पोखरा । नेपाल मगर पत्रकार संघ, कास्कीले हरेक वर्ष प्रदान गर्दै आएको राष्ट्रिय मौलिक कौराहा संरक्षण पत्रकारिता पुरस्कार–२०७८ बाट कास्कीका पत्रकार एमबी आस्था मगर पुरस्कृत भएका छन् ।
राष्ट्रिय मौलिक कौराहा संरक्षण समिति, नेपालद्वारा स्थापित सो पुरस्कारबाट एबीसी न्यूज टेलिभिजनका गण्डकी प्रदेश ब्युरो प्रमुखसमेत रहेका पत्रकार मगर पुरस्कृत भएका हुन् । मगरलाई गण्डकी प्रदेशका कानुन, सञ्चार तथा प्रदेशसभा मामिला मन्त्री विन्दुकुमार थापाले १० हजार नगद, ताम्रपत्र, फेटा र भाङ्ग्राले सम्मान गरेका थिए ।
संघका केन्द्रीय उपमहासचिव रूद्रबहादुर श्रीसमगरको संयोजक तथा राष्ट्रिय मौलिक कौराहा संरक्षण समिति नेपालका अध्यक्ष हर्क आलेमगर, उपाध्यक्ष तारामाया थापामगर, केन्द्रीय सदस्य नरमाया आलेमगर र संघका जिल्ला अध्यक्ष रूद्रबहादुर हितानमगर रहेको प्रतिभा छनाेट समितिले उनलाई चयन गरेको हो ।
पुरस्कार प्रदान गर्दै मन्त्री थापाले मगर जाति संस्कृतिको धनी भएको उल्लेख गर्दै नेपालमा जातीय सहिष्णुता कायम राख्न मगर जातिको अतुलनीय भूमिका रहेको बताए । सबै पत्रकार सम्बद्ध संघसंस्था र पत्रकारको सुझाव अनुसार आफू अघि बढ्ने भन्दै उनले श्रमजीवि पत्रकारको हितका पक्षमा प्रदेश सरकारले काम गर्ने प्रतिबद्धता जनाए ।
नेपाल आदिवासी जनजाति महासंघ, गण्डकी प्रदेशका अध्यक्ष खेम पुनमगरले आदिवासी जनजातिको भाषा, संस्कृति संरक्षणका लागि समुदायले पहल गरे पनि राज्य पक्षबाट अझै उपेक्षामा परेको उल्लेख गरे । आदिवासी जनजातिका भाषा, धर्म, संस्कृति र भेषभूषा देशको सम्पत्ति भएको उल्लेख गर्दै अध्यक्ष पुनमगरले तिनको संरक्षण र विकासका लागि राज्यले पर्याप्त ध्यान दिनुपर्ने भनाइ राखे ।
पुरस्कृत व्यक्तित्व पत्रकार एमबी आस्था मगरले आफू पुरस्कृत हुँदा सिंगो पत्रकारिता क्षेत्र पुरस्कृत भएको महसुस भएको बताए ।
नेपाल मगर पत्रकार संघ, कास्कीका अध्यक्ष रूद्रबहादुर हितानमगरको अध्यक्षतामा भएको कार्यक्रममा नेपाल पत्रकार महासंघका केन्द्रीय सदस्यद्वय सरीता तिमिल्सिना पंगेनी र त्रिभुवन पौडेलले महासंघले सबैको भावना समेटेर अघि बढ्ने बताए । कार्यक्रममा प्रतिभा छनाेट समिति संयोजक रूद्रबहादुर श्रीसमगर, राष्ट्रिय मौलिक कौराहा संरक्षण समिति नेपालकी केन्द्रीय सदस्य नरमाया आलेमगर र संघका जिल्ला सह–सचिव सुरज थापामगर लगायतले बोलेका थिए । यसअघि सो पुरस्कारबाट नवलपुरकी कमला रानामगर, कास्कीका तिलकप्रसाद पुनमगर र तनहुँका प्रताप रानामगर पुरस्कृत भइसकेका थिए ।
Related News
सम्बन्धित समाचार
पोखरा २ मा ज्येष्ठ नागरिकहरूको स्वास्थ्य परीक्षण
वेगनास तालको प्रवद्र्धन गर्दै स्थानीय
पोखरा सिँगार्न दिनहुँ श्रमदानमा खटिन्छन् सीताराम
पोखरामा फोहोरबाट रोजगारी सिर्जनाका लागि कोरियाको ९८ लाख अमेरिकी डलर सहयोग
जग्गाधनीले रोके रुपाताल परियोजनाको काम
hero news full width
मुख्य समाचार
एकातिर खोला, अर्कैतिर पुल
ढुंगाबालुवा चोरी निकासीमा संलग्न ५ गाडी नियन्त्रण
जेठ ६, २०८१एमाले मुस्ताङको अध्यक्षमा दीपक लालचन
जेठ ६, २०८१काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
जेठ ६, २०८१एचआइभी संक्रमणले पढाइबाट वञ्चित
जेठ ५, २०८१उषा र प्रकाश पोखरा साइकल दौड च्याम्पियन
जेठ ५, २०८१