पोखरा, २५ पुस गण्डकी प्रदेशका उद्योग, पर्यटन, वन तथा वातावरण मन्त्री विकास लम्सालले पर्यटन प्रवद्र्धनका लागि मिडियाको भूमिका महत्वपूर्ण भएको बताएका छन् ।
फेवा टेलिभिजनको तेस्रो वार्षिक साधारणसभाको उद्घाटन गर्दै मन्त्री लम्सालले पर्यटन प्रवद्र्धनका लागि प्रचारप्रसार मुख्य कुरा भएको बताए । गण्डकी प्रदेशको लोकसंस्कृतिलाई उजागर गर्न फेवा आइडलको आयोजना गरेर फेवा टेलिभिजनले प्रशंसनीय कार्य गरेको भन्दै मन्त्री लम्सालले लोकसंस्कृतिका क्षेत्रमा काम गर्न यस्ता खालका कार्यक्रम प्रदेश सरकारका लागि आधार भएको उल्लेख गरे ।
मिडियाले सत्य, तथ्य सूचना प्रवाह गर्नुपर्नेमा जोड दिँदै उनले सरकारले गरेका राम्रा कामको प्रचार गरिदिन सञ्चारमाध्यमसँग आग्रह गरे । प्रदेशको समृद्धिका लागि मिलेर काम गर्न मन्त्रालय तयार रहेको भन्दै मन्त्री लम्सालले गण्डकी प्रदेश सरकारले विगत दुई वर्षमा विकासको जग हाल्ने काम गरेको बताए । सञ्चारमाध्यमलाई आधुनिक प्रविधिमा लैजानुपर्ने आवश्यकता औंल्याउँदै मन्त्री लम्सालले सञ्चारमाध्यमको सबलीकरणका लागि आवश्यक सहयोग गर्न प्रदेश सरकार तयार रहेको उल्लेख गरे । सरकार र निजी क्षेत्र मिलेर रोजगारी सिर्जना गर्नु अहिलेको आवश्यकता रहेको उनको भनाइ थियो ।
गण्डकी प्रदेशसभाका अर्थ तथा विकास समितिका सभापति दीपक कोइरालाले लोकसंस्कृति पर्यटनको मुख्य आधार भएको बताए । कार्यक्रममा संस्कृतिविद् तुलसी प्रभाष, नेपाल पत्रकार महासंघ, गण्डकी प्रदेशका अध्यक्ष त्रिभुवन पौडेल, वरिष्ठ लोकगायक बुद्धिमान दुरा ‘धम्पु’ र नृत्य निर्देशक राम लामालाई गरिएको थियो । टेलिभिजनका अध्यक्ष तेजेन्द्र पौडेलको अध्यक्षतामा भएको कार्यक्रममा फेवा टेलिभिजनका प्रबन्ध निर्देशक लीलाबहादुर जिसी र लेखा संयोजक राजु श्रेष्ठले पनि बोलेका थिए ।
Related News
सम्बन्धित समाचार
भलिबलमा अटल हिमाल
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
गण्डकी प्रदेश सभाको बैठक ३० मिनेटका लागि स्थगित
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
hero news full width
मुख्य समाचार
प्रदेश विघटन हुन जोगाउने जिम्मा सभामुखको हो : माओवादी नेता चुमान
मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१पोखरा देशभरकै प्रदूषित सहर
वैशाख २३, २०८१