पोखरा । पोखरा महानगरपालिकाका प्रमुख धनराज आचार्यले अनुशासित, सभ्य र नैतिकवान समाज निर्माणमा महानगरको सदा साथ रहने बताएका छन् ।
ब्रम्हाकुमारी ईश्वरीय विश्वविद्यालय एवं राजयोग प्रशिक्षण केन्द्र नयाँबजारले बुधबार आयोजना गरेको रक्षाबन्धन एवं स्नेह मिलन कार्यक्रममा बोल्दै महानगर प्रमुख आचार्यले सो कुरा बताएका हुन् । उनले अनुशासित, सभ्य र नैतिकवान समाज निर्माणमा ब्रम्हाकुमारी ईश्वरीय विश्वविद्यालयकका सशक्त नारीशक्तिको महत्वपूर्ण योगदान रहने कुरामा आफू विश्वस्त रहेको र महानगरको साथ र सहयोग रहने प्रतिबद्धता व्यक्त गरे । संस्थाको मुख्यालय माउन्ट आबुसमेत भ्रमण गरेका आचार्यले यहाँ सेवारत आजीवन समर्पित सदस्यको लगनशीलता, समर्पण, अनुशासन र संगठन देखेर प्रभावित भएको बताए ।
रक्षाबन्धनको पूर्वसन्ध्यामा ब्रह्माकुमारीले संस्थाका समर्पित सदस्यका लागि संगठनलाई एकता, आत्मिक प्रेम र मर्यादाको सूत्रमा बाँध्ने उद्देश्यका साथ रक्षाबन्धन एवं स्नेह मिलन कार्यक्रम गरेको हो ।
समारोहमा संस्थाका अध्यक्ष राजयोगिनी ब्र्रम्हाकुमारी परिणीताले रक्षाबन्धन ५ विकारबाट आत्माको रक्षाको लागि बाँधिएको पावन एवं अलौकिक पे्रमको बन्धन भएकाले मन, वचन, कर्ममा धारण गरिने पवित्रताले नै मानिसको आचरणमा दिव्यता आउन सक्ने र जसको फलस्वरुप विश्वमा सुखशान्ति सम्पन्न दैवी स्वराज्य स्थापना हुन सक्ने विचार राखिन् ।
कार्यक्रममा संस्थाको मुख्यालय माउन्ट आबुबाट मुख्य प्रशासिका राजयोगिनी डा. दादी रतनमोहिनीले पठाएको राखी विमोचन गरिएको थियो । सो अवसरमा राजयोगिनी ब्रम्हाकुमारी परिणीताबाट मेयर र उनकी धर्मपत्नीले रक्षासूत्र ग्रहण गरेका थिए ।
संस्थाका महासचिव राजयोगी ब्र्रम्हाकुमार शैलेषराज बरालले संस्थाका गतिविधिबारे जानकारी दिएका थिए । अत्यन्तै व्यस्त जीवनशैलीमा तनावमक्त रहेर कार्य गर्न मेडिटेसन लाभदायक रहने कुरामाथि जोड दिंदै नगर प्रमुख आचार्यलाई मेडिटेसन सिक्न सुझाव दिए ।
कार्यक्रममा सेवा केन्द्रका सञ्चालिका तथा समर्पित सदस्यसहित १ सय जनाले रक्षासूत्र ग्रहण गरेका थिए ।
कार्यक्रममा संस्थाको लवलीहिल शाखा सञ्चालिका ब्रह्माकुमारी सुधा दिदीले रक्षाबन्धन पर्वको आध्यात्मिक रहस्यमाथि प्रकाश पारेकी थिइन् भने कार्यक्रम सञ्चालन ब्रह्माकुमारी शोभाले गरेकी थिइन् ।
रक्षाबन्धनको दिन शुक्रबार संस्थाका पोखरामा रहेका २२ सेवाकेन्द्र सहित देशका करिब ९ सय सेवाकेन्द्रमा रक्षासूत्र ग्रहण, आध्यात्मिक प्रवचन एवं अवगुण दान आग्रह तथा प्रसाद वितरण कार्यक्रम गरिने ब्रम्हाकुमार शैलेषराज बरालले दिए ।
Related News
सम्बन्धित समाचार
पोखरा २ मा ज्येष्ठ नागरिकहरूको स्वास्थ्य परीक्षण
वेगनास तालको प्रवद्र्धन गर्दै स्थानीय
पोखरा सिँगार्न दिनहुँ श्रमदानमा खटिन्छन् सीताराम
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
जग्गाधनीले रोके रुपाताल परियोजनाको काम
hero news full width
मुख्य समाचार
एकातिर खोला, अर्कैतिर पुल
ढुंगाबालुवा चोरी निकासीमा संलग्न ५ गाडी नियन्त्रण
जेठ ६, २०८१एमाले मुस्ताङको अध्यक्षमा दीपक लालचन
जेठ ६, २०८१काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
जेठ ६, २०८१एचआइभी संक्रमणले पढाइबाट वञ्चित
जेठ ५, २०८१उषा र प्रकाश पोखरा साइकल दौड च्याम्पियन
जेठ ५, २०८१