पाेखरा । भारतीय न्युज च्यानल जी न्युजका प्रधान सम्पादक सुधीर चौधरी चढेको हेलिकप्टर बिना अनुमति कालापत्थर पुगेको पाइएको छ।
१७ हजार फिटमाथि रहेको कालापत्थर क्षेत्र सगरमाथा राष्ट्रिय निकुञ्जमा पर्छ। त्यहाँ हेलिकप्टर लैजाँदा अनुमति लिनुपर्छ।
सुधीर चढेको हेलिकप्टर भने बिना अनुमति त्यहाँ पुगेको सगरमाथा राष्ट्रिय निकुञ्जका प्रमुख संरक्षण अधिकृत भूमिराज उपाध्यायले जानकारी दिए। उनले नेपाल समयसँग भने, ‘हामीसँग कुनै अनुमति लिइएको छैन।’
राष्ट्रिय निकुञ्ज तथा वन्यजन्तु संरक्षण विभागका सूचना अधिकारी हरिभद्र आचार्यले पनि निकुञ्ज क्षेत्रमा भारतीय पत्रकार चढेको हेलिकप्टर अवतरणका लागि कुनै अनुमति नलिइएको जानकारी दिए।
उनले भने, ‘भारतीय पत्रकार चढेको हेलिकप्टर अवतरणको विभागसँग कुनै अनुमति लिइएको छैन।’
आचार्यका अनुसार सार्क मुलुकका नागरिक कालापत्थरमा पुग्दा प्रतिव्यक्त १५०० रुपैयाँ शुल्क लिने गरिन्छ।
यस्तै छायांकन गर्दा ५० हजार रुपैयाँ शुल्क तोकिएको छ भने हेलिकप्टर अवतरण गर्दा तीन हजार रुपैयाँ शुल्क लिने गरिन्छ।
हेलिकप्टरमा कालापत्थर पुगेका चौधरीले सगरमाथामाथि भारतले दाबी गर्नुपर्ने अभिव्यक्ति दिँदै ‘माउन्ट एभरेस्टको सट्टा माउन्ट सिकदर’ बनाउने अभियान थाल्नुपर्ने बताए।
कालापत्थर पुगेर सगरमाथाको नाम फेर्ने अभिव्यक्ति दिएसँगै उनको विरोध भइरहेको छ।
जी न्युजको टिम प्रधानमन्त्री केपी शर्मा ओलीको अन्तर्वार्ता लिन नेपाल आएको थियो। सोही क्रममा उनीहरू हेलिकप्टर चढेर कालापत्थर पुगेका थिए।
Related News
सम्बन्धित समाचार
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
सुरु भयो ट्राफिक सप्ताह, मुख्यमन्त्रीले गरे उद्घाटन
गण्डकीका सभामुखको कदमबारे मिश्रित प्रतिक्रिया
मुख्यमन्त्री अधिकारीले रोजे पुरानै मन्त्री
hero news full width
मुख्य समाचार
ट्राफिक सप्ताहको ब्यानरमा प्रदेशका मन्त्रीको शपथ !
फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१सीतालाई सामाजिक. बेदबहादुरलाई खानेपानी मन्त्रालयको जिम्मा
वैशाख २४, २०८१सीता सुन्दास र बेदबहादुरलाई मन्त्री बनाउँदै खगराज
वैशाख २४, २०८१मन्त्रीमण्डल विस्तार गर्दै मुख्यमन्त्री अधिकारी, आजै साढे ४ मा शपथ
वैशाख २४, २०८१