पोखरा । भूतपूर्व खेलाडी मञ्च नेपालले कोभिड–१९ प्रभावबीच सफल पोखरा अन्तर्राष्ट्रिय म्याराथनलाई निरन्तरता दिने भएको छ ।
सोमवार आयोजित पत्रकार सम्मेलनमा मञ्च अध्यक्ष तेज गुरुङले १५ औं संस्करणको म्याराथन आगामी फागुन १ लाई तय गरिएको जानकारी दिए । उनले पोखरालाई खेलकुद शहररुपमा परिचित गराउन पोखरा म्याराथनले भूमिका खेलेको बताउँदै कोभिड–१९ को कठिन समयमा समेत यसलाई निरन्तरता दिन लागिएको बताए । यस संस्करणमा म्याराथनसँगै महिलाको हाफ म्याराथन (२१ किमी) समेत हुने जनाए ।
प्रतियोगितामा १० किमी महिला–पुरुष, ५ किमी छात्र–छात्रा तथा दृष्टिविहीनको दौड र अपाङ्गता भएका व्यक्तिहरुको ह्वील चियर दौडका इभेन्ट हुनेछन् । कोभिडका कारण दृष्टिविहीन दौड तथा ह्वील चियर दौड फागुन २२ मा, १० किमी महिला–पुरुष दौड चैत १४ मा र ५ किमी छात्रछात्रा दौड वैशाख ४ मा सम्पन्न हुनेछन् ।
म्याराथनतर्फ प्रथम, द्वितीय, तृतीय र सान्त्वना धावकले क्रमशः २ लाख, १ लाख, ७५ र २५ हजार प्राप्त गर्नेछन् ।
त्यस्तै, हाफ म्याराथनमा प्रथम, द्वितीय, तृतीय र सान्त्वनाले क्रमशः १ लाख, ७५ हजार, ५० र १५ हजार प्राप्त गर्ने मञ्च महासचिव खेम गुरुङले बताए ।
ह्वील चियर तथा दृष्टिविहीन दौडमा महिला–पुरुष दुवै इभेन्टमा प्रथम, द्वितीय र तृतीयले क्रमशः ७, ५ र ३ हजार, १० किमी दौडमा महिला–पुरुष दुवैमा क्रमशः १५, १० र ५ हजार तथा ५ किमी छात्र–छात्रामा १०, ७ र ४ हजार पुरस्कार व्यवस्था छ ।
सफल दूधको मुख्य प्रायोजनमा हुने प्रतियोगिताको लागि करिब ५१ लाख रुपैयाँ खर्च हुने मञ्चको अनुमान छ ।
पोखरा रंगशालाबाट सुरु भएर भइ पोखराका विभिन्न भाग परिक्रमा गरी पुनः पोखरा रंगशालामा पुगेर दौड समापन हुनेछ । ‘रन फर फन’ इभेन्ट यसपालि समावेश छैन ।
कार्यक्रममा लक्ष्मी ग्रुपका उपनिर्देशक नीरज श्रेष्ठ मञ्च, आयोजक मञ्च सचिव कृष्ण तिमिल्सिनाले पोखरा म्याराथन सफल बनाउन सम्पूर्णमा आग्रह गरे ।
Related News
सम्बन्धित समाचार
आठौं पोखरा स्पोर्टस् अवार्ड : वर्ष खेलाडी ह्याट्रिक दाउमा अरुणा
राष्ट्रिय माविको हीरक महोत्सवअन्तर्गत छात्र/छात्रा सडक दौड तयारी
दुआथलनमा टमटा र खड्का विजयी
स्पोर्टस् अवार्डलाई टाइगर ग्रुपको साथ
क्रिकेटमा त्रिभुवन र अमरसिंह विजयी
hero news full width
मुख्य समाचार
मुख्यमन्त्री अधिकारीविरुद्धको रिट खारेज
कक्षा १२ को प्रश्नपत्र आउट गर्ने २ जना पक्राउ
वैशाख १७, २०८१गण्डकीका मुख्यमन्त्री विरुद्धको मुद्दामा बहस सकियो, आजै फैसला आउने
वैशाख १७, २०८१गण्डकीका ४ सय ६७ स्थानमा डढेलो
वैशाख १७, २०८१बझाङ प्रदेशसभा–१ मा एमालेका भण्डारी विजयी
वैशाख १७, २०८१अधिकारी सरकारको वैधताको टुंगो आज !
वैशाख १७, २०८१