पोखरा। साहित्यकार सरुभक्तले लेखक अभियुक्त र समालोचक न्यायाधीशको भूमिकामा रहने विचार व्यक्त गरेका छन् । कथाकार अशोक थापाको कथा संग्रह सन्तापको धून को परिचर्चा कार्यक्रममा उनले सो धारणा राखेका हुन् । कुनै पनि साहित्यकारको कृति प्रकाशित भइसकेपछि उक्त लेखक अभियुक्तका रूपमा उभिने, अधिवक्ताका रूपमा पाठकहरूले विभिन्न बहसहरू गर्ने र समालोचकले फैसला गर्ने उनको भनाइ थियो ।
समालोचकले नजिक र टाढाको लेखकलाई हेरेर कसैलाई गाली बर्साउने त कसैलाई देवत्वकरण गर्ने गरेको वर्तमानलाई इङ्गित गर्दै उनले समालोचकहरूले पछिल्लो समय न्यायाधीशको झैँ निष्पक्ष भूमिका निर्वाह गर्न नसकेकोमा चिन्ता व्यक्त गरे । साथै उनले समालोचकहरूले पनि आफ्नो कार्यमाथि पनि समालोचना हुन्छ भन्ने सत्यलाई सधैँ आत्मसात गर्दै कृतिमाथि निष्पक्ष दृष्टिकोण प्रस्तुत गर्नुपर्नेमा जोड दिए ।
समालोचकसमेत रहेका डा. अशोक थापा कथाकारका रूपमा प्रवेश गरेकाले उनले दुईओटा डुङ्गामा खुट्टा राखेको उल्लेख गर्दै सरुभक्तले निकै सुझबुझसँग अगाडि बढ्न आग्रहसमेत गरे ।
पुस्तकमाथि समीक्षा प्रस्तुत गर्दै प्रा.डा. रामचन्द्र पोखरेलले लेखकले नेपाली समाजको आफ्नो युगको यथार्थ चित्र प्रभावकारी ढङ्गबाट प्रस्तुत गरेको बताए । पुस्तकले मानवीय संवेदनालाई स्पर्श गर्दै नवीनता पस्कन सकेको भन्दै प्रशंसा गरे ।
कृतिमाथि टिप्पणी प्रस्तुत गर्दै आख्यानकार गनेस पौडेलले कृतिको लेखनशैलीले आफूलाई प्रभावित तुल्याएको धारणा राखे । उनले अगाडि थपे–‘संस्कृतिविनाको साहित्य साहित्य हुँदैन।’ अशोकले यस कृतिमा नेपाली कथाको किस्सा शैलीलाई बडो गजबले कथामा प्रस्तुत गरेको बताए । साथै उनले कथा प्रस्तुत गरिरहँदा केही कथामा समालोचकीय व्यक्तित्वको प्रभावले कथानकमा असर परेको भन्दै आगामी कृतिमा त्यसलाई कम गर्न सुझावसमेत दिए ।
कृतिको समीक्षा गर्दै समीक्षक रीता अधिकारीले पुस्तकमा आमाको कथा, पुरुष सत्ताको हैकम आदि विषयलाई निकै मर्मस्पर्शी ढङ्गबाट कथामा उठान गरिएको बताइन् । नारीले भोग्ने पीडा, नारीमाथिका विभेद, विद्यालयीय प्रेम लगायतका सन्दर्भलाई सुन्दर भाषामा प्रस्तुत गरिएकाले कृति पठनीय बनेको निष्कर्ष प्रस्तुत गरिन् ।
लेखक अशोक थापाले पहिले ठुलाठुला विषय खोज्दै हिँड्नाले लामो समयसम्म साहित्य सिर्जना गर्न नसकेको अनुभव सुनाए । साथै उनले जुन दिनदेखि सिर्जनाका लागि मसिना विषय नै बढी प्रभावकारी हुने कुरा महसुस भयो, त्यस दिनदेखि सिर्जना गर्न थालेको बताए ।
‘सन्तापको धून’ कथा सङ्ग्रहको प्रकाशक संस्था पेज टर्नरका प्रवन्ध निर्देशक भरत पौडेलले प्रकाशनका क्षेत्रमा बामे सर्दै गरेको संस्थाले निकै सुन्दर कृतिलाई पहिलो कृतिका रूपमा पस्कन पाएकोमा खुसी व्यक्त गरे । पुछारसिटे अभियानका सुरज उपाध्यायको अध्यक्षतामा भएको सो कार्यक्रममा अभियानकै सन्दीप अधिकारीले स्वागत मन्तव्य व्यक्त गरेका थिए भने सञ्चालन सञ्जीव पौडेलले गरेका थिए ।
Related News
सम्बन्धित समाचार
हेमजा साहित्य प्रतिष्ठानमा चूडामणि खनालको स्मरण
अक्षरयात्राको २१० औं शृंखला खास्टेतालमा
छन्द बचाऊँ वाचनकला पुरस्कारबाट त्रिपाठी सम्मानित
सबीको अपरिभाषित आभा लोकार्पित
छन्द बचाऊँ वाचनकला पुरस्कारबाट त्रिपाठी सम्मानित
hero news full width
मुख्य समाचार
मुख्यमन्त्री अधिकारीविरुद्धको रिट खारेज
कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
वैशाख १७, २०८१गण्डकीका ४ सय ६७ स्थानमा डढेलो
वैशाख १७, २०८१बझाङ प्रदेशसभा–१ मा एमालेका भण्डारी विजयी
वैशाख १७, २०८१