Worldlink ads

विशेष अधिवेशनको परिणाम

Avatar सम्पादक
पौष २३, २०७७

सत्तापक्ष र प्रतिपक्ष भनेको ठीक विपरीत जस्ता देखिन्छन् । तिनीहरुमध्ये एउटा पूर्व फर्कन्छ भने अर्काे पश्चिम । राजनीतिमा यो देखिएको कुरा हो तर तिनीहरुको कहिलेकाहीँ एउटै स्वर एउटै आवाज पनि हुन्छ । त्यो कुरा गण्डकी प्रदेशसभाको चालू विशेष अधिवेशनमा देखिएको छ । विशेष अधिवेशनमा दुवै पक्षको एउटै स्वर सुनिएको छ । त्यो पनि यस्तो बेलामा तिनीहरुको स्वर एउटै भएको छ, जबकि देशको सत्तारुढ नेपाल कम्युनिस्ट पार्टी विभाजित भएको छ र प्रधानमन्त्री केपी शर्मा ओलीले संसद विघटन गरेका छन् । त्यसले जताततै हलचल मच्चाएको छ । विवाद उत्पन्न गरेको छ । नेकपाभित्र त ७/८ स्केलको भूकम्प आए जस्तै भएको छ । संगठन प्रायः भताभुङ्ग भएको छ तर प्रदेशसभामा त्यसको प्रभाव देखिएको छैन ।

सामान्यतया सत्तापक्ष प्रतिपक्षको प्रस्ताव भन्नासाथ नकारात्मक सोच राख्छ । त्यसलाई पन्छाउने प्रयास गर्दछन् । गण्डकी प्रदेशमा पनि त्यस्तो भएको छ तर नेपाली कांग्रेस र जनता समाजवादी पार्टीले कोभिड–१९ नियन्त्रण, व्यवस्थापन र उपचार तथा मूल्यवृद्धि, बेरोजगार र बजेट कार्यान्वयन विषयमा गम्भीर नभएको भन्दै माग गरेको विशेष अधिवेशनले भने सकारात्मक सन्देश दिएको छ । मंगलबारदेखि चालू विशेष अधिवेशनमा नेकपा संसदीय दलको नेता मुख्यमन्त्री पृथ्वीसुब्बा गुरुङले कोभिड–१९ साझा शत्रुविरुद्ध लड्न साझा संकल्पको रुपमा बढ्दा राम्रो हुन्छ भने साझा संकल्प प्रस्तावको रुपमा ल्याउने सहमति जनाए । सत्तापक्ष र प्रतिपक्षको सहमतिअनुसार कोभिड–१९ को विषयलाई साझा संकल्प प्रस्तावरुपमा पारित गर्ने र मूल्यवृद्धि, बेरोजगार र बजेट कार्यान्वयन विषयलाई विशेष सार्वजनिक प्रस्ताव बनाएर पारित गरिने भएको छ । तिनीहरुको त्यो सहमति यहाँ चर्चाको विषय भएको छ ।

साथै यो पनि चर्चाको विषय भएको छ कि नेकपा (दाहाल–नेपाल) पार्टी देशव्यापीरुपमा फुटेर पनि गण्डकी प्रदेशसभामा फुटेको देखाउन सकेनन् । त्यत्तिमात्र होइन, ओली पक्षका मुख्यमन्त्री गुरुङकै नेतृत्वमा उनीहरु चुपचाप मन्त्री भएरै बसिरहेका छन् । अत्यधिक बहुमतको प्रभाव कस्तो हुन्छ भन्ने कुरा यहाँ देखिन्छ । मुख्यमन्त्री गुरुङले विशेष अधिवेशनमा विषयवस्तुदेखि बाहिर गएर प्रधानमन्त्री ओलीको खुलेरै प्रशंसा गरे । त्यो उनले जे भने पनि अब कोभिड–१९ को निःशुल्क उपचारलगायतका जुनकुरा विशेष अधिवेशन विषयवस्तु छ, त्यसलाई पारित गर्नेमात्र होइन, इमानदारीसाथ अक्षरसः कार्यान्वयन गर्नेतिर समेत ध्यान पु¥याउने भनी अपेक्षा गरिएको छ ।

Related News

सम्बन्धित समाचार

    • कोभिडको खोप सुरु

      Avatar सम्पादक माघ १४, २०७७
      आज नेपाल र नेपालीका लागि विशेष महत्वको दिन हो । देशवासीहरु कोभिड–१९ महामारीबाट बच्ने कुनै औषधी र उपचार विधि नपाएर…
    • गुरुङ भाषाको सम्मान

      Avatar सम्पादक माघ १३, २०७७
      गुरुङ भाषाका आदिकवि हर्कबहादुर गुरुङको सालिक कहाँ राख्ने कसरी राख्ने भन्ने लामो समयदेखिको विचार–विमर्श टुङ्गाउँदै गुरुङहरुको बाहुल्य भएको जिल्ला स्याङ्जाको…
    • संवेदनशील राजनीति

      Avatar सम्पादक माघ १२, २०७७
      नेत्रविक्रम चन्द ‘विप्लव’ नेतृत्वको नेकपाले गत शनिवार आह्वान गरेको नेपाल बन्द आंशिक सफल भएको प्रक्षेपण गरिएको छ । आफ्ना २…
    • कांग्रेसको बढ्दो भूमिका

      Avatar सम्पादक माघ ११, २०७७
      सत्तारुढ नेपाल कम्युनिष्ट पार्टी दुई चिरामा विभाजित भएको छ । तीमध्ये ओली पक्ष सत्तामा आसीन छ भने अर्को पक्ष ओलीको…
    • राष्ट्रपति वाइडेनबाट अपेक्षा

      Avatar सम्पादक माघ ९, २०७७
      डेमोक्रेटिक पार्टीका नेता जो वाइडेन अमेरिकाको नयाँ राष्ट्रपति बनेका छन् । राष्ट्रपतिका रुपमा उनी ३ महिना पहिले नै निर्वाचित भएका…

    hero news full width