पोखरा, १४ असोज । डा. पशुपतिनाथ तिमल्सेनाका–३० को दशकमा लेखिएका कविताको कृति बजारमा आएको छ ।

तिमल्सेनाले २०३२ देखि २०३७ को अवधिमा लेखिएका ३७ कवितालाई सङ्गृहीत गरेर ‘खोजखाज’ कवितासङ्ग्रह (२०७७) बजारमा ल्याएका हुन् ।

जनकवि युद्धप्रसाद मिश्र, प्रगतिवादी कविताः मान्यता र प्रवृत्ति, स्वच्छन्दतावादी कविताः मान्यता र प्रवृत्ति, युद्धप्रसाद मिश्र र उनका कविता, नेपाली कविताको विवेचनालगायतका कृति प्रकाशित गरिसकेका तिमल्सेना पछिल्लो समय समीक्षा, समालोचना विधामा क्रियाशील छन् ।

कविता रुचिको विषय नबने पनि बन्दाबन्दीलाई सदुपयोग गर्दै लेखिएका कविता खोजखाज गरेर कृति प्रकाशन गरेको उनको दावी छ ।

पृथ्वीनारायण क्याम्पसका पूर्व क्याम्पस प्रमुखसमेत रहेका तिमल्सेना विभिन्न सम्मान पुरस्कारबाट विभूषित भइसकेका छन् भने उनीसँग विभिन्न पत्रपत्रिका र कृति सम्पादनको अनुभवसमेत रहेको छ ।