पोखरा । नेपाल खानेपानी संस्थान कर्मचारी संघ इकाई समिति पोखराका ७ औं अधिवेशनले नयाँ नेतृत्व सर्वसम्मत चयन गरेको छ । इकाई अधिवेशनबाट अनिल शर्मा सुवेदी अध्यक्षमा निर्वाचित भएका छन् । संघको इकाई उपाध्यक्षमा भोजराज चापागाईं, महिला उपाध्यक्षमा रेखा केसी, सचिवमा दिपेन्द्र बानिया, कोषाध्यक्षमा सिमाना केसी, सहसचिवमा विमल तिम्सिना चयन भएका छन् ।
सदस्यमा विक्रम बरुवाल, प्रतिमा शर्मा, चन्द्रकान्त अधिकारी, बलबहादुर थापा, लोकबहादुर घले, दिलिप खाँड ठकुरी र दिनेश पराजुली सर्वसम्मत चयन भएको निर्वाचन समितिका संयोजक एवं पोखरा शाखाका लेखा प्रमुख पुष्पराज जोशीले जानकारी दिए । जोशीको संयोजकत्वमा गठित निर्वाचन समितिका सदस्य आनन्दप्रसाद रेग्मी र शिवराज भण्डारीले केन्द्रीय प्रतिनिधिमा केदार धमला, विष्णुप्रसाद रेग्मी र रुककुमार श्रेष्ठ सर्वसम्मत निर्वाचित भएको जानकारी दिए ।
कार्यक्रमको उद्घाटनपछि बोल्दै नेपाल टे«ड युनियन कांगे्रस गण्डकी प्रदेशका अध्यक्ष मुरारी शर्माले ट्रेड युनियनको नेतृत्व लिँदा आफूले दिनु पर्ने समयको ख्याल गर्न आग्रह गरे । उनले सामूहिक योजनामा जान सबै ट्रेड युनियन कर्मी एक हुन जरुरी रहेको बताए । कर्मचारी संघ इकाई समितिका अध्यक्ष विष्णुप्रसाद रेग्मीको अध्यक्षतामा भएको सभामा श्रमिकलाई भ¥याङ बनाउने राजनीतिक दलको काम प्रति असन्तुस्ट व्यक्त गर्दै अध्यक्ष मुरारी शर्माले चर्का नारा लगाउने कम्युनिस्ट नेतृत्वले मजदुरलाई उचित व्यवस्थापन गर्न नसकेको उल्लेख गरे ।
कर्मचारी संघ इकाई समितिका सहसचिव भोजराज चापागाइँले सञ्चालन र सदस्य अनिल शर्माले स्वागत गरेको सभामा नेपाल ट्रेड युनियन कांग्रेस कास्कीका अध्यक्ष विजयराज भण्डारीले जनताको अपमान गर्ने सरकार लोकतान्त्रिक हुन नसक्ने बताए । अध्यक्ष भण्डारीले संस्थानमा कार्यरत करारका कर्मचारीको उचित व्यवस्थापन नगरेसम्म संस्थानले उपभोक्ताको हित गर्नै नसक्ने बताए ।
इकाई अधिवेशनमा नेपाल खानेपानी संस्थान कर्मचारी संघ केन्द्रीय समितिका महासचिव केदार धमलाले संस्थानमा कार्यरत कर्मचारीको हकहित र रोजगार सुरक्षामा संघले अगुवाई गर्ने बताए । महासचिव धमलाले छैटौं अधिवेशनमा २०६६ सालको विज्ञापन मुख्य एजेन्डा बनाएर सफल गराएको बताउँदै सातौं अधिवेशनबाट योगदानमा आधारित सामाजिक सुरक्षा कोष लागु गराउने ठोकुवा गरे । धमलाले प्राविधिक कार्यालय खानेपानी संस्थानमा कर्मचारीमाथि हुने विभेदलाई निरुत्साहित गर्दै व्यवस्थापनसँग वान टु वान बार्ता गर्न कर्मचारी संघ सधै तयार रहेको बताए । कार्यक्रममा नेपाल ट्रेड युनियन कांग्रेस कास्कीका निवर्तमान अध्यक्ष कुलदेवी बरालले संस्थानमा कार्यरत करारका कर्मचारीको उचित व्यवस्थान नभएसम्म संस्थान अघि बढ्न नसक्ने बताइन् ।
Related News
सम्बन्धित समाचार
रोटरी काठमाडौं हेरिटेजको पदस्थापन
पोखरामा १४ मजदुर सम्मानित
‘शान्ति छर्न ब्रह्मकुमारी विश्वविद्यालयको योगदान’
रानाभाट/भाटलाई छुट्टै जातिमा सूचीकृत गरिने
मानव सेवा अश्रममा खाना खुवाइयो
hero news full width
मुख्य समाचार
संविधान मिचेर मुख्यमन्त्रीलाई बहुमत, कांग्रेस सर्वोच्च जाने
भलिबलमा अटल हिमाल
वैशाख २३, २०८१गण्डकीमा सभामुखले संविधान मिचेको कांग्रेसको आरोप
वैशाख २३, २०८१गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
वैशाख २३, २०८१गण्डकी प्रदेश सभाको बैठक ३० मिनेटका लागि स्थगित
वैशाख २३, २०८१मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
वैशाख २३, २०८१