पोखरा । तोरन्ल पर्व अवसरमा थकाली सेवा समिति पोखराले आयोजना गरेको तारा खेल प्रतियोगितामा ९३ अंकसहित गौचन ‘ए’ समूह प्रथम भएको छ । यसैगरी ९२ अंकसहित तुलाचन हरियोले द्वितीय स्थान हासिल गरेको छ भने ७९ अंकसहित भट्टचन समूह तृतीय भएको छ । ७५ अंकसहित शेरचन ‘ए’ ले सान्त्वना स्थान हासिल गरेको छ ।
समितिको कार्यालय नदीपुरमा ४ चनबीच भएको प्रतियोगितामा ७ टिमको सहभागिता थियो । छैटौं अन्तरचन तारा प्रतियोगिता नाम दिएर खेलाइएको तारा खेलको थकाली सेवा समितिका केन्द्रीय सल्लाहकार हरिध्वज तुलाचनले गत २१ फागुनमा उद्घाटन गरेका थिए ।
फागुपूर्णिमाका दिन तोरन्ल पर्व पर्ने र यो अवसरमा विविध कार्यक्रम गरी समितिले पाँचदिने कार्यक्रमका साथ पर्व मनाएको समितिका अध्यक्ष इन्जिनियर रुजिन्द्र तुलाचनले जानकारी दिए । पहिलो दिन तिङा पूजा भयो । दोस्रो दिन र्याली आयोजना भएको थियो । अन्य दिन तारा खेल र थकालीहरुबीच शुभकामना आदानप्रदान र खानपानका कार्यक्रमहरु भएको समितिका सचिव अशोककुमार भट्टचनले जानकारी दिए ।
तोरन्लकै अवसरमा थकालीहरुले पुज्ने नरिझ्योव, तुलाचन थरका देवी ल्ह छयुरिन ग्हयल्मो, गौचन थरका देवता ल्ह लाङ्वा न्हुर्व, भट्टचन थरका देवता ल्ह ह्यावा ह्याङज्युङ र शेरचन थरका देवता ल्ह क्हाङ्ला सिङ्कीकर्पोको तस्वीरमा माल्यार्पण पनि गरिएको थियो ।
वसन्त ऋतुको आगमनसँगै सुरू हुने तोरन्लमा देशविदेशमा छरिएका थकाली समुदाय रमाउने गर्छन् । तारो हान्ने, पितृ चढाउने, नाँचगान गर्ने मिठो खाने र राम्रो लगाउने यो पर्वको मुख्य विशेषता हुन् ।
Related News
सम्बन्धित समाचार
बुद्ध जयन्तीको अवसरमा धार्मिक प्रवचन हुने
पोखरामा बुद्ध जयन्तीको सप्ताहव्यापी कार्यक्रम
भूकम्पले क्षति पुर्याएको अर्लाङ्दी मन्दिर जीर्णोद्धार
विश्व हिन्दु महासंघ गण्डकीमा मुक्तिराम
पोखरामा श्रीमद्भागवत् महायज्ञ सुरु
hero news full width
मुख्य समाचार
प्रधानमन्त्री दाहालले आज चाैथोपटक विश्वासको मत लिँदै
दमौलीको मुख्यचोकका सटरमा मध्यरातमा आगलागी, ३ घण्टापछि नियन्त्रणमा
जेठ ७, २०८१एकातिर खोला, अर्कैतिर पुल
जेठ ६, २०८१ढुंगाबालुवा चोरी निकासीमा संलग्न ५ गाडी नियन्त्रण
जेठ ६, २०८१एमाले मुस्ताङको अध्यक्षमा दीपक लालचन
जेठ ६, २०८१काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
जेठ ६, २०८१