स्याङ्जा । आँधीखोला गाउँपालिकाले होम आइसोलेसनमा रहेका कोरोना संक्रमितलाई स्वास्थ्यवद्र्धक पोषणतत्व (औषधी) उपलब्ध गराएको छ । आफु चढ्ने सवारी साधनमा औषधी बोकेर संक्रमितका घरमा पालिकाका अध्यक्षसहितको समूह पुगेको हो ।
यहाँका पञ्चमूल, चिलाउनेबास, सेतीदोभान र फापरथुमका ८० जना संक्रमितलाई आयुर्वेदिक औषधी वितरण गरिएको पालिका अध्यक्ष सुधीरकुमार पौडेलले जानकारी दिए । अश्वगन्धा चूर्ण र आमलकी, जेठीमधु, गुड्ची मिश्रणका औषधीसहित स्वास्थ्य सामग्री वितरण गरिएको हो ।
‘कोरोनाको औषधी नभएका अवस्थामा चिकित्सकका सल्लाहबमोजिम रोग प्रतिरोधात्मक क्षमता वृद्धिका लागि आयुर्वेदिक औषधी दिएका हौं ।’ अध्यक्ष पौडेलले भने ‘औषधीसँगै बिरामीको स्वास्थ्य अवस्था बुझ्नुका साथैै उनीहरुका परिवारलाई भेटेर खानपानका साथै सरसफाइमा ध्यान दिन सुझाएका छौं ।
गाउँपालिका अध्यक्ष पौडेल, स्वास्थ्य शाखा प्रमुख निराजन लामिछाने र आयुर्वेदिक चिकित्सक लगायतको टोलीले होम आइसोलेसनमा रहेका संक्रमितसँग स्वास्थ्य परामर्श गरेका थिए ।
अध्यक्ष नै आफ्ना घरमै आएर रोग स्वास्थ्य परामर्श लिनुका साथै प्रतिरोधात्मक तत्वसहित स्वास्थ्य सामग्री उपलब्ध गराएपछि आत्मबल बढेको र कोरोनालाई जित्न सकिन्छ भन्नेमा ढुक्क रहेको चिलाउनेबासका संक्रमित ५९ वर्षीया एक महिलाको भनाइ छ ।
आँधीखोला गाउँपालिका १ मा ३६ जना, २ मा २१ जना , ५ मा ४५ जना र वडा नं ६ मा १० जना गरी कूल १ सय १२ जना कोरोना संक्रमित छन् । संक्रमितमध्ये अधिकांश होम आइसोलेससनमा छन् । तीमध्ये ४ जनाको निको भएका छन् भने २ जनाको मृत्यु भएको छ ।
बढ्दो कोरोना संक्रमण लक्ष्य गरी सेतीदोभानमा २० शड्ढयाको अक्सिजनसहितको कोभिड १९ अस्थायी अस्पताल निर्माणको तयारी भइरहेको र बिरामीको निशुल्क स्वास्थ्य उपचार गरिने अध्यक्ष पौडेलले बताए ।
Related News
सम्बन्धित समाचार
कांग्रेस गण्डकीको भवन असोज अगावै सम्पन्न गरिने
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
मुख्यमन्त्री अधिकारीले रोजे पुरानै मन्त्री
hero news full width
मुख्य समाचार
गण्डकीका सभामुखको कदमबारे मिश्रित प्रतिक्रिया
ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१