जिल्ला प्रशासन कास्कीले पछिल्लो समय २ महिना लामो निषेधाज्ञा खुकुलो बनाउँदै तोकिएकाबाहेक अन्य पसल व्यवसाय सञ्चालन गर्ने अनुमति दिएको छ । तर पोखराका पर्यटन व्यवसायीले खोप नआए पर्यटन क्षेत्र नखोल्ने अडानमा छन् । उनीहरुको एउटै नारा अघि सारेका छन्–नो भ्याक्सिन, नो टुरिजम । कोरोना महामारीका कारण सबैभन्दा प्रभावित भएको छ पर्यटन क्षेत्र । पर्यटकीय नगरी पोखराको पर्यटन पनि डेढ वर्ष लामो कोरोना महामारीले थलिएको छ । यहाँका पर्यटन व्यवसायीले समग्र पर्यटन क्षेत्रमा ५ खर्ब लगानी गरेका छन् । कोभिड महामारीका कारण संवेदनशील क्षेत्र पर्यटनको यति ठूलो लगानी डुब्ने खतरा छ । पर्यटन व्यवसायको पुनरुत्थानका लागि पोखराका पर्यटन व्यवसायीले जिल्ला प्रशासन कार्यालय कास्कीमार्फत प्रधानमन्त्रीलाई ज्ञापनपत्र पठाएका छन् । उनीहरुले खोप माग गर्दै विभिन्न नाराअंकित प्लेकार्ड बोकेर जिल्ला प्रशासन कार्यालय अगाडि धर्नासमेत दिए ।
सरकारले सबै नागरिकलाई खोप उपलब्ध हुनुपर्छ । अब पर्यटन क्षेत्र भ्याक्सिनबिना अघि बढ्न सक्दैन । यसैका लागि पर्यटन व्यवसायीले भनेका छन्, नो भ्याक्सिन, नो टुरिज्म । नेपालको प्रमुख पर्यटकीय गन्तव्यको रुपमा प्रख्यात पोखरा र गण्डकी प्रदेशको पर्यटन व्यवसायले लामो समयदेखि कोभिड–१९ को महामारीले क्षति व्यहोर्नु परेको छ । पर्यटनमा भएको लगानी र रोजगारलाई बचाइराख्न सरकारलाई पर्यटनमैत्री कार्यक्रम ल्याउन जरुरी छ । सरकारबाट ल्याइएका व्यवसाय पुनरुत्थान कार्यक्रमको कार्यान्वयन पक्ष निकै फितलो भएकाले व्यवसायी पलायन र निरुत्साहित हुने क्रम बढ्दै गइरहेको व्यवसायीको गुनासो छ । निजी तथा बैंक वित्तीय संस्थाहरुको ठूलो लगानी भएको पर्यटन उद्योग व्यवसायको पुनरुत्थानका लागि आवश्यक व्यवस्था गर्न अब ढिला भइसकेको छ ।
अग्रपंक्तितमा रहेर कार्य गर्ने पर्यटन मजदुर एवं व्यवसायीहरु जोखिममा रहने हुँदा खोप नलगाएसम्म व्यवसाय सञ्चालन गर्न कठिन छ । विश्व पर्यटन बजारमा सकारात्मक प्रचार गर्न सर्वप्रथम खोप सुनिश्चिता हुनुपर्छ । पर्यटन उद्योग व्यवसायलाई जोगाउन र पुनरुत्थान गर्न बजेटमार्फत ल्याएका पुनर्कर्जा कोष र व्यवसाय निरन्तरता कोषको कार्यान्वयन पक्ष सुस्त, झन्झटिलो छ । बैक वित्तीय संस्थाका कडा शर्तका कारण केहीबाहेक अधिकांश व्यवसायीले सुविधा उपभोग गर्न पाएका छैनन् । व्यवसाय ठप्प हुँदा बैक तथा वित्तीय संस्थाबाट लिएको साँवा ब्याज बुझाउन कठिनाइ भएको छ । बैंकले कर्जाको भुक्तानी तालिकालाई पुनर्तालिकीकरण गर्नुपर्छ । गण्डकी सरकारले पर्यटनलाई समृद्धिको पहिला आधार मानेको छ । यो आधारलाई प्रष्ट पार्न पनि प्रदेश सरकारले पर्यटन पुनरुत्थानलाई प्राथमिकतामा राख्नुपर्छ ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१