पोखरा । पोखरा अन्तर्राष्ट्रिय विमानस्थल संचालनका लागि तयारी तीव्र पार्न पोखरेली व्यवसायीले दबाब तीव्र पारेका छन् । ४३ औं अन्तर्राष्ट्रिय विश्व पर्यटन दिवस अवसरमा मंगलबार पोखरामा आयोजित अन्तरक्रियामा पर्यटन व्यवसायीले विमानस्थल संचालनका लागि संघ र प्रदेश सरकारका तर्फबाट ढिलासुस्ती गरिएको भनी असन्तुष्टी जनाए । पोखरा पर्यटन परिषद्, नेपाल पर्यटन बोर्ड गण्डकी प्रदेश र पर्यटन, उद्योग, वाणिज्य तथा आपूर्ति मन्त्रालयको संयुक्त आयोजनमा उक्त कार्यक्रम भएको थियो ।
अहिलेको ल्यान्डफिल साइट सट्टा फोहोर व्यवस्थापनका लागि उचित स्थल वा प्रविधिको प्रबन्ध, रिट्ठेपानी डाँडा कटान, हवाईमार्ग टुंगो र उडान भर्न चाहने विमान कम्पनीको सुनिश्चितताजस्ता अन्योल विद्यमान रहेको कार्यक्रममा चर्चा गरियो ।
अग्रज पर्यटन व्यवसायी बासुदेव त्रिपाठीले विमानस्थल संचालनको मिति नजिकिंदै गर्दा समेत भारतबाट नेपाल आउँदा विमानले कुन विन्दुबाट प्रवेश गर्ने विषय टुंगो नलाग्नु दुखद भएको बताए ।
५ वर्षअघि निर्माण थालनी भएको विमानस्थल नेपाल नागरिक उड्डयन प्राधिकरणले आगामी पुस १७ (१ जनवरी) मा औपचारिक संचालन गर्ने बताउँदै आएको छ । यसका लागि रिट्ठेपानी डाँडा कटान काम तीव्ररुपमा अगाडि बढाउन पोखरा पर्यटन परिषद् अध्यक्ष पोमनारायण श्रेष्ठले माग गरे । ल्यान्डफिल साइट व्यवस्थापन र डाँडा काट्ने कामलाई बोलीमा भन्दा व्यवहारमा तीव्रता दिन ट्रेकिङ एजेन्सिज एसोसिएसन अफ नेपाल (टान) पश्चिमाञ्चलका पूर्व अध्यक्ष सोम थापाले माग गरे ।
प्राधिकरणका पोखरा प्रमुख एवं नयाँ विमानस्थल संचालन तयारीको जिम्मा पाएका विक्रम गौतमले विमानस्थलको सम्पूर्ण निर्माण कार्य सम्पन्न भएको जानकारी गराए । सेफ्टिी, सेक्युरिटी र फेसिलेसनसम्बन्धी सम्पूर्ण कामहरु करिब सकिने अवस्थामा रहेको उनले बताए । कर्मचारीहरु तालिमको क्रममा रहेको र विमानस्थलमा वोइङ ७३७ समूहका जहाज अवतरण र उडान गर्न सक्ने गरी तयारी गरिएको उनले सुनाए ।
क्यालिवरेसन उडानका लागि रिट्ठेपानी डाँडा पूरै ४० मिटर कटान गर्न नभ्याइए पनि १४ मिटर काटेर त्यस्तो उडान गर्न सकिने
३ हजार ८ सय ९९ रोपनी ओगटेको विमानस्थलको रनवेको लम्बाई २ हजार ५ सय मिटर र चौडाई २५ मिटर रहेको पनि गौतमले बताए । क्यालिवरेसन उडानका लागि रिट्ठेपानी डाँडा पूरै ४० मिटर कटान गर्न नभ्याइए पनि १४ मिटर काटेर त्यस्तो उडान गर्न सकिने र सोहीअनुसार तयारी भइरहेको उनले बताए । रिट्ठेपानी डाँडा कटानका लागि प्राधिकरणले यसअघि नै टेन्डर आव्हान गरिसकेको छ । चाइना सिएएमसी इञ्जिनियरिङले चीनको एक्जिम बैंक र चीन सरकारले प्रदान गरेको कुल २२ अर्ब रुपैयाँ ऋण तथा आर्थिक सहयोगमा यो विमानस्थल बनेको हो । विमानस्थलमा टर्मिनल भवन, पेरिफेरि रोड, रन–वे, ह्यांगर, ट्क्याक्सी वे, यात्रु आउनेजाने बाटो, एटिआर तथा विमान पार्किङ गर्न सकिने संरचना तयार भइसकेका छन् ।
बोर्ड अफ एयरलाइन्स रिप्रेन्जेटिभ्स् नेपाल (बार्न) का अध्यक्ष जनकराज कलाखेतीले विमानस्थल सहज संचालनका लागि सरकारले विमान कम्पनीहरुलाई सहुलियतका कार्यक्रम ल्याउनुपर्ने बताए । ल्यान्डिङ, पार्किङ र ग्राउण्ड हेन्डलिङसम्बन्धी शुल्कहरुमा छुट हुनुपर्ने माग उनले गरे । ग्राउन्ड हेन्डलिङसम्बन्धी सामग्रीहरुको खरिदमा भंसार छुटको विषय पनि उनले राखे । यात्रु नेपाल ल्याएवापत केही शुल्क अर्थात् मार्केटिङ फन्डका लागि रकम व्यवस्था गरिनुपर्ने सुझाव उनले दिए । कनेक्टिभिटी र पूर्वाधारको विषय महत्वपूर्ण भएको बताउँदै संसारभरि अहिले हवाई इन्धनको मूल्य दोब्बरजस्तो भएको र नाफाको ग्यारेन्टी नभएसम्म विमान कम्पनीहरुले विमान उडाउन गाह्रो पर्ने भनाइ उनले राखे । प्राधिकरणतर्फबाट विभिन्न राष्ट्रिय तथा अन्तर्राष्ट्रिय वायुसेवा कम्पनीका प्रतिनिधि र संचारकर्मीलाई नयाँ विमानस्थलको अवलोकन पनि गराइएको थियो ।
अन्तरक्रियामा पोखरा महानगरपालिकाका प्रमुख धनराज आचार्यले विमानस्थलमा सेवा आरम्भको समयसम्म महानगरले पोखराको बाच्छेवुडुवामा रहेको ल्यान्डफिल साइटको अल्पकालकै लागि भए पनि उचित व्यवस्थापन गर्ने प्रतिवद्धता जनाए । दीर्घकालका लागि फोहोरबाट बिजुली उत्पादन, मल उत्पादन, ग्यास उत्पादन र रिसाइक्लिङमध्ये अन्तिम विकल्पका बारेमा बढी सम्भावना रहेको उनले बताए ।
उक्त अवसरमा नेपाल पर्यटन बोर्ड गण्डकी प्रदेशका प्रमुख काशीराज भण्डारीले नयाँ विमानस्थल बनाउनुभन्दा संचालनका लागि सकसपूर्ण जस्तो अनुभव हुन थालेको भन्दै यसको उचित संचालन गरी यसलाई सेतोहात्ती हुनबाट जोगाउनुपर्ने बताए । बोर्डले विमानस्थलको प्रबद्र्धनका लागि पूर्ण सहकार्य गर्ने भनाइ पनि उनले राखे ।
गण्डकी प्रदेशका भौतिक पूर्वाधार, सहरी विकास तथा यातायात मन्त्री एवं प्रवक्ता कुमार खड्काको प्रमुख आतिथ्यमा भएको कार्यक्रम गण्डकीका पर्यटन, उद्योग, वाणिज्य तथा आपूर्ति मन्त्री मणिभद्र शर्मा कँडेलको अध्यक्षतामा भएको हो । कार्यक्रममा शिक्षा, संस्कृति, विज्ञान प्रविधि तथा सामाजिक विकास मन्त्री मेखलाल श्रेष्ठ, स्वास्थ्य तथा जनसंख्या मन्त्री मधु अधिकारी गुरुङ, पोखरा महानगरपालिकाका मेयर धनराज आचार्यलगायतले भनाइ राखेका थिए ।
Related News
सम्बन्धित समाचार
कसको हातमा पर्ला वर्ष खेलाडीको उपाधि ?
गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
मुग्लिन–पोखरा सडक खण्डमा १३ वटा पुल सम्पन्न, ११ निर्माणाधीन
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
hero news full width
मुख्य समाचार
सुरु भयो ट्राफिक सप्ताह, मुख्यमन्त्रीले गरे उद्घाटन
गण्डकीका सभामुखको कदमबारे मिश्रित प्रतिक्रिया
वैशाख २५, २०८१मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१