तनहुँ । बन्दीपुर गाउँपालिका १ लाई बाख्रापालनका लागि पकेट क्षेत्र बनाउन लागिएको छ । मासुमा आत्मनिर्भर बनाउने उद्देश्यले गाउँपालिकाले बाख्रापालन पकेट क्षेत्र बनाउन लागेको हो । प्रधानमन्त्री कृषि परियोजनाअन्तर्गत बाख्रापालन पकेट क्षेत्रका लागि १५ लाख विनियोजन भएको वडाध्यक्ष भानुभक्त पोखरेलले बताए ।
गाउँपालिकाले बाख्रापालनका लागि वडा नम्बर १ लाई छनोट गरेपछि कार्यक्रमको प्रक्रिया अघि बढाइएको उनले बताए । वडाका अगुवा किसानलाई जिल्लाको भीमाद नगरपालिका ९ पाथर्दीस्थित नमूनारूपमा रहेको सिर्जनशील बाख्रा फार्मको अवलोकन गराउनुका साथै विभिन्न क्षेत्रमा रहेका बाख्राफार्मको अवलोकन गराइएको उनले बताए ।
बन्दीपुर गाउँपालिकाका प्रमुख प्रशासकीय अधिकृत महेश सुवेदी, पशु शाखा प्रमुख मधुविलास न्यौपाने, बाख्रापालक किसानलगायतको टोलीले अन्य क्षेत्रमा पालिएको बाख्राफार्मको अवलोकन गरेको हो । बाख्रा पकेट क्षेत्रका लागि विनियोजन भएको उक्त रकम वडाभित्र रहेको हरियाली किसानन समूहलाई प्रदान गरिनेछ । उनले भने, ‘किसानले बाख्राको खोर व्यवस्थापन, खोर सुधार तथा औषधी व्यवस्थापन दाना, घाँसलगायतका सम्पूर्ण काम गर्नेछन् ।’
वडामा रहेको १० टोलका बाख्रापालक किसान समूहमा आबद्ध हुनेछन् । गाउँपालिकाले उक्त वडामा रहेका बाख्रापालक किसानको घरघरमा पुगेर सर्वेक्षण गर्ने काम सम्पन्न गरिसकेको गाउँपालिकाका प्रमुख प्रशासकीय अधिकृत सुवेदीले जानकारी दिए । बाख्रापालन पकेट क्षेत्र बनाउनका लागि सुरुमा १ हजार बाख्रा राखिनेछ । उनले भने, ‘१ घरधुरीले कम्तीमा ५ वटा माउ बाख्रा पालेको हुनुपर्छ ।’
प्रधामन्त्री कृषि परियोजनाका प्रमुख कुलप्रसाद अधिकारीले १५ लाख छुट्याइदिएपछि गाउँपालिकाले निर्णय गरेर उक्त किसान समूहलाई रकम हस्तान्तरण गरेको हो । १ सय ५० जना बाख्रापालक किसान छनोट भइसकेको र बढ्ने क्रम जारी रहेको बन्दीपुर गाउँपालिका कार्यालयले जनाएको छ । बन्दीपुर १ मा बाख्रा पकेट क्षेत्र कार्यक्रम सुरु भएपछि त्यस क्षेत्रका बाख्रापालन किसान थप उत्साहित भएर लागेको गाउँपालिकाका अध्यक्ष पूर्णसिं थापाले बताए ।
Related News
सम्बन्धित समाचार
‘कुखुरा कल्याणमा केज प्रणाली अनुपयुक्त’
पशु स्वास्थ्य प्राविधिकलाई अभिमुखीकरण
माझठानाका कृषकलाई तालिम
कास्कीको मादीमा एउटै फार्मका दुई सय ८० बाख्रा मरेपछि…
फेदीखोलाको सर्केटारीमा प्रथम आलु प्रदर्शनी
hero news full width
मुख्य समाचार
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
वैशाख २५, २०८१सुरु भयो ट्राफिक सप्ताह, मुख्यमन्त्रीले गरे उद्घाटन
वैशाख २५, २०८१गण्डकीका सभामुखको कदमबारे मिश्रित प्रतिक्रिया
वैशाख २५, २०८१मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१