पोखराका अधिकारकर्मीको विरोध

Avatar सम्पादक
माघ २, २०७७

प्रधानमन्त्री केपी शर्मा ओलीद्वारा प्रतिनिधि सभा विघटन गरिएको कार्यको चौतर्फी विरोध भएको छ । राजनीतिक र संवैधानिक विवादमा कहिल्यै मुख नखोल्नेहरुले पनि विज्ञप्ति निकालेर त्यसको विरोध गरेका छन् । त्यसै गरेर पोखराका डेढ दर्जन अधिकारकर्मीले पनि प्रधानमन्त्री ओलीको त्यस कार्य संविधानको मर्म र भावनाको विपरीत भएको भन्दै संयुक्त विज्ञप्ति जारी गर्दै विरोध गरेका छन् । त्यसरी संयुक्त जारी गर्नेहरुमा नागरिक समाज सञ्जालका संयोजक विष्णुप्रसाद बराल, सिटिजन जुरीका अध्यक्ष वरिष्ठ अधिवक्ता तिलक पराजुली, नेपाल उद्योग वाणिज्य महासंघका पूर्व अध्यक्ष आनन्दराज मुल्मी, नेपाल बार एसोसिएसन उपाध्यक्ष सुरेन्द्र थापामगर, उच्च उदालत बार एसोसिएसन पोखरा अध्यक्ष नारायणप्रसाद पौडेल, नागरिक समाज कास्की अध्यक्ष इन्द्रकमल मानन्धनर लगायत छन् । यस्तै, विज्ञप्ति जारी गर्नेहरुमा राष्ट्रिय सम्पदा तथा जनअधिकार समिति अध्यक्ष विष्णुहरि अधिकारी, नेपाल आदिवासी जनजाति महासंघ कास्की अध्यक्ष धर्मबहादुर गुरुङ, नागरिक समाज कास्कीका संस्थापक संयोजक रामबहादुर पौडेल, युवा सामाजिक अभियन्ता सुरेश रानाभाट छन् ।

सत्तारुढ दलको आन्तरिक कलह र शक्ति संघर्षको सिकार देशको सिंगो प्रणाली र संसदलाई कुनै पनि हिसाबले न्यायोचित नभएको भन्दै उनीहरुले विरोध गरेका छन् । साथै अहिलेको संविधानले संसद विघटनको कल्पना नै नगरेको पनि उल्लेख गरिएको छ । विज्ञप्तिमा त्यस घटनाबाट आमनागरिक र दलबीच थप दूरी बढ्न गई मुलुकमा जटिल राजनीतिक अस्थिरता उत्पन्न भएकोले तत्काल निकासको माग पनि गरिएको छ । देशको स्थिति हिजोभन्दा आज जटिल र जेलिँदै गएको छ । नागरिक पनि विभाजित अवस्थामा पुगेका छन् ।

पक्ष र विपक्षको नारा र जुलुसले राजनीतिक आकाश गुञ्जायस भएको छ । नेताहरु तल्लोस्तरमा आएर आपसमा गालीगलौजको भाषा प्रयोग गर्दैछन् । सत्तारुढ नेकपाका नेताहरुले शिष्टता र सभ्यता भन्ने नै बिर्सेर आपसमा हिलो छ्यापाछ्याप गर्दैछन् । तिनीहरुले व्यक्तिगत लाञ्छाना पनि लगाउने गरेका छन् । हाम्रो राजनीति कुन स्तरमा छ भन्ने कुरा नेताहरुको भाषणले जनाइरहेको छ । ६०/७० वर्षको अभ्यासले पनि राजनीतिकस्तर नबढ्नु दुखको कुरा हो । नेताहरुको विवादको कारणले मुद्दा सर्वाेच्चमा पुगेको छ । सर्वाेच्चप्रति धम्कीपूर्ण भाषा प्रयोग भइरहेको छ । सर्वाेच्चले कहिले र कस्तो फैसला गर्ला, त्यो सबैको जिज्ञासा र चासोको विषय भएको छ ।

Related News

सम्बन्धित समाचार

    • प्रधानमन्त्रीको आपत्तिजनक अभिव्यक्ति

      Avatar सम्पादक फागुन १०, २०७७
      राजनीतिक पार्टीका नेताहरुले एकआपसमा आलोचना गर्ने गरेको धेरै भयो । तिनीहरुले त्यसरी आलोचना गर्दागर्दै एकले अर्काेलाई व्यक्तिगत लाञ्छना पनि लगाए…
    • नागरिक आन्दोलनको घोषणापत्र

      Avatar सम्पादक फागुन ९, २०७७
      काठमाण्डौमा चलिरहेको बृहत् नागरिक आन्दोलनले प्रधानमन्त्री के.पी शर्मा ओलीमा सर्वसत्तावादी चिन्तन र व्यवहार हावी भएको ठहर गर्दै प्रजातान्त्रका दिन घोषणापत्र…
    • सम्भावनाका ढोका खोलेको दिन

      Avatar सम्पादक फागुन ७, २०७७
      आज प्रजातन्त्र दिवस । २००७ साल फागुन ७ अर्थात आजकै दिन नेपालमा एकतन्त्रीय राणा शासनको अन्त्य भएको दिन हो ।…
    • पर्यटकीय गन्तव्यको छनोट

      Avatar सम्पादक फागुन २, २०७७
      सरकारले पर्यटन प्रवद्र्धनका लागि नयाँ पर्यटकीय गन्तव्य पहिचान गरेर तिनीहरुको विकास र बिस्तार गरी पर्यटकलाई गाउँ–गाउँसम्म पुर्‍याउने लक्ष्य राखेको छ…
    • बलात्कार र सामाजिक चिन्ता

      Avatar सम्पादक माघ ३०, २०७७
      बैतडीकी किशोरी भागरथी भट्टलाई बलात्कारपछि हत्या गरिएको घटना चर्किरहेको बेला मोरङ जिल्लाको जहदा गाउँपालिका–१ की १४ वर्षीया किशोरीको बलात्कार गरिएको…

    hero news full width