पोखरा, ९ चैत । पोखराको फेवातालमा डुंगा समेत नचल्ने भएका छन् । फेवा डुंगा व्यवसायी समितिको आइतबार बसेको बैठकले आगामी एक सातासम्म डुंगा नचलाउने निर्णय गरेको हो ।
विश्वभर फैलिएको कोरोना भाइरस संक्रमणको प्रभावबाट हुन सक्ने जोखिम न्यूनीकरण गर्न डुंगा नचलाउने निर्णय गरिएको समिति अध्यक्ष बुद्धिबहादुर नेपालीले जानकारी दिए ।
प्रशासनले डुंगा नचलाउन निर्देश गरेपछि समितिको बैठकले पहिलो चरणमा एक सातासम्म डुंगा नचलाउने निर्णय गरेको उनले जनाए । उनले भने, सरकारले समेत २५ जनाभन्दा बढी एकै ठाउँमा भेला हुन नपाउने भनेको छ । कसरी व्यवसाय गर्नु । त्यसैले अहिलेलाई बन्द गर्ने निर्णय गरियो ।
पर्यटकीय सहर पोखरामा पछिल्लो महिना आन्तरिक एवं बाह्य पर्यटकको चहलपहल शुन्य प्रायः भएपछि डुंगा व्यवसायमा समेत नराम्ररी असर परेको डुंगा व्यवसायी समितिका सहकोषाध्यक्ष तारा विश्वकर्माले बताइन् ।
फेवाताल किनारका विभिन्न ८ वटा घाटमा हाल ८ सय वटा डुंगा चल्छन् । सबैभन्दा बढी बाराही मन्दिर जान बाराहीघाटबाट ३ सय ५६ डुंगा संचालित छन् ।
फेवातालमा बाराहीघाट सहित गौरीघाट, अम्बोट, फिस्टेल, पहारी, फेवा, स्वीमिङ पुल र बंगलादी गरी ८ घाटबाटै डुंगा चल्छन् । सबै डुंगाको लागि आलोपालो प्रणाली लागू गरिएको समितिका क्यू मास्टर अर्जुन नेपालीले बताए ।
फेवातालमा डुंगा चलाएरै ५ सय जना डुंगा चालकको रोजीरोटी चल्ने गरेकोमा कोरोनाकै कारण उनीहरुको गाँस गुम्ने डर छ ।
फेवातालमा डुंगा व्यवसाय व्यवस्थापनका लागि २०५१ सालमा बुद्धिबहादुर नेपालीको अध्यक्षतामा फेवा डुंगा व्यवसायी समिति गठन भएको हो ।
Related News
सम्बन्धित समाचार
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
भलिबलमा अटल हिमाल
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
गण्डकी प्रदेश सभाको बैठक ३० मिनेटका लागि स्थगित
hero news full width
मुख्य समाचार
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१