म्याग्दी । म्याग्दीमा नेपाली कांग्रेस स्थानीय तह निर्वाचन लक्षित ‘घर–घर जाऔं, कांग्रेस जिताऔं’ १ महिने अभियान सुरु भएको छ । आइबातरदेखि सुरु भएको १ महिने जागरण अभियान कार्यक्रम पूर्व राज्यमन्त्री तथा कांग्रेस केन्द्रीय सदस्य चम्पादेवी खड्काले उद्घाटन गरिन् । १ महिने जागरणको अभियानमा आफू हरेक घर, टोल, वडा र पालिकामा पुग्ने बताइन् । आगमी स्थानीय तहको निर्वाचनमा कांग्रेसका उम्मेदवारलाई जिताउन हरेक गाउँ, टोल र हरेक घरमा जानुपर्नेमा जोड दिइन् । पार्टी भित्रको आन्तरिक गुटबन्दीलाई त्यागेर सबै एक भएर चुनावी अभियानमा लाग्न आग्रह गरिन् । कांग्रेसको सरकारले विकास निर्माणको काम गरेपनि प्रचारप्रसार कम भएको उनले बताइन् ।
जागरण अभियानको क्रममा आगामी निर्वाचनमा मतदानमा सहभागी भई लोकतान्त्रिक अधिकार प्रयोग गर्न सबैलाई सहभागी हुन आग्रह गर्ने, स्थानीय निर्वाचनमा कांग्रेसका उम्मेदवारलाई विजयी गराउन मतदातालाई अपील गर्ने, कांग्रेस सरकारको पालामा हासिल भएका आर्थिक, राजनीतिक उपलब्धि र विकासबारे जनतालाई जानकारी गराउने, नेकपा सरकारका पालामा भएका भ्रष्टाचार र अनियमिताको भण्डाफोर गर्नेलगायत उद्देश्य छन् ।
कम्युनिस्टकै कारण २ तिहाइको सरकार ढलेको भन्दै केन्द्रीय सदस्य खड्काले भनिन् ,‘नेकपाको २ तिहाइको सरकार थियो,आफ्नै कारण ३ वर्षमै ढलेपछि देश र संविधानको रक्षाको गर्न ५ वर्षको लागि प्रतिपक्षमा बसेको कांग्रेस सरकारको नेतृत्व सम्हाल्न बाध्य भएको हो ।’
कार्यक्रममा कांग्रेस म्याग्दीका जिल्ला सभापति खमबहादुर गर्बुजा ‘खम्बिर’ ले चुनाव लक्षित जागरण अभियानको योजना बनाएकोमा विविध कारण ढिलाइ भएको बताए । उनले जिल्लाले खटाएका संयोजकसहितको टोलीले हरेक टोल, वडा, पालिकामा पुगेर आफ्नो जिम्मेवारी पूरा गर्न निर्देशन दिए ।
कार्यक्रममा कांग्रेस म्याग्दीका पूर्व सभापति तथा संविधानसभा सदस्य रेशमबहादुर बानियाँ, उपसभापति तथा बेनी नगरपालिकाका मेयर हरिकुमार श्रेष्ठ, उपसभापति केबी भण्डारी, पूर्व सहसभापति नेत्रबहादुर महत, सचिव भरत रकाल, कोषाध्यक्ष अमृतमान शेरचन, सहसचिव श्रीराम पौडेल, महाधिवेशन प्रतिनिधि तथा नेता चिरञ्जीवी शर्मा, कांग्रेस गण्डकी प्रदेश सदस्य तथा नेपाल महिला संघ म्याग्दीकी अध्यक्ष विमला गौचन, महाधिवेशन प्रतिनिधि सदस्य तथा मालिका गाउँपालिका अध्यक्ष श्रीप्रसाद रोका मगर, तरुणदल म्याग्दीका अध्यक्ष तथा महाधिवेशन प्रतिनिधि मुकुन छन्त्याल, महाधिवेशन प्रतिनिधि बलभद्र ढकाल लगायतले बोलेका थिए ।
Related News
सम्बन्धित समाचार
अधिकारी सरकारविरुद्धको मुद्दा हेर्दाहेर्दैमा
कामचलाउ सरकारद्वारा दोस्रो आवधिक योजनाको परिमार्जित आधारपत्र सार्वजनिक
अधिकारी सरकारविरुद्धको रिट न्यायाधीश रेग्मी र पोखरेलको इजलासमा
आदर्श समाजकर्मी विजय नेपाललाई चलचित्र पत्रकारिता पुरस्कार’, फिल्मकर्मी विनोद शेरचनलाई सम्मान
फेवाको मापदण्ड घटाउन सर्वोच्चमा रिट
hero news full width
मुख्य समाचार
कान्तिपुर मिडिया ग्रुपका अध्यक्ष कैलाश सिरोहिया कार्यकक्षबाटै पक्राउ
कालिका बहुमुखी क्याम्पसलाई क्युएए प्रमाणपत्र
जेठ ८, २०८१अधिकारी सरकारको वैधानिकताको टुंगो आज
जेठ ८, २०८१पोखरा विश्वविद्यालय शिक्षण अस्पताल उद्घाटन
जेठ ७, २०८१दमौली आगलागी अपडेट : क्षतिको विवरण संकलन गरिँदै
जेठ ७, २०८१प्रधानमन्त्री प्रचण्डलाई चाैथोपटक विश्वासको मत
जेठ ७, २०८१