पोखरा, १० असोज । नेपाली कांग्रेसको १४ औं महाधिवेशनअन्तर्गत पोखरा महानगर नगरसभापतिमा सुरेन्द्रमान बिजुक्छेले बाजी मारेका छन् । अन्य ५ प्रतिस्पर्धीलाई पछि पार्दै उनी आगामी कार्यकालका लागि निर्वाचित हुन सफल भएका हुन् । उनी यसअघि नगर उपसभापति थिए ।
पोखरा उद्योग वाणिज्य संघका महासचिव समेत रहेका बिजुक्छेले अन्तिम परिणाममा ४ सय १४ मत प्राप्त गरेका छन् । उनका निकटतम् प्रतिस्पर्धी गंगाधर पराजुलीले ३ सय ४६ मत प्राप्त गरेका छन् । शनिबार भएको मतदानमा १ हजार ३ सय ७० मतदातामध्ये १ हजार ३ सय ४४ खसेको थियो ।
यसैगरी सभापतिकै उम्मेदवार पोखरा ९का वडाध्यक्ष रामराज लामिछानेले २ सय ९, काँग्रेस नेता मिलनप्रसाद तिवारीले १ सय ५३, पोखरा ११ का वडाध्यक्ष मोहनप्रसाद बास्तोलाले १ सय २७, पत्रकार ज्योति हमालले ११ मत ल्याएका छन् ।
नगर उपसभापतिमा प्रयागराज भण्डारी र भवसागर बराल निर्वाचित भए । चुनावमा ६ प्रतिस्पर्धी थिए । सचिवमा टुवराज बास्तोला विशाल र गणेशबहादुर थापा निर्वाचित भए । निर्वाचन समितिले भने आधिकारिक रुपमा घोषणा गर्न बाँकी छ ।
को हुन् सुरेन्द्र ?
बिजुक्छे २०३६ सालमा पृथ्वीनारायण क्याम्पस पढ्दा नै नेविसंघमा लागेका उनी पञ्चायतकै बेला वडा २ को सभापति भएका थिए । लामो समय क्रियाशील रहेर पनि उनी लाभको पदबाट वञ्चित छन् । आन्दोलनमा लाग्दा उनी जेल जान पनि तयार भए । कोषाध्यक्षहुँदै उपसभापति बनेका उनी आर्जेको अनुभव सभापतिको रुपमा पार्टीकै हितमा प्रयोग गर्ने एजेन्डासहित चुनावी मैदानमा थिए ।
आफूले कांग्रेसलाई दिने काम मात्रै गरेको तर लिने काम नगरी लाभको पद नलिएको उनको भनाइ छ । आउँदो स्थानीय चुनावमा भाग नखोजी क्रियाशील अरुलाई अगाडि सार्ने उनको योजना छ । पार्टी बलियो बनाउनेबाहेक आफ्नो अरु कुनै स्वार्थ नरहेको समेत उनको भनाइ छ । पोखरा उद्योग वाणिज्य संघ महासचिव बिजुक्छेमा यसअघि नगर उपसभापतिको पनि अनुभव छ ।
Related News
सम्बन्धित समाचार
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
भलिबलमा अटल हिमाल
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
गण्डकी प्रदेश सभाको बैठक ३० मिनेटका लागि स्थगित
hero news full width
मुख्य समाचार
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१