पोखरा, १४ वैशाख । नागरिकता ऐनलाई थप उदारता बनाउदा देशमा ठूलो समस्या निम्तन सक्ने यहाँ आयोजित एक कार्यक्रमका वक्ताहरुले जोड दिएका छन् । संसदमा विचाराधीन रहेको नागरिकता विधेयकले राष्ट्रिय स्वाधीनता र सार्वभौमिकतामाथि धावा बोल्ने सहभागी वक्ताको भनाइ छ ।
सचेतना समाज नेपाल र राष्ट्रिय सम्पदा तथा मानवअधिकार संस्थाले शुक्रबार पोखरामा संयुक्त आयोजना गरेको ‘राष्ट्रियता र नागरिकता वितरण’ विषयक अन्तरक्रिया कार्यक्रमका बक्ताहरुले भने, ‘नागरिकता वितरणको खुकुलो नीतिले देशको सार्वभौमसत्ता नै खतरामा पर्छ । नागरिकता वितरणका लागि अधिकार सम्पन्न न्यायिक छानविन आयोग गठन गरिनुपर्छ ।’
कार्यक्रमका प्रमुख अतिथि तिलक पराजुलीले प्रत्येक नेपालीले नागरिकता पाउनुपर्नेमा जोड दिए । आप्रवासीलाई नागरिकता दिने कुरामा नेपालको भू–बनोटको क्षमता कम रहेको पराजुलीले औंल्याए ।
‘आप्रवासीलाई नागरिकता दिने क्षमता कम छ,’ वरिष्ठ अधिवक्तासमेत रहेका पराजुलीले भने, ‘तराईमा बस्ने अधिकांश नागरिकहरु नेपाली हुन् । उनीहरुले नागरिकता पाउनुपर्छ तर भारतीयहरुले नेपाली नागरिकता पाउनु हुदैन ।
सचेतना समाज नेपालका अध्यक्ष सुरेन्द्र थापामगरले ०३६ को जनमत संग्रह ताका चुनावी स्वार्थले नागरिकता वितरण गरिएको उल्लेख गरे । ०४७ यता, नागरिकता सम्बन्धी वितरणको मुद्दा पेचिलो बन्दै आएको थापामगरको भनाई थियो ।
राष्ट्रिय जनमोर्चाका शंकर बरालले नागरिकता वितरणविरुद्ध जनमोर्चा आन्दोलनमा रहेको उल्लेख गरे । बुद्धिजीवी रामराज रेग्मीले जन्मसिद्ध आधारमा नागरिकता पाउनुपर्नेमा जोड दिए ।
अधिकारकर्मी सुन्दर गुरुङले नागरिकताको विषयमा जिम्मेवार निकाय गंभीर बन्नुपर्नेमा जोड दिए । प्राध्यापक पद्मशरण रेग्मीले दुई ठूला महाशक्ति छिमेकी राष्ट्रहरुले नेपालको भू–राजनीतिक खेल खेल्न चाहेको बताए ।
प्राध्यापक कल्याण पन्तले नेपालको राष्ट्रियता यहीँका शासकहरुबाटै खतरामा रहेको चर्चा गरे । पत्रकार महासंघ कास्कीका संस्थापक अध्यक्ष उमाकान्त शर्माले विदेशी नागरिकलाई नागरिकता दिन नपाइने कुराको जिकिर गरे । नागरिक समाज पोखराका अध्यक्ष बिष्णुहरि अधिकारीले राष्ट्र, राष्ट्रियता र नागरिकतबारे गहन छलफल चलाइनुपर्नेमा जोड दिए ।
वरिष्ठ अधिवक्ता भूपनिधि पन्त,नेकपा मसाल कास्कीका प्रवक्ता चन्द्रबहादुर केसीले लगायतले आफ्नो भनाई राखेका थिए ।
Related News
सम्बन्धित समाचार
गण्डकीमा सभामुखले संविधान मिचेको कांग्रेसको आरोप
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
मुख्यमन्त्रीलाई विश्वासको मत दिन सकिन्न ः पञ्चराम गुरुङ
मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
hero news full width
मुख्य समाचार
भलिबलमा अटल हिमाल
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१गण्डकी प्रदेश सभाको बैठक ३० मिनेटका लागि स्थगित
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१पोखरा देशभरकै प्रदूषित सहर
वैशाख २३, २०८१