पोखरा। गण्डकीमा जनमोर्चाका सांसद खीमविक्रम शाही ‘हराएपछि’ उत्पन्न विवादले अनिश्चित बनेको प्रदेश सभाको बैठक सञ्चालनका लागि बसेकाे सर्वदलीय बैठक निचाेडमा नपुगी सकिएकाे छ ।
एमाले जेठमा बैठक राख्ने पक्षमा छ भने अरु दल यहि साता टुंग्याउन दबाब दिएका छन् । मुख्यमन्त्री तथा एमाले संसदीय दलका नेता पृथ्वीसुब्बा गुरुङले जेठ १ गते कार्यव्यवस्था परामर्श समितिकाे बैठकले कार्यसूचि बनाएर २ गते संसद बैठक बाेलाउन सुझाव दिए।
अरु दलले धेरै पर नधकेल्न सुझाएपछि बिहीबा कार्यव्यवस्था समितिकाे बैठका बाेलाइएकाे छ । समितिले कार्यसूची बनायाे भने संसद चल्छ ।
नत्र फेरि सर्वदलीय बैठक बस्नुपर्छ, एक नेताले भने, सम्भवतः धेरै ढिलाे हुँदैन अब । यसैका लागि संसदमा प्रतिनिधित्व गर्ने पाँच वटै दलकाे बैठक बुधबार बस्न लागेकाे छ ।
मुख्यमन्त्री विरुद्द संसदमा अबिस्वास प्रस्ताव छलफलकै क्रममा छ ।
मंगलबारकाे बैठकमा मुख्यमन्त्री पृथ्वीसुब्बा गुरुङ, नेपाली कांग्रेस संसदीय दलका नेता कृष्णचन्द्र नेपाली पोखरेल, माओवादी केन्द्रका हरिबहादुर चुमान, जनमोर्चाका कृष्ण थापा र जनता समाजवादीका हरिशरण आचार्य सहभागी थिए ।
जनमोर्चाकै सांसद हराएको सूचनाका आधारमा सभामुखले १५ गते बैठक स्थगित गरेका थिए । आफ्ना सांसद बिरामी भएर उपचार गराएको र अहिले होटेलमा आराम गरिहरेको जानकारी जनमोर्चाले सभामुखलाई औपचारिक रुपमा गराइसकेको छ ।
वैशाख २ गते कांग्रेससहित ३ दलले दर्ता गराएको अविश्वास प्रस्तावमाथि वैशाख १५ गते मतदान हुने कार्यसूची थियो । अविश्वास प्रस्ताव पारित गर्न ३१ मत चाहिनेमा जनमोर्चाका खीमविक्रम शाही र स्वतन्त्र सांसद अनुपस्थित भएका कारण कारवाही अगाडि बढाउन सभामुखले रोकेका हुन् ।
६० सदस्यीय गण्डकी प्रदेश सभामा एमालेका २७ सांसद छन् । एमालेलाई १ स्वतन्त्र सांसदको साथ छ । धरमरमा रहेका स्वतन्त्र सांसद राजीव गुरुङ(दीपक मनाङे) लाई मन्त्री बनाएर थप एक भोट सुरक्षित गरेका छन् ।
संसदमा कांग्रेसका १५, माओवादीका १२, जनमोर्चाका ३ र जसपाका २ सांसद छन् । अविश्वास प्रस्तावमा जनमोर्चाको मौखिक समर्थन र २८ सांसदको हस्ताक्षर छ ।
Related News
सम्बन्धित समाचार
भलिबलमा अटल हिमाल
पौडी खेल्दा डुबेर पोखरामा २ बालकको मृत्यु
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
गण्डकी प्रदेश सभाको बैठक ३० मिनेटका लागि स्थगित
hero news full width
मुख्य समाचार
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
प्रदेश विघटन हुन जोगाउने जिम्मा सभामुखको हो : माओवादी नेता चुमान
वैशाख २३, २०८१मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१