पोखरा । राष्ट्रिय सभा सदस्य चुन्न बिहीबार मतदान हुँदैछ । गण्डकी प्रदेशमा रिक्त ३ सदस्यका लागि ४ दलबाट ८ जना उम्मेदवार चुनावी मैदानमा छन् । कांग्रेस–माओवादीसहितको गठबन्धनका कारण गण्डकीमा गठबन्धनको जित सुनिश्चित झैं छ ।
पोखरास्थित प्रदेश निर्वाचन कार्यालयमा बिहीबार बिहान ९ देखि दिउँसो ३ बजेसम्म मतदानको समय तोकिएको मुख्य निर्वाचन अधिकृतको कार्यालयले जनाएको छ । उम्मेदवार पनि मनोनयनपछि विभिन्न जिल्लामा मतदाता भेट्दै प्रचारप्रसार टुंगाएर मतदानसँगै चुनावी परिणामको व्यग्र प्रतीक्षामा छन् ।
निर्वाचन कार्यालयका सूचना अधिकृत रुद्रप्रसाद न्यौपानेले मतदान तयारी पूरा भएको बताए । मतदानका लागि २ वटा मतदान केन्द्र तोकिएको छ । तीमध्ये एउटा केन्द्रमा ९ जना खटिने छन् । जसमा निर्वाचन अधिकृत १, मतदान अधिकृत १, सहायक मतदान अधिकृत १, कर्मचारी ४, सहयोगी २ जना हुने छन् । चुनावका लागि गण्डकीमा जिल्ला न्यायाधीश ऋषिराम आचार्यलाई मुख्य निर्वाचन अधिकृत तोकिएको छ ।
यसपालि देशभर १९ सिटका लागि हुने राष्ट्रिय सभा चुनावअन्तर्गत गण्डकी प्रदेशमा ३ सिट (महिला, अपांग र अन्य) खाली रहन गएको हो । गण्डकीबाट प्रतिनिधित्व गर्ने राष्ट्रिय सभाका अध्यक्षसमेत रहेका नेकपा (एमाले) का गणेशप्रसाद तिमिल्सिना, एमालेकै दीपा गुरुङ र नेपाली कांग्रेसका प्रकाश पन्थको कार्यकाल आगामी फागुन २० मा सकिँदैछ ।
गठबन्धनबाट अन्य क्लस्टरमा गोरखाका किरणबाबु श्रेष्ठ, अपांगता र अल्पसंख्यकमा तनहुँका पदमबहादुर परियार र महिलामा पर्वतकी मनरुपा शर्माले मनोनयन दर्ता गराएका हुन् । तीमध्ये श्रेष्ठ र परियार कांग्रेसका हुन् भने शर्मा माओवादी नेतृ हुन् ।
बिहान ९ देखि ३ बजेसम्म निर्वाचन कार्यालय परिसरमा मतदान समय तोकिएको छ
एमालेबाट अन्य क्लष्टरतर्फ स्याङ्जाका चक्रबहादुर पराजुली, अपांगता र अल्पसंख्यकबाट मुस्ताङका हेमन्द्र शेरचन र महिलातर्फ गोरखाकी सम्झना देवकोटा उम्मेदवार छन् ।
राप्रपाले अपांगताबाहेक अन्य २ सिटमा मनोनयन दिएको छ । कास्कीका राप्रपा नेता रोमबहादुर भण्डारीले अन्यतर्फ र तनहुँकी गौमाया श्रेष्ठ महिला क्लष्टरबाट उम्मेदवार छिन् ।
गण्डकीबाट कुल २ सय ३० जना मतदाता छन् । तीमध्ये ६० सदस्यीय प्रदेश सभा (सदस्य) बाट ६० र ८५ पालिकाका (प्रमुख/उपप्रमुख तथा अध्यक्ष÷उपाध्यक्ष) गरी १ सय ७० जना मतदाता हुन् ।
गण्डकीमा १ महानगरपालिका (पोखरा) सहित २६ नगरपालिका र ५८ गाउँपालिका छन् । निर्वाचन आयोगले प्रदेश सभाको सांसदको मतभार ५३ र पालिकातर्पm मतभार १९ तोकेको छ । यसरी गण्डकीमा दुवै तहका गरी जनप्रतिनिधिको कुल मतभार ६ हजार ४ सय १० हुन आउँछ ।
कांग्रेसको प्रदेश सभातर्फ २७ र पालिकातर्फ ६७ जना मतदाता गरी कुल मतभार २ हजार ७ सय ४ मतभार हुन आउँछ ।
सत्तारुढ दल माओवादी केन्द्रको संसदमा ८ सिट र पालिकातर्फ ३० गरी कुल मतभार ९ सय ९४ छ भने राष्ट्रिय जनमोर्चाको पालिकातर्फका गरी ५७ मतभार छ । उसको संसदमा उपस्थिति छैन । एकीकृत समाजवादीको संसदमा १ र पालिकामा १ गरी उसको मतभार ७२ मात्र छ ।
यस्तै, एमालेको प्रदेशसभामा २२ सिटको प्रतिनिधित्व छ । उसको मतभार यहाँ १ हजार १ सय ६६ र पालिकातर्फ ६८ को मतभार १ हजार २ सय ९२ गरी कुल मतभार २ हजार ४ सय ५८ हुन आउँछ ।
तर, एमालेबाट ढोरपाटनको मेयर जितेका देवकुमार नेपाली सहकारी ठगीकाण्डका कारण बेपत्ता छन् । उनको अनुपस्थिति भए एमालेको मतभार घटेर २ हजार ४ सय ३९ मात्र हुनेछ । प्रदेश सभामा २ सिट जितेको राप्रपाको १ सय ६ मतभार कायम छ ।
यसरी हेर्दा गठबन्धनको कुल मतभार ३ हजार ८ सय २७ हुनेछ भने निकटतम् प्रतिस्पर्धी दल एमालेको २ हजार ४ सय ३९ मतभार छ । मनाङको निस्याङ गाउँपालिका उपाध्यक्ष जितेका छिरिङ गुरुङ स्वतन्त्र हुन् ।
Related News
सम्बन्धित समाचार
एकातिर खोला, अर्कैतिर पुल
एमाले मुस्ताङको अध्यक्षमा दीपक लालचन
फिल्म ‘लण्डन टु पेरिस’ को ‘चाहन्छु यो माया’ गीत सार्वजनिक
काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
जिभिपी युके लन्डनलाई भलिबल उपाधि
hero news full width
मुख्य समाचार
ढुंगाबालुवा चोरी निकासीमा संलग्न ५ गाडी नियन्त्रण
एचआइभी संक्रमणले पढाइबाट वञ्चित
जेठ ५, २०८१उषा र प्रकाश पोखरा साइकल दौड च्याम्पियन
जेठ ५, २०८१पोखरा सिँगार्न दिनहुँ श्रमदानमा खटिन्छन् सीताराम
जेठ ५, २०८१मुग्लिन–पोखरा सडक पूर्वी खण्डको म्याद थपियो
जेठ ४, २०८१फेवाको मापदण्ड घटाउन सर्वोच्चमा रिट
जेठ ४, २०८१