पोखरा प्रिमियर लिग (पीपीएल) को दोस्रो संस्करणमा काठमाडौं गोल्डेन्स वारियार्सले सान्त्वना जित निकालेको छ । लगातार २ खेलमा पराजित काठमाडौंले बुधबार धनगढी ब्लुजलाई १ सय ६ रनको फराकिलो अन्तरले हराउँदै महत्वपूर्ण २ अंक जोडेको हो ।
हालसम्म सबैभन्दा धेरै ३ खेल खेलका काठमाडौ र डिफेण्डिङ च्याम्पियन पोखरा पल्टनले २ मा हार र १ मा जित निकाल्दै समान २ अंक जोडेका छन् । यस्तै, २ खेल खेलेका धनगढी र विराटनगर टाइटन्सले १ खेल जितेर समान २ अंक जोडेका छन् भने मात्र १ खेल खेलेका बुटवल ब्लास्टर्स र साविक उपविजेता चितवन राइनोजले २ अंक नै जोडेका छन् ।
बुधबारको पहिलो खेलमा टस हारेर ब्याटिङको निम्तो पाएको काठमाडौंले कप्तान ज्ञानेन्द्र मल्लको शतकीय पारीसँगै पहिलो जित दर्ता गरेको हो । ३८ बलको सामना गरेका मल्लले ९ छक्का र ८ चौका हिर्काउँदै १ सय रन जोडे । योसँगै मल्लले सन २०१९ मा मात्रै तेश्रो पटक शतक पूरा गरेका छन् । मौसमको खराबीले २० ओभरको खेल १७ ओभरमा झारिएको थियो । निर्धारित १७ ओभरमा काठमाडौंले ५ विकेट गुमाएर १ सय ८५ रन जोडेको थियो । जयकिसन कल्सवालले ४६ र अमित श्रेष्ठले ३४ रन जोडे । गौरव तोमर र सुवोध भाटी बिनारन पेभेलियन फर्किए । पवन सराफ र आदिल खानले पनि कुनै रन जोड्न सकेनन् । धनगढीका कमलसिंह ऐरी एक्लैले ४ विकेट लिए भने सागर ढकालले १ विकेट लिए ।
एक सय ८६ रन लक्ष्य पछ्याउन जवाफी ब्याटिङमा उत्रिएको धनगढीले १६ ओभरमा सबै विकेट गुमाएर ७९ रनमात्रै जोड्यो । धनगढीका श्रीमान्था विजेरत्नेले १५ तथा रोड्रिगो थोमसले १० रन बाहेक अरुले दोहोरो रन बनाउन सकेनन् । बलिङतर्फ काठमाडौंका वसन्त रेग्मीले ३ विकेट लिए भने पवन सराफ र सुवोध भाटीले समान २/२ विकेट लिए । काठमाडौंले पोखरा र बुटवलसँग पराजय ब्यहोरेको थियो भने धनगढीले विराटनगरलाई पराजित गरेर एउटा जित निकालिसकेको छ ।
यता, विराटनगर टाइटन्सले पोखरा पल्टनलाई लगातार दोश्रो हार चखाएको छ । अघिल्लो खेलमा धनगढीसँग पराजय भोगेको विराटनगरले पोखरासँग त्यसको बदला लिएको हो ।
पूनीत मेहराको उत्कृष्ट ब्याटिङमा विराटनगरले ४५ रनको फराकिलो अन्तरमा पोखरालाई हराएको हो । टस हारेर पहिले ब्याटिङ गरेको विराटनगरले निर्धारित २० ओभरमा ५ विकेट गुमाउँदै १ सय ४५ रन जोड्यो । मेहराले २६ बलमा ४ छक्का र ५ चौकाको मद्दतले ६१ रन बनाए । सुनिल धमलाले ३६ र मोहम्मद जैद आलमले २६ रनको योगदान गरे । अन्य ब्याट्सम्यान भने सस्तैमा समेटिए । पोखराका कप्तान शरद भेषवाकरले २ तथा कुशल मल्ल र सर्वजित लड्डाले १/१ विकेट लिए । जवाफमा पोखराले ८ विकेट गुमाउँदै १ सय रनमात्रै जोड्न सक्यो । रोहितकुमार पौडेलले सर्वाधिक ३२ रनको योगदान गरे भने कुशल भूतेर्लले २४ रन तथा आशिफ शेखले १३ रन जोडे । कप्तान भेषवाकर र कुशल मल्ल तथा रविइन्दर सिंह शून्य रनमै पेभेलियन फर्किए । अन्य खेलाडीले दोहोरो रन बनाउन सकेनन ।
विराटनगरका लागि किशोर महतो, जितेन्द्र मुखिया र मुहम्मद जहिद आलमले २/२ विकेट लिँदा साहव आलम, पुनित मेहरा र नोमन खानको नाममा १/१ विकेट रह्यो ।
विहीबार बुटवल ब्लास्टर्स र चितवन राईनोजबीच खेल हुनेछ ।
Related News
सम्बन्धित समाचार
महेन्द्रपुल युथ क्लब आयोजनामा बास्केटबल प्रतियोगिता हुने
को होला उत्कृष्ट प्रशिक्षक ?
उत्कृष्ट खेल संघ वा क्लबतर्फको अवार्ड सहारालाई
भलिबलमा अटल हिमाल
इन्द्रालाई लाइफटाइम अचिभमेन्ट अवार्ड
hero news full width
मुख्य समाचार
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१