पोखरा । पोखरामा अर्को सहकारी संस्था ठगी प्रकरणमा अध्यक्षसहित ३ जनालाई प्रहरीले पक्राउ गरेको छ । पोखरा ९, न्यूरोडमा कार्यालय रहेको विन्ध्यवासिनी बचत तथा ऋण सहकारी संस्थाको करिब ७ करोड रकम हिनामिना गरेको आरोपमा कास्की प्रहरीले अध्यक्ष ५६ वर्षीय सुवर्णमान नकर्मीसहित सहकारी सञ्चालक समिति सदस्य एवं ऋण समिति संयोजक ३३ वर्षीय कृष्णमान श्रेष्ठ र ४५ वर्षीय उदित सन्दीप पौडेललाई आइतबार पक्राउ गरेको हो ।
उनीहरुलाई कास्की जिल्ला अदालतबाट सहकारी ठगी सम्बन्धी कसूरमा ७ दिन म्याद थप गरी अनुसन्धान प्रक्रिया अघि बढाइएको निमित्त सूचना अधिकारी प्रहरी निरीक्षक तिलक मानन्धरले जानकारी दिए ।
सहकारी समितिका पदाधिकारीसमेतले निक्षेपकर्ताको बचत रकम फिर्ता नगरेको, सहकारी रकम हिनामिना, अपचलन एवं ठगी गरेको भनी सहकारी रजिष्ट्रार कार्यालय पोखरामा जाहेरीको आधारमा मुद्दा दर्ता भएको हो ।
स्रोतका अनुसार छानबिनमा झण्डै ७ करोड रुपैयाँ हिनामिना गरेको प्रतिवेदन प्रहरीसमक्ष पुगेको छ ।
सहकारी अध्यक्ष सुवर्णमान नकर्मी र सचिव गंगाधर सुवेदीले अन्य पदाधिकारीको किर्ते हस्ताक्षर गरी सहकारीको जग्गा तथा रकम दुरुपयोग गरेको भेटिएको छ । उनीहरुले सहकारीको नामको ३ रोपनी जग्गा बगालेटोलको लेकसिटी हस्पिटललाई बेचेका थिए । उक्त कार्य बाहिरिएपछि गत पुस २६ मा उनीहरु दुवैले ८ दिनभित्र उक्त जग्गा संस्थाको नाममा ल्याउने र त्यसो गर्न नसके आधाआधा रकम व्यहोर्ने सहमति गरेका थिए । तर यतिका समय बितिसक्दा पनि जग्गा सहकारीको नाममा आउन सकेको छैन ।
लेकसिटी हस्पिटलका अध्यक्ष उदित सन्दीप र सहकारीका सचिव गंगाधर भाइनाताका हुन् । स्याङ्जाको फेदीखोला गाउँपालिका ७ का गंगाधर पोखरामा अपेक्षा बुक्स एन्ड स्टेसनरीसमेत चलाउँछन् ।
त्यसैगरी कृष्णमान श्रेष्ठलाई सहकारीको संयुक्त खाता सञ्चालन गरी १ करोडभन्दा बढी रकम हिनामिना गरेको अभियोगमा पक्राउ गरिएको कास्की प्रहरीले जनायो । उनले अध्यक्ष नकर्मी र सचिव सुवेदीसँगै आफ्नो नामको संयुक्त खाता सञ्चालन गरेका थिए ।
Related News
सम्बन्धित समाचार
कसको हातमा पर्ला वर्ष खेलाडीको उपाधि ?
गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
मुग्लिन–पोखरा सडक खण्डमा १३ वटा पुल सम्पन्न, ११ निर्माणाधीन
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
hero news full width
मुख्य समाचार
सुरु भयो ट्राफिक सप्ताह, मुख्यमन्त्रीले गरे उद्घाटन
गण्डकीका सभामुखको कदमबारे मिश्रित प्रतिक्रिया
वैशाख २५, २०८१मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१