पोखरा, १५ जेठ । अख्तियारका कर्मचारीलाई पैसा खुवाउनुपर्छ भन्दै सेवाग्राहीसँग घुस रकम लिँदै गरेका दुई जनालाई अख्तियार कार्यालय पोखराको टोलीले रंगेहात पक्राउ गरेको छ ।
हेभि भेइकल ट्रायल पास गराइदिन्छु भन्दै उनीहरुले एक जना सेवाग्रहीसँग चालीस हजार लिँदै गरेको अवस्थामा अख्तियारका डिएसपि रोशन खड्का नेतृत्वको टोलीले पोखराको एक होटलबाट रंगेहात पक्राउ गरेको हो ।
मेलम्ची नगरपालिका–१३ सिन्दुपाल्चोक घर भइ पोखराको हेभि इक्युप्मेन्ट डिभिजन कार्यालय कास्कीमा राजपत्र अनंकित द्वितीय श्रेणीमा कार्यरत प्राविधिक कुमार लामिछाने र पोखरा– १४ का बिचौलिया खगेन्द्र प्रसाद काफ्ले पक्राउ परेका छन । उनीहरुले पोखराको हेभि इक्युप्मेन्टको परीक्षामा पास गराउनका लागि अख्तियारका कर्मचारीलाई नै पैसा दिनुपर्ने भन्दै सोमवार सेवाग्राहीसँग पैसा मागेका थिए । सो खबर पाए सँगै अख्तियार पोखराको टोलीले सेवाग्रहीको सहयोग मार्फत उनीहरुलाई रंगेहात समाउन सफल भएको छ ।
यातायात ब्यवस्था कार्यालय पोखरामा बिना पैसा काम नै नहुने गुनासो सेवाग्राहीले पटक पटक गर्दै आएका छन् । केही समय अगाडी हेभि भेइकल ट्रायलमा आर्थिक लेनदेनको कुरा बाहिर आएको थियो । त्यसको यथेष्ट प्रमाण नभेट्दा अख्तियारले समाउन सकेको थिएन । तर यसपाली अख्तियारको टोलीले पैसा लेनदेन गरेकै समयमा हेभि इक्युप्मेन्ट डिभिजन कार्यालय कास्कीका प्राविधिक कुमार लामिछाने र बिचौलिया खगेन्द्र प्रसाद काफ्लेलाई पक्राउ गर्न सफल भएको हो ।
यातायात ब्यवस्था कार्यालयमा सवारी अनुमति पत्र लाइसेन्स निकाल्न दैनिक सयौको संख्यामा सेवाग्राही आउने गरेका छन । भित्री रुपमा फाराम भरीदिने र पास गराइदिने भन्दै यातायातमा ठूलो दैनिक पैसाको बार्गेनिङ हुने गरेको स्रोतको दावी रहेको छ । यस घटनामा यातायातका कर्मचारीसँगको मिलेमतो हुनसक्ने आशंका पनि गरिएको छ ।
Related News
सम्बन्धित समाचार
कसको हातमा पर्ला वर्ष खेलाडीको उपाधि ?
गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
मुग्लिन–पोखरा सडक खण्डमा १३ वटा पुल सम्पन्न, ११ निर्माणाधीन
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
hero news full width
मुख्य समाचार
सुरु भयो ट्राफिक सप्ताह, मुख्यमन्त्रीले गरे उद्घाटन
गण्डकीका सभामुखको कदमबारे मिश्रित प्रतिक्रिया
वैशाख २५, २०८१मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१