म्याग्दी,२८ भदौ ।म्याग्दीको रघुगंगा गाउँपालिका–५ स्थित झिँमा झिँ सामुदायीक होमस्टे (घरवास) संचालनमा ल्याइएको छ । पर्यटन मार्फत ग्रामिण अर्थतन्त्रको विकास र स्थानीय वासीलाई रोजगार सृजना गर्ने उद्देश्यले सामुदायिक होमस्टे संचालनमा ल्याइएको हो ।
सामुदायिक होमस्टेको शुक्रबार गाउँपालिकाका अध्यक्ष भवबहादुर भण्डारीले एक समारोहका बीच उद्घाटन गरे । कार्यक्रममा गाउँपालिकाका अध्यक्ष भण्डारीले पर्यटनको प्रचुर सम्भावना बोकेको रघुगंगामा सामुदायिक होमस्टेले आन्तरिक तथा बाह्य पर्यटकलाई सहज हुने विश्वास व्यक्त गरे । उनले पर्यटन मार्फत ग्रामिण अर्थतन्त्रको विकास जीविकोपार्जनसुधारमा जोड दिएको बताउँदै गाउँपालिका भित्र रहेका पर्यटकीय स्थलहरुको विकासका लागि पुर्वाधार निर्माणलाई प्राथमिकता दिएको बताए ।
‘गाउँपालिकाले पर्यटन मार्फत ग्रामीण अर्थन्त्रको विकास र जीविकोपार्जन सु्धारमा जोड दिएको छ, ’ अध्यक्ष भण्डारीले भने । ‘गाउँपालिका भित्र रहेका टोड्के, रुइसे, भेडिओडार, रिखार, मालिका, बेगको लामो पुल लगायत गाउँपालिकाको धार्मिक पर्यटकीय स्थलको विकासका लागि पूर्वाधार विकासमा प्राथमिकता दिइएको छ । ’
१४ लाख ३३ हजार २२ रुपैयाँको लागतमा ४ कोठे होमस्टे निर्माण भएको होमस्टेका अध्यक्ष डेकप्रसाद गर्बुजाले बताए । दुई वटा कोठामा पाहुना सुत्ने ठाउँ बनाइएको छ । एक वटा भान्छा र अर्को डाइनिङ हल छ । शौचालय र सयनकक्षको पनि सुबिधा रहेको छ ।
झिँका १९ घर मध्य पहिलो चरणमा ९ घरमा होमस्टे सुरु भएको छ । थप घरमा पनि पूर्वाधार तयारी गरेर घरबास चलाउने योजना छ । पाहुनाघर निर्माण र होमस्टे सञ्चालनका लागि वन डिभिजन कार्यालयले दश लाख, गाउँपालिकाले एक लाख ४२ हजार र सञ्चालकहरुले दुई लाख ८४ हजार रुपैयाँ लगानी गरेका छन् । गाउँमा आउने पाहुनालाई भवनमा खाना खुवाएर आलोपालो प्रथा अनुसार होमस्टे सेवा भएको घरमा बास बस्ने सेवा दिइने अध्यक्ष गर्बुजाले बताए ।
सामुदायिक होमस्टेका अध्यक्ष गर्बुजाको अध्यक्षता, सचिव गौरी गर्बुजाको सञ्चालन र सहसचिव लक्ष्मी शेरपुञ्जाको स्वागत मन्तब्यमा कार्यक्रम सम्पन्न भएको थियो ।
कार्यक्रममा वडा अध्यक्ष मनबहादुर शेरपुञ्जा, सब डिभिजन वन कार्यालय रघुगंगाका फरेष्टर राम्जी शर्मा, महेन्द्र माविका प्रअ यामबहादुर शेरपुञ्जा, कार्यपालिका सदस्य रीति थजाली र स्थानीय गोविन्द पाइजाले मन्तब्य व्यक्त गरेका थिए । आमा समूहले गीत र नृत्य प्रस्तुत गरेका थिए ।
धौलागिरि सेञ्चुरी पदमार्गको प्रवेशद्धार झिँ पर्यटकीय स्थल टोड्केको फेदीमा छ । टोड्के र गाउँको भ्रमणमा आउने पर्यटकहरुको सुबिधाका लागि पाहुना घर र होमस्टे सञ्चालन गरिएको छ ।
Related News
सम्बन्धित समाचार
बाराही जंगल लजले गर्यो निकुञ्ज क्षेत्रमा सरसफाई, ३ ट्याक्टर फोहर संकलन
होमस्टे महासंघ गण्डकीको प्रशिक्षण
पर्यटनकर्मीलाई ‘पर्यटकमैत्री सेवा’ सम्बन्धी तालिम
पर्यटन प्रवद्र्धनमा गण्डकी र मधेश प्रदेशबीच सहकार्यको प्रतिबद्धता
पोखरा भिलेज अब चारतारे
hero news full width
मुख्य समाचार
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
वैशाख २५, २०८१सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१गण्डकीका सभामुखको कदमबारे मिश्रित प्रतिक्रिया
वैशाख २५, २०८१मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१