काठमाण्डौमा चलिरहेको बृहत् नागरिक आन्दोलनले प्रधानमन्त्री के.पी शर्मा ओलीमा सर्वसत्तावादी चिन्तन र व्यवहार हावी भएको ठहर गर्दै प्रजातान्त्रका दिन घोषणापत्र जारी गरेको छ । ९ वटा सवाल उठाएको घोषणापत्र बौद्धिक क्षेत्रमा चर्चित भएको छ । घोषणापत्रमा २००७ साल यता निरन्तर घात भोगिरहेको लोकतन्त्रलाई जीवन्तता दिन बृहत् नागरिक आन्दोलनमार्फत् नागरिक सर्वोच्चता स्थापना गर्न आह्वान गरिएको छ । घोषणापत्रमा भागबन्दाको राजनिति, संकीर्ण स्वार्थ र शक्ति आर्जनलाई सर्वपरि ठान्ने दलतन्त्र मुलुकको समग्र उन्नतिको बाधक मानेको छ । सत्तालिप्सा र आपसी कलहमै केन्द्रित भएर मुलुकलाई बाधक बनाउने अधिकार दलहरुलाई छैन भन्ने कुरा पनि प्रष्ट उल्लेख गरेको छ । घोषणापत्रमा राजनैतिक दलहरुले संवैधानिक संस्कार आत्मसात गर्न नसकेको पनि उल्लेख गरिएको छ ।
बृहत् नागरिक आन्दोलन प्रधानमन्त्री ओलीले गरेको प्रतिनिधि सभा विघटनको विरुद्धमा हो । तापनि आन्दोलन त्यसमा मात्र सीमित छैन । यत्रो आन्दोलन गर्दागर्दै हैरान भएकाले यसले यसले व्यापक कुरा समेटेको छ । घोषणापत्रमा मातृभाषा र सांस्कृतिक अधिकार, यौनिक दुव्र्यवहार, हिंसा र बलात्कारका घटना बढेकामा पनि चिन्ता व्यक्त गरिएको छ । आन्दोलनले समृद्धिको नाममा मानव जीवनलाई पराश्रित बनाउने, प्रकृतिको दोहन गर्ने, सभ्यता र सांस्कृतिक धरोहर अवहेलना गरि ध्वंस गर्ने, आदिवासीलाई थातथलोबाट विस्थापित गर्ने जुन कार्य देशमा भइरहेका छन् । त्यसलाई पनि घोषणापत्रमा समेटिएको छ ।
घोषणापत्र व्यापक साेंच समझ गरी सबै पक्षलाई समेट्ने उद्देश्यले तैयार गरिएको बुझिएको छ । त्यसमा टुँडिखेलको कुरा पनि राखिएको छ र त्यसका साथमा सैनिक व्यारेकको कुरा पनि लेखिएको छ । ती सबैलाई समेटिएकाले यो घोषणापत्र दूरगामी महत्वको मान्नु पर्दछ । यी कुरा प्रधानमन्त्री आलीसँग मात्र सम्बन्धित होइन सबै नेता र दलहरुसँग पनि गाँसिएको विषय हो । ती नेता र दलहरुले यसमा के प्रतिक्रिया जनाउँछन् यो महत्वको कुरा हुन सक्दछ । अहिले जे पनि हुन्छ भन्ने सत्तामा पुगेपछि केही पनि गर्न नसक्नु राम्रो होइन । सत्तामा जानेहरुको त्यस्तो प्रवृत्तिले सत्ता र जनताका बीच जहिले पनि फासला बढाउँछ र जनता सधैं असन्तुष्ट भइरहनु पर्ने स्थिति सिर्जना हुन्छ भने सरकार सधैं अलोकप्रिय हुन्छ । यस्तो सरकारमा बस्नेहरु गम्भीर हुनु आवश्यक छ ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
एकातिर खोला, अर्कैतिर पुल
ढुंगाबालुवा चोरी निकासीमा संलग्न ५ गाडी नियन्त्रण
जेठ ६, २०८१एमाले मुस्ताङको अध्यक्षमा दीपक लालचन
जेठ ६, २०८१काम चलाउ सरकारद्वारा दोस्रो आवधिक योजनाको आधारपत्र परिमार्जन, पाण्डे सरकारले तय गरेको सोच समेत फेरियो
जेठ ६, २०८१एचआइभी संक्रमणले पढाइबाट वञ्चित
जेठ ५, २०८१उषा र प्रकाश पोखरा साइकल दौड च्याम्पियन
जेठ ५, २०८१