पोखरा । कुमुदिनी होम्स माविले आयोजना गरेको दोस्रो कुमुदिनी अन्तरविद्यालय स्तरीय क्विज प्रतियोगितामा न्यु मोडल सेकन्डरी स्कुल प्रथम भएको छ । प्रतियोगितामा गण्डकी बोर्डिङ स्कुल दोस्रो र ग्लोबल कलिजियट तेस्रो भएका छन् । सान्त्वना स्थान बाल मन्दिरले प्राप्त गरेको छ । न्यु मोडलका अरिज पोखरेल, अन्दिज बस्ताकोटी र सजीता सिंहको समूहले १५ हजार, ट्रफी, मेडल र प्रमाणपत्र प्राप्त गरेको छ ।

गण्डकी बोर्डिङका श्रीया पौडेल, अभिनव ढुंगाना र प्रसुन अधिकारीको समूहले १० हजार, मेडल र प्रमाणपत्र प्राप्त ग¥यो । ग्लोबल कलेजियट स्कुलका प्रनिल आचार्य, सन्देश सापकोटा र जोशीला अधिकारीको समूहले ५ हजार, मेडल र प्रमाणपत्र प्राप्त गरेको छ ।

बाल मन्दिर माविका राजु तिमिल्सिना, रक्षा शर्मा र स्वस्तिका पौडेलको समूहले ५ हजार, मेडल र प्रमाणपत्र प्राप्त गरेको छ ।

दोस्रो कुमुदिनी अन्तर विद्यालय क्विज प्रतियोगितामा पोखराका १५ विद्यालयका विद्यार्थी सहभागी भएको कुमुदिनी होम्स माविका भाइस प्रिन्सिपल मुकेशकुमार अधिकारीले जानकारी दिए ।

समापन समारोहमा विद्यालयका संस्थापक अध्यक्ष अशोक पालिखेले विद्यार्थीको शिक्षण सिकाइ सँगसँगै यस्ता प्रश्नोत्तरका प्रतियोगिताले उनीहरूको दक्षता अभिवृद्धि गर्नमा सघाउने बताए ।