लाज बचाउने प्रयास

Avatar सम्पादक
माघ ४, २०७७

नेपाल र भारतका परराष्ट्रमन्त्रीस्तरीय संयुक्त आयोगको बहुप्रतिक्षित छैटौं बैठक सकिएको छ । भारतको राजधानी नयाँ दिल्लीमा भएको बैठकमा नेपालका तर्फबाट परराष्ट्रमन्त्री प्रदीप ज्ञवालीको नेतृत्वमा प्रतिनिधिमण्डल त्यसतर्फ गएको थियो भने भारतको तर्फबाट त्यहाँका विदेशमन्त्री एस जयशंकरले आफ्नो प्रतिनिधि मण्डलको नेतृत्व गरेका थिए । बैठकका लागि ३ दर्जन भन्दा बढी एजेन्डा निर्धारण गरिएको थियो । ती एजेन्डामध्ये कालापानी क्षेत्रको विवाद, दुवै देशका प्रबुद्ध व्यक्तिहरुको समूहले तयार गरेको प्रतिवेदन र कोभिड–१९ को खोप उपलब्ध गर्ने नेपालका लागि विशेष चासोको विषय थियो ।

परराष्ट्रमन्त्री ज्ञवालीले ती विषयमा ठोस रुपमा वार्ता गर्ने जनाएका थिए । नेपालले ती विषयमा ठोस वार्ता गर्न चाहने तर भारतले त्यसलाई पन्छाउन चाहेको स्थिति थियो । नेपालले विश्चय नै बैठकमा ती विषय उठाए । तर त्यसको परिणम केही पनि निस्केन । त्यसरी विषय उठाउनु लाज बचाउने प्रयास मात्र हो । कोभिड–१९ को खोप भने भारतले नेपाललाई उपलब्ध गराउने प्रतिबद्धता जाहेर गरेको छ । भारतले भरखरै आफ्नो खोपको आपतकालीन प्रयोग गरेको छ । नेपालका लागि भारतको खोप उपयोगी र सुहाउँदो हुने अनमान गरिएको छ ।

कालापानी क्षेत्रको विवादपछि दुई देशका बीच संवादहीनताको स्थिति थियो । अहिले त्यो संवानहीनताको स्थितिको अन्त्य भएको छ । परराष्ट्रमन्त्रीस्तरीय वार्ता सौहार्दपूर्वक सम्पन्न भएको छ । र भ्रमणको सिलसिला थप अगाडि बढाउने र बाँकी रहेको समस्यालई समाधान गर्दै जाने सहमति भएको छ । छलफलमा दुई देशको बीच सहयोगको क्षेत्र अरु व्यापक पार्ने भारतले नेपालका गरेको विकास निर्माणका काममा गति थप्ने नेपाल भारतबीच ४०० केभी बुटवल–गोरखपुर सीमा पार प्रसारण लाइनको कामलाई छिटो अघि बढाउने सहमति भएको छ ।

दुईजना मन्त्रीहरु एकान्तमा वार्ता गरेको कुरा पनि बाहिरिएको छ । तर के विषयमा वार्ता भयो, त्यो बाहिर आएको छैन । दुई देशबीच सीमाना विवाद छ । त्यो दुवै देशले स्वीकार गरेको कुरा हो । त्यो विवाद छिटो टुंग्याउनु पर्दछ भन्ने कुरामा सहमति भएको छ तर व्यवहारमा त्यसरी काम भएको छैन । अब व्यवहारबाटै त्यो देखाउने बेला आएको छ ।

Related News

सम्बन्धित समाचार

    • प्रधानमन्त्रीको आपत्तिजनक अभिव्यक्ति

      Avatar सम्पादक फागुन १०, २०७७
      राजनीतिक पार्टीका नेताहरुले एकआपसमा आलोचना गर्ने गरेको धेरै भयो । तिनीहरुले त्यसरी आलोचना गर्दागर्दै एकले अर्काेलाई व्यक्तिगत लाञ्छना पनि लगाए…
    • नागरिक आन्दोलनको घोषणापत्र

      Avatar सम्पादक फागुन ९, २०७७
      काठमाण्डौमा चलिरहेको बृहत् नागरिक आन्दोलनले प्रधानमन्त्री के.पी शर्मा ओलीमा सर्वसत्तावादी चिन्तन र व्यवहार हावी भएको ठहर गर्दै प्रजातान्त्रका दिन घोषणापत्र…
    • सम्भावनाका ढोका खोलेको दिन

      Avatar सम्पादक फागुन ७, २०७७
      आज प्रजातन्त्र दिवस । २००७ साल फागुन ७ अर्थात आजकै दिन नेपालमा एकतन्त्रीय राणा शासनको अन्त्य भएको दिन हो ।…
    • पर्यटकीय गन्तव्यको छनोट

      Avatar सम्पादक फागुन २, २०७७
      सरकारले पर्यटन प्रवद्र्धनका लागि नयाँ पर्यटकीय गन्तव्य पहिचान गरेर तिनीहरुको विकास र बिस्तार गरी पर्यटकलाई गाउँ–गाउँसम्म पुर्‍याउने लक्ष्य राखेको छ…
    • बलात्कार र सामाजिक चिन्ता

      Avatar सम्पादक माघ ३०, २०७७
      बैतडीकी किशोरी भागरथी भट्टलाई बलात्कारपछि हत्या गरिएको घटना चर्किरहेको बेला मोरङ जिल्लाको जहदा गाउँपालिका–१ की १४ वर्षीया किशोरीको बलात्कार गरिएको…

    hero news full width