हेमजा । अन्नपूर्ण कोभिड हेल्पलाइनले सक्रियता बढाउँदै लगेको छ । स्थापनाको २ सातामै उक्त संस्थाले अन्नपूर्ण गाउँपालिकामा कोरोना नियन्त्रणमा उल्लेख्य काम गरेको छ । यद्यपि संस्था दर्ता भने भै सकेको छैन ।
जसअन्र्तगत आइतवार अन्नपूर्ण १ स्थित लेवाडेमा संक्रमितको घरमै पुगी उक्त संस्थाले स्वास्थ्य सुरक्षाका सामग्री वितरण गरेको छ । त्यस्तै आइतबारै कोरोना भाइरस विरुद्घको अभियानलाई कसरी प्रभावकारी बनाउन सकिन्छ ? भन्ने विषयमा गाउँपालिकाका प्रतिनिधीसँग छलफल समेत गरेको छ ।हेल्पलाइनमा अन्नपूर्णका युवाहरु यतिवेला उत्साहका साथ खटेको पाइन्छ ।
त्यस्तै उक्त हेल्पलाइनले अन्नपूर्ण गाउँपालिकाको आइसोलेशनका लागि ३ सिलीन्डर अक्सीजन लगायत केही मेडिकल सामग्री पनि प्रदान गरिसकेको छ।त्यस्तै संक्रमणको रेड जोनमा परेको झोवाङका अलवा सेराचौर, अधिकारीडाँडा, काँडे, नयाँबजार, गोलडाँडा, पाउँदुरकोटमा पुगी स्वास्थ्य सुरक्षाका सामग्री पनि संस्थाले बाढीसकेको छ ।
स्थापनाको केही सातामै जनताले अनुभव गर्ने गरी हेल्पलाइनले काम गरेको प्रति अन्नपूर्णवासी यतिवेला निकै खुसी देखिन्छन्।महामारीको यो विषम समयमा हेल्पलाइनको कार्य प्रशम्सनीय रहेको अन्नपूर्ण ५ की मैताँ विकको अनुभव छ ।
यसका साथै उक्त हेल्पलाइनले रक्तदान, कोरोना भाइरस विरुद्घ नागडाँडादेखि विरेठाँटीसम्म माइकिङ, सल्यान बासखर्क र पाउँदुर रयालेका संक्रमितको उद्घार, दुर्घटनाका घाइतेलाई अस्पतालसम्म पु¥याउने काम, दीर्घ रोगीलाई घरसम्मै औषधी लगिदिने काम समेत गरेको छ।
आफ्नो कार्य सहजताका लागि हेल्पलाइनले विभिन्न देशका लागि सम्पर्क व्यक्ति समेत तोकेको छ ।जसअनुसार दक्षिण कोरियामा विनोद दाहाल, अस्टे«लियाका लागि अजय सुवेदी, जापानमा महेन्द्र केसी र साउदी अरेवीयाका लागि राजु कुँवरलाई जिम्मेवारी दिइएको छ।आवश्यकता अनुसार अन्य देशमा पनि सम्पर्क व्यक्ति तोक्ने तयारी हेल्पलाइन छ ।
यसैबीच आइतबारको छलफलमा अन्नपूर्ण गाउँपालिका अध्यक्ष युवराज कुँवरले हेल्पलाइनको कार्य सराहनीय रहदै आएको भन्दै उक्त संस्थालाई सामाजिक बनाउनुपर्नेमा जोड दिए । अध्यक्ष कुँवरले सल्लाहकारको रुपमा राजनैतिक दलका प्रतिनिधी र अन्य समाजसेवीलाई पनि समेट्नुपर्ने औंल्याए । गाउँपालिकाको स्वास्थ्य शाखासँग आवश्यक समन्वय गरी कार्य गर्न पनि उनले हेल्पलाइनलाई निर्देशन समेत दिए ।
प्रमुख प्रशासकीय अधिकृत युवराज अधिकारीले हेल्पलाइनलाई कोरोनाका अलवा अन्य विपद्को समयमा पनि जुट्ने गरी सशक्त बनाइनुपर्ने बताए।उनले जनप्रतिनिधीलाई संरक्षक राख्न, किट् बक्स् स्थापना गर्न र अन्य आयुर्वेदिक औषधीलाई पनि समेट्न आग्रह गरे।कोरोना रोकथाम सबैको जिम्मेवारी भएको उनको ठहर छ ।
सो अवसरमा हेल्पलाइनका संयोजक विराज सुवेदी, सहसंयोजक विष्णु अधिकारी, सचिव शिवहरी सुवेदी, कोषाध्यक्ष चन्द्रमोहन सुवेदी, सदस्य प्रकाश सुवेदी लगायतले हेल्पलाइनका गतिविधीवारे गाउँपालिकालाई अवगत गराएका थिए ।
हेल्पलाइन जनताको स्वास्थ्यलाई ख्याल राख्दै अन्नपूर्णका युवाहरु मार्फत स्वयम्सेवी रुपमा गठन भएको संस्था हो । जसमार्फत निःशुल्क एम्बुलेन्सको व्यवस्था गरिएको छ । त्यस्तै खाध्य संकट भएकाहरुलाई खाध्यान्नको व्यवस्था पनि मिलाइएको छ।त्यस्तै प्रभावित क्षेत्रमै पुगी कोरोना भाइरस विरुद्घ स्वास्थ्य सुरक्षामा सामग्री प्रदान गर्ने कार्यलाई पनि तीब्र पारिएको छ ।
Related News
सम्बन्धित समाचार
कसको हातमा पर्ला वर्ष खेलाडीको उपाधि ?
गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
मुग्लिन–पोखरा सडक खण्डमा १३ वटा पुल सम्पन्न, ११ निर्माणाधीन
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
hero news full width
मुख्य समाचार
सुरु भयो ट्राफिक सप्ताह, मुख्यमन्त्रीले गरे उद्घाटन
गण्डकीका सभामुखको कदमबारे मिश्रित प्रतिक्रिया
वैशाख २५, २०८१मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१