संरक्षकभुषण बज्राचार्य पोखरामा सम्पन्न माछापुच्छ्रे ओपन टेनिस प्रतियोगिताको मेन्स सिंगलतर्फ च्याम्पियन बनेका छन्। सोमबार पोखरा रंगशालामा भएको प्रतिस्पर्धात्मक फाइनल खेलमा प्रणव खनालमाथि ३–६, ७–६ र ६–३ को कठिन नतिजा निकाल्दै संरक्षक च्याम्पियन बनेका हुन्।
च्याम्पियन बनेसँगै संरक्षकले उक्त स्पर्धाको उपाधिलाई आफ्नो पोल्टामा पारेका छन्। उनले ५० हजार, ट्रफी पुरस्कार पाए। दोश्रो स्थानमा चित्त बुझाएका प्रणवले २५ हजार सहित ट्रफी पुरस्कार प्राप्त गरे।
प्रतियोगिता अन्तर्गत ३५ वर्षमाथिको उमेर समूहको प्रतिस्पर्धामा कमल भण्डारीले उपाधि रक्षा गरेका छन्। कमलले गोरखाका राजु श्रेष्ठलाई ६–३, ६–३ को सोझो सेटमा हराएका थिए। जितसँगै कमलले ५० हजार सहित ट्रफी उचाले। दोश्रो स्थानका राजुले २५ हजार सहित ट्रफी पुरस्कार प्राप्त गरे।
टेनिसकै ४५ वर्षमाथिको एकल स्पर्धाको उपाधि भने चन्द्र लामाले आफनो पोल्टामा पारे। फाइनलमा विमल गुरुङलाई ६–४, ७–५ को सोझो सेटमा पराजित गर्दै चन्द्रले उपाधि उचाल्न सफल भए। जितसँगै चन्द्रले २० हजार र उपविजेता विमलेले १० हजार सहित ट्रफी प्राप्त गरे।
प्रतियोगिता अन्तर्गत ५५ वर्षमाथिको एकल उपाधि भेट्रान च्याम्पियन कमल थापाको पोल्टामा पुग्यो। फाइनल खेलमा थापाले पोखरेली खेलाडी अनिल तुलाचनलाई ७–६ र ६–२ कै सोझो सेटमा पराजित गरे। थापाले २० हजार तथा तुलाचनले १० हजार सहित ट्रफी पुरस्कार प्राप्त गरे।
त्यस्तै, ६५ वर्षमाथिको एकल स्पर्धामा ज्ञानेन्द्र ताम्राकार प्रथम बने। ज्ञानेन्द्रले फाइनलमा दिपक श्रेष्ठलाई ४–२, ४–० को सोझो सेटले पराजित गरे।
प्रतियोगिताको मुख्य प्रायोजक माछापुच्छ्रे बैंकका गण्डकी प्रमुख भुवनसिंह खत्री, प्रायोजक ट्रयाङ्कुलिटी स्पाका पोखरा प्रतिनिधि दिपेन्द्र पहारी, नेपाल टेनिस संघका उपाध्यक्ष विनोद कायस्थ, टेनिसका अग्रज प्रशिक्षक शरद लामा लगायतले विजयी खेलाडीहरुलाई पुरस्कार प्रदान गरे। आयोजक टेनि संघ कास्कीका अध्यक्ष दोर्जे लामाले प्रतियोगिता सफल पार्न सहयोग गर्ने सहयोगी सबैलाई धन्यवाद ज्ञापन गरे।
Related News
सम्बन्धित समाचार
पोखरा ७ स्तरीय वृहत दौड प्रतियोगिता
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
hero news full width
मुख्य समाचार
गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१पोखरा देशभरकै प्रदूषित सहर
वैशाख २३, २०८१पाण्डे सरकारले नियम मिचेर बहुवर्षे योजना थपेको मुख्यमन्त्रीको आरोप
वैशाख २२, २०८१भ्रष्टाचार नियन्त्रणमा सार्थक प्रयास भएन : धनराज गुरुङ
वैशाख २१, २०८१गण्डकीको संसद बैठक २३ गते ३ बजे बस्ने, मुख्यमन्त्री अधिकारी विश्वासको मत लिँदै
वैशाख २१, २०८१