।

Related News

सम्बन्धित समाचार

  • न्यू मोडलको फुटसल सुरु

    आदर्श समाज सम्वाददाता असार ७, २०८१
    पोखरा । न्यू मोडल सेकेण्डरी स्कुल, नागढुंगा आयोजनामा एसइई दिएर बसेका विद्यार्थी लक्षित फुटसल सञ्चालन गरिएको छ । प्रतियोगिता उद्घाटन…
  • गण्डकी प्रदेश पुरुष टि–२० क्रिकेटको उपाधि स्याङजाले जित्यो

    आदर्श समाज सम्वाददाता असार ७, २०८१
    पोखरा  । घरेलु टोली कास्कीलाई ६ विकेटले पराजित गर्दै गण्डकी प्रदेश पुरुष टि–२० क्रिकेटको उपाधि स्याङजाले जितेको छ । पोखरा…
  • हक्की प्रतियोगिता हुँदै

    आदर्श समाज सम्वाददाता असार ७, २०८१
    पोखरा । प्रदेश खेलकुद परिषद गण्डकीको आयोजना तथा गण्डकी प्रदेश हक्की संघ व्यवस्थापनमा शुक्रबारदेखि प्रदेशस्तरीय अन्तरजिल्ला हक्की प्रतियोगिता हुँदैछ ।…
  • कास्की जुडोमा छन्त्याल

    आदर्श समाज सम्वाददाता असार ७, २०८१
    पोखरा । कास्की जिल्ला जुडो संघ अध्यक्षमा पद्म छन्त्याल निर्वाचित भएका छन् । संघको प्रथम अधिवेशनले छन्त्याललाई अध्यक्षमा सर्वसम्मत निर्वाचित…
  • भेट्रान कप फुटसल जारी

    आदर्श समाज सम्वाददाता असार ७, २०८१
    लमजुङ । प्रथम भेट्रान फुटसल लमजुङ कपमा दोस्रो चरणअन्तर्गत बुधबार ३ खेल भए । बेसीसहरस्थित सहजी खेल मैदानमा सञ्चालित दोस्रो…

hero news full width