पोखरा, १३ मंसिर । नेपाल उद्योग बाणिज्य महासंघको शनिबार भएको चुनावमा गण्डकी प्रदेशबाट बाबुराम गिरि र दामु अधिकारी केन्द्रीय सदस्य पदमा निर्वाचित भएका छन् । गिरि गण्डकी प्रदेशबाट केन्द्रीय सदस्य निर्वाचित हुँदा अधिकारीले संस्थापक संघतर्फबाट चुनाव जितेका हुन् ।
निर्वाचन समितिका अनुसार गिरिले प्रतिद्वन्द्वी बागलुङका निर्माण श्रेष्ठलाई पराजित गरेका हुन् । कुल १५ मतदातामध्ये विजयी गिरिले ९ मत प्राप्त गर्दा श्रेष्ठले ६ मत ल्याए ।
महासंघको गण्डकी प्रदेशबाट केन्द्रीय सदस्यमा १५ वटा जिल्ला नगर उद्योग बाणिज्य संघका अध्यक्षहरुले भोट गर्न पाउने व्यवस्था थियो । गिरि लेखनाथ उद्योग वाणिज्य संघका पूर्व अध्यक्ष हुन् ।
यसैगरी, पोखरा उद्योग वाणिज्य संघका अध्यक्ष दामु अधिकारीले संस्थापक संघतर्फबाट चुनाव जितेका छन् । अधिकारीले चितवनका उत्तमलाल चुकेलाई २ मतअन्तरले पराजित गर्दै निर्वाचित भएका हुन् । अधिकारीले ७ मत ल्याउँदा चुकेले ५ मतमात्र ल्याएका हुन् ।
महासंघको ५४ औं साधारणसभा तथा अधिवेशनअन्तर्गत शनिबार काठमाडौंमा भएको मतदानमा साँझदेखि मतगणना सुरु भएको हो । चुनावमा वरिष्ठ उपाध्यक्षका लागि चन्द्रप्रसाद ढकाल र किशोर प्रधान प्यानल नै बनाएर निर्वाचनमा उत्रिएका छन् ।
जिल्ला–नगरतर्फको उपाध्यक्षमा दिनेशलाल श्रेष्ठ र वस्तुगततर्फको उपाध्यक्षमा अञ्जन श्रेष्ठ विजयी
मतपरिणामअनुसार महासंघको जिल्ला–नगरतर्फको उपाध्यक्ष पदमा किशोर प्रधान प्यानलका दिनेशलाल श्रेष्ठ निर्वाचित भए । उनले चन्द्र ढकाल प्यानलका गुणनिधि तिवारीलाई मात्र ११ भोटले हराए । विजयी दिनेशले ५८ र गुणनिधिले ४७ मत ल्याएका छन् ।
यसैगरी, वस्तुगततर्फको उपाध्यक्षमा अञ्जन श्रेष्ठले बाजी मारे । उनले प्रतिद्वन्द्वी उमेशलाल श्रेष्ठलाई २५ मतले हराए । विजयी अञ्जन किशोर प्रधान समूहका हुन् । अञ्जनले ६२ मत ल्याएका हुन् ।
वस्तुगतमा दुवै प्यानलका ७/७ जनाले जित हासिल गरेका छन् । जसमा प्रकाशमानसिंह कार्की, सुमित केडिया, अनरनीको राजभण्डारी, नरेशलाल श्रेष्ठ, भक्त बहादुर हमाल, मनिषलाल प्रधान, मिनमान श्रेष्ठ, हेमराज ढकाल, आकाश अधिकारी, गोविन्द ढुंगेल, विष्णु गैरे, शकुन्तला हिराचन, सुवोध गुप्ता र सन्दीप कुमार अग्रवाल छन् ।
प्रदेशअन्तर्गत प्रदेश २ बाट विजयकुमार साह, लुम्बिनीबाट जममेर मियाँ, कर्णालीबाट लालीमान बूढा र सुदूरपश्चिम प्रदेश पुष्पराज कुमार केन्द्रीय सदस्यमा निर्वाचित भएका छन् । प्रदेश १ बाट यसअघि राजेन्द्र राउत निर्वारोध भएका हुन् ।
निजी क्षेत्रको छाता सङ्गठन नेपाल उद्योग वाणिज्य महासङ्घमा विधानअनुसार वरिष्ठ उपाध्यक्ष नै स्वतः अध्यक्ष हुने भएकाले सो पदमा भने मतदान भएन ।
वरिष्ठ उपाध्यक्षसहित अन्य पदका लागि भएको मतदानमा शतप्रतिशत नै मत खसेको छ । महासङ्घमा वस्तुगततर्फ १ सय १, जिल्ला/नगरमा १ सय ५ र एशोसिएटतर्फ ९ सय ३ मतदाता सबैले भोट हालेका थिए ।
महासङ्घको नयाँ नेतृत्वका लागि एक वरिष्ठ उपाध्यक्ष, तीन उपाध्यक्ष र ६० कार्यकारिणी सदस्यका लागि १ सय २७ उम्मेदवार छन् । कार्यकारिणी सदस्यतर्फ राउतसहित सन्दीप अग्रवाल निर्विरोध भएका हुन् ।
उता, एशोसिएटतर्फको उपाध्यक्ष पदमा रामचन्द्र संघाई र सौरभ ज्योति प्रतिष्पर्धी छन् ।
Related News
सम्बन्धित समाचार
कसको हातमा पर्ला वर्ष खेलाडीको उपाधि ?
गण्डकी प्रज्ञा–प्रतिष्ठानले ७ जना श्रष्टालाई सम्मान गर्दै
मुग्लिन–पोखरा सडक खण्डमा १३ वटा पुल सम्पन्न, ११ निर्माणाधीन
प्रदेशमा सञ्चालित आयोजनाहरुको प्रगति विवरण २ दिनभित्र पेस गर्न मुख्यमन्त्रीको निर्देशन
गण्डकी सरकारविरुद्ध सर्वोच्चमा कांग्रेसले दर्ता गरायो रिट, पेसी पर्सि
hero news full width
मुख्य समाचार
सुरु भयो ट्राफिक सप्ताह, मुख्यमन्त्रीले गरे उद्घाटन
गण्डकीका सभामुखको कदमबारे मिश्रित प्रतिक्रिया
वैशाख २५, २०८१मुख्यमन्त्री अधिकारीले रोजे पुरानै मन्त्री
वैशाख २५, २०८१ट्राफिक सप्ताहको ब्यानरमा प्रदेशका मन्त्रीको शपथ !
वैशाख २४, २०८१फडिन्द्रले इन्कार गर्दा माओवादीले दिन सकेन मन्त्री
वैशाख २४, २०८१गण्डकीमा एमालेका सीता सुन्दास र बेदबहादुरले लिए मन्त्रीको शपथ
वैशाख २४, २०८१