पोखरा, १३ भदौ । पोखरा–१८ सराङकोटमा भाद्र १६–१७ सम्म पुरुष तथा महिला भलिबल लिग प्रतियोगिता हुने भएको छ ।

प्रतियोगितामा पुरुष तथा महिला गरी १४ टीमले सहभागिता जनाउने भएका छन् । प्रतियोगिताको तयारी अन्तिम चरणमा पुगेको भकुण्डे युवा मञ्च तथा शान्त भलिबल ट्रेनिक सेन्टरले जानकारी दिएको छ ।

महिलाहरुको महान् पर्व हरितालिका तीजको अवसरमा पुरुष तथा महिला भलिबल प्रतियोगिता गर्न लागिएको हो । पुरुषतर्फ प्रथम हुने समूहले ९ हजार, ट्रफि, मेडल तथा प्रमाणपत्र प्राप्त गर्ने छ भने द्धितीय हुने समूहले ८ हजार १ सय र तृतीय हुने समूहले ७ हजार २ सय लगायत मेडल, प्रमाण पत्र प्राप्ते गर्नेछन् ।

त्यसैगरी महिलातर्फ प्रथम स्थान हासिल गर्नेले ४ हजार ५ सय, ट्रर्फि, मेडल, प्रमाणपत्र, द्धितीय हुने समूहले ३ हजार ६ सय र तृतीय हुने समूहले २ हजार ७ सय प्राप्त गर्ने शान्त भलिबल ट्रनिङ सेन्टरका संयोजक तथा मुख्य प्रशिक्षक दिनेश प्रसाद चौधरीले जानकारी दिए ।

शान्त माविमा हुने उक्त प्रतियोगिता २ दिन संचालन हुने छ, मेला मुख्य प्रायोजकमा गिरीराज लामिछाने छन् । तीज मेला २०७६ का अन्य आर्कषणमा घैटो फुटाउने, ठेलो हान्ने, चुरी हान्ने प्रतियोगिता, बट्टा हान्ने लगायतका प्रतियोगिता हुने आयोजकले जानकारी दिएको छ । शान्त भलिबल प्रशिक्षण केन्द्र निःशुल्क रुपमा स्थापनाकाल देखि नै स्थानीय युवालाई भलिबल प्रशिक्षण दिदै आइरहेको छ ।