पोखरा, १७ साउन । लामो समयदेखि रिक्त उपकुलपति र रजिष्ट्रार नियुक्तिको माग गर्दै पोखरा विश्वविद्यालय (पियू) का विद्यार्थीले तेस्रोे चरणको आन्दोलनमा सुरु गरेका छन् ।
विश्वविद्यालय नेतृत्वविहीन भएको ३ महिना पुगेपछि उनीहरुले तत्काल उपकुलपति र रजिष्ट्रार नियुक्तिको माग गर्दै चरणवद्ध रुपमा आन्दोलन गर्दै आएका छन् ।
शुक्रबार विश्वविद्यालयका विद्यार्थीले चिप्लेढुंगास्थित मानवअधिकार चोकमा दबाबमूलक कार्यक्रम गर्दै उपकुलपति, रजिष्ट्रार लगायतका पद पूर्णकालीन नियुक्ति हुनुपर्ने भन्दै दबाब दिए । उनीहरुले विभिन्न नाराअंकित प्लेकार्ड बोकेका थिए ।
विश्वविद्यालय नेतृत्वविहीन हुँदा करिब ४० हजार विद्यार्थीको भविष्य अन्यौलमा परेकोले तत्काल नियुक्ति माग गर्दै आफूहरु आन्दोलनमा उत्रनुपरेको विद्यार्थी अर्जुन पराजुलीले बताए ।
विश्वविद्यालयमा हाल उपकुलपति, रजिष्टार, परीक्षा नियन्त्रक, डीन र निर्देशक गरी प्रमुख ५ वटै पदहरु खाली छन् । उपकुलपति र रजिष्टारलाई कार्यबाहक दिइए पनि हाल उनीहरु समेत सेवा अवधि टुंगिएर बिदाइ भएका छन् । विद्यार्थीले पूर्णकालीन नेतृत्व लिन सक्ने ती पदमा तुरुन्त नियुक्तिको माग गरिएको हो ।
‘विश्वविद्यालयअन्तर्गत आङ्गिक र सम्बन्धनप्राप्त कलेजहरु ५८ वटा छन् । ती कलेजहरुमा ४० हजार विद्यार्थी अध्ययनरत छन् । तर विश्वविद्यालयका पदाधिकारी नहुँदा विश्वविद्यालय कुनै योजना लिएर अगाडि बढ्न सकेको छैन,’ सिभिल इञ्जिनियरिङ चौथो वर्षका विद्यार्थी माधव बास्तोलाले बताए ।
यस्तै, उपकुलपति लगायतका पदाधिकारी नियुक्त नहुँदा शिक्षक कर्मचारीले समेत तलब खान पाएका छैनन् । पदाधिकारी नियुक्तिको माग राख्दै विश्वविद्यालयका विद्यार्थीले साउन २ देखि चरुणवद्धरुपमा आन्दोलन गर्दै आएका हुन् । पदाधिकारी नियुक्तका लागि विभिन्न विद्यार्थी संगठन र प्राध्यापकहरुले समेत दबाबमूलक कार्यक्रम गर्दै आएका छन् ।
पोखराको लेखनाथस्थित ढुंगेपाटनमा केन्द्रीय कार्यालय रहेको पोखरा विश्वविद्यालयमा हाल स्कूल अफ इञ्जिनियरिङ, स्कूल अफ बिजनेस, स्कूल अफ हेल्थ एण्ड एलाइड साइन्स, स्कूल अफ सोसल डेभलपमेन्ट गरी ४ संकायमा पढाइ हुन्छ ।
उनीहरुले यसअघि जिल्ला प्रशासन कार्यालय कास्कीमा धर्ना दिनुका साथै प्रधानमन्त्रीलाई ज्ञापनपत्र बुझाएका छन् । साथै उनीहरुले सुरुवातमा विश्वविद्यालयमा धर्ना दिएका थिए ।
Related News
सम्बन्धित समाचार
भलिबलमा अटल हिमाल
गण्डकीमा सभामुखले संविधान मिचेको कांग्रेसको आरोप
गण्डकीमा ३० सिटलाई बहुमत, मुख्यमन्त्रीमा खगराजको निरन्तरता, सभामुखलाई कांग्रेसले देखायो कालो झन्डा
गण्डकी प्रदेश सभाको बैठक ३० मिनेटका लागि स्थगित
मुलुकमा राजनीतिक अस्थिरताको जड नै माओवादी : कांग्रेस संसदीय दलका नेता पाण्डे
hero news full width
मुख्य समाचार
प्रदेश विघटन हुन जोगाउने जिम्मा सभामुखको हो : माओवादी नेता चुमान
मुख्यमन्त्रीलाई विश्वासको मत दिन सकिन्न ः पञ्चराम गुरुङ
वैशाख २३, २०८१मुख्यमन्त्री अधिकारीले पेस गरे विश्वासका लागि प्रस्ताव, छलफल सुरु
वैशाख २३, २०८१गण्डकी प्रदेश सभाको बैठक सुरु, विश्वासको मतका लागि प्रस्ताव पेस गर्दै मुख्यमन्त्री अधिकारी
वैशाख २३, २०८१मुख्यमन्त्रीले आज विश्वासको मत लिने, मन्त्रालय टुंग्याउन माओवादीको माग
वैशाख २३, २०८१पोखरा देशभरकै प्रदूषित सहर
वैशाख २३, २०८१