पोखरा । पोखरा महानगरपालिकाले पोखरा–२७ मा कोभिड उपचार केन्द्रको प्रारम्भिक उद्घाटन गरेको छ । छोटो समयको प्रयासमै निर्मित सो उपचार केन्द्रको शुक्रबार गण्डकी प्रदेशका मुख्यमन्त्री पृथ्वीसुब्बा गुरुङले उद्घाटन गरेका हुन् । करिब २ करोड लागतमा निर्मित अस्पतालमा हाल ५० बेड तयार छन् । आगामी दिनमा १ सय बेड क्षमता विस्तार गर्ने योजना महानगरको छ ।
मेयर मानबहादुर जिसीले २ करोड लागतमा कोभिडका बिरामीको उपचार लक्षित गरी लायन्सको समन्वयमा अस्पताल निर्माण गरिएको जानकारी दिए । ‘यस कार्यमा हामीलाई लायन्स क्लबले ठूलो सहयोग ग¥यो,’ मेयर जिसीले भने, ‘मिहिनेत गरेमा छोटो समयमै पनि हुँदो रहेछ भन्ने लागेको छ ।’ महानगरले करिब १० दिनमै आवश्यक सुविधासहित साविकको लेखनाथ नगरपालिकाको कार्यालय रहेको भवनलाई कोभिड उपचार केन्द्रको रुपमा विकास गरेको हो । महानगरको स्वास्थ्य महाशाखाअन्तर्गत शिशुवा अस्पताल मातहतमा सो केन्द्र सञ्चालित हुनेछ । १५ महिनादेखि महामारीको रुपमा फैलिएको कोरोना भाइरस नियन्त्रणमा विभिन्न प्रयास जारी राखेको पोखरा महानगरले पहिलो पटक अस्पताल नै निर्माण गरी यसको रोकथाम तथा नियन्त्रणमा जुटेको हो ।
पोखरा महानगर र लायन्सको सहकार्यमा साविकको लेखनाथ नगरपालिकाको भवनमा १० दिनमै २ करोड लागतमा अस्पताल निर्माण भएको हो ।
अस्पताल अहिले महामारीको बेलामात्र सञ्चालन नभई आगामी दिनमा पनि निरन्तर सञ्चालन हुनेछ । मेयर जिसीले भने, ‘यो हस्पिटल महानगरकै हो । कोरोना महामारीको बेलामा मात्र नभई सधैँभरि नियमित रुपमा सञ्चालन हुनेछ । आवश्यक सुधार सहित स्रोतसाधन सम्पन्न बनाउँदै जाने छौं ।’
लायन्स क्लब अफ इन्टरनेसनल डिस्ट्रिक ३२५ बि १ को संयुक्त सहकार्यमा सञ्चालित अस्पतालमा ५० बेडसहित सोसँग सम्बन्धित आवश्यक सामग्री उपलब्ध गराएको हो । लायन्सले बेडसहित सर्जिकल सामग्री, दराज, म्याट्रेस, अक्सिजन कन्सन्ट्रेटर, सोलार, पर्दा लगायत सामग्री सहयोग गरेको लायन्स क्लब अफ इन्टरनेसनल डिस्ट्रिक ३२५ बि १ का डिपार्टमेन्ट चिफ मोहनबाबु खड्काले जानकारी दिए । खड्का अस्पताल निर्माणमा लायन्सको तर्फबाट संयोजक हुन् । उनका अनुसार ५० बेडमै हाइ फ्लो अक्सिजन मेसिन जडान गरिएको छ भने ९ अक्सिजन कन्सन्ट्रेटर मेसिन छन् ।
जसले अक्सिजन नहुँदा विकल्पमा १८ जनासम्म बिरामीलाई धान्न सक्छ । खड्काले गण्डकी क्षेत्रका विभिन्न लायन्स क्लबहरुसहित नमस्ते सामुदायिक प्रतिष्ठान, कवाडी व्यवसायी संघ, पृथ्वी राजमार्ग बस व्यवसायी समिति, मेगा बैंक लगायत सम्पूर्ण सहयोगदाता लगायतको साथ र सहयोगले सम्भव भएको बताए । भौतिक पूर्वाधार निर्माण महानगरको सहयोग छ ।
तत्कालीन लेखनाथ नगरपालिकाको मुख्य कार्यालय रहेकोमा पछिल्लो समय पोखरा महानगरपालिका वडा २७ को कार्यालय थियो । वडा कार्यालय अन्यत्र भाडामा लिई सञ्चालन गरी कुल ३६ रोपनी क्षेत्रफलमा फैलिएको सो क्षेत्रमा अस्पताल निर्माणपछि स्थानीय पनि खुसी बनेको लायन्सका डेप्युटी चिफ एड्भाइजर समेत रहेका स्थानीय शैलेन्द्रमोहन भट्टराईले बताए । हाललाई ५० बेड रहेकोमा बिस्तारै माथिल्लो तलामा पनि बेड थपेर १ सय बेडसम्म पु¥याउने महानगरको लक्ष्य छ । आगामी दिनमा आइसियु, भेन्टिलेटर समेत आउने बताइएको छ ।
शिशुवा अस्पतालका मेडिकल सुपरिटेन्डेन्ट डा. प्रतिभा कोइरालाले अस्पताल निर्माणमा महानगर र लायन्सको टिममै उल्टिएर सहयोग गरेको हुँदा छोटो समयमै सम्भव भएको बताइन् । ‘आज (शुक्रबार) महानगरको इन्जिनियरिङ टिमबाट मेडिकल टिमलाई हस्तान्तरण गरिएको हो,’ कोइरालाले भनिन्, ‘अझै केही समय त लाग्छ । एक साताभित्रै हामीहरुले बिरामी भर्ना लिन्छौं ।’ अस्पतालमा स्वास्थ्यकर्मीमात्रै १० टिमको टिम खटिने उनले जानकारी दिइन् । जसमा २ मेडिकल अफिसर, ४ नर्सिङ स्टाफ सहित प्यारामेडिक, कार्यालय सहयोगी, सुरक्षाकर्मी हुनेछन् ।
२०३४ सालको हेल्थपोस्ट हुँदै स्तरोन्नति हुँदै हाल १५ बेड क्षमताको प्राइमरी लेवलको रुपमा शिशुवा अस्पताल सञ्चालित छ । शिशुवा अस्पतालमा ४० कर्मचारी कार्यरत छन् ।
Related News
सम्बन्धित समाचार
भलिबलमा अटल हिमाल
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
गण्डकी प्रदेश सभाको बैठक ३० मिनेटका लागि स्थगित
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
hero news full width
मुख्य समाचार
प्रदेश विघटन हुन जोगाउने जिम्मा सभामुखको हो : माओवादी नेता चुमान
मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१पोखरा देशभरकै प्रदूषित सहर
वैशाख २३, २०८१