सत्तारुढ नेपाल कम्युनिस्ट पार्टीका नेताहरु महिनौदेखि आपसी विवादमा फँसेका छन् । उनीहरुको त्यो विवादले देशको सिंगो राजनीतिलाई प्रभावित पारेको छ । राजनीति मात्र होइन, राष्ट्रिय स्वार्थ नै धरापमा परिसक्यो । राजनीतिको आकाशमा कालो बादल मडारिएको छ । देशको राजनीति आज के हुन्छ, भोलि के हुन्छ भन्ने स्थितिमा पुगेको छ । विश्वासको संकट गहिरिएको छ । सामान्यतया संवैधानिक व्यवस्थाअनुसार संसद्को एउटा अधिवेशन र अर्को अधिवेशनको अन्तर ६ महिनाभन्दा बढी हुन नहुने व्यवस्था छ । त्यो ६ महिनापछि पुस १७ गते पूरा हुँदै थियो । १७ गते आउन २ हप्ता पनि बाँकी छैन । अधिवेशन डाक्नु त कहाँ हो कहाँ प्रधानमन्त्रीले एकाएक संसद् भंगको सिफारिस गराए र राष्ट्रपतिबाटै उसैगरी अनुमोदन पनि भयो ।
मुलुकमा राजनीतिक स्थायित्व भइसकेपछि अब त आर्थिक विकास प्राथमिकतामा पर्ला भन्ने लागेको थियो । तर प्रधानमन्त्री केपी शर्मा ओलीको अदूरदर्शी कदमले नागरिकका आशा निराशामा बदलिएको छ । अहिले एकाएक संसद् विघटन गर्नुपर्ने कारण के हो त ? यसको जवाफ दिन प्रधानमन्त्री तयार छन् त ? हो उनले जवाफ देलान्–मेरो सरकारलाई काम गर्न दिइएन । घेराबन्दीमा परियो भनेर । आखिर यो अवस्था ल्याएको त तपाईंकै कारणले हैन र प्रधानमन्त्रीज्यू ? जसै आफ्नो पद धरापमा पर्छ, उसै आफू अनुकूल अध्यादेश ल्याएर राष्ट्रपतिबाट अनुमोदन गराउने काम किन गरियो ? मात्रै आफ्नो पद जोगाउन । ६ दसक लामो संघर्षपछि संविधानसभाबाट बनेको संविधानलाई बेकामे बनाउने काम प्रधानमन्त्रीबाटै भएको छ । मुलुकको भविष्य र स्थिरता दाउमा राखेर अपरिपक्व निर्णय किन भयो भन्ने जवाफ जनताले प्रधानमन्त्रीसँग मागिरहेका छन् ।
कोभिड त्रासले गाँजिएको अर्थतन्त्र उठाउनु पर्ने बेला छ । उपचार र व्यवस्थापनमा त सरकारले हात उठाइसकेको छ । अनि संघीयतालाई मलजल गर्ने दायित्व पनि त सरकारकै हो नि । संविधानको मर्म र भावना लत्याएर राष्ट्र प्रमुख र कार्यकारी प्रमुखबाट गरिएको यो कदमको जति नै भत्र्सना गरे पनि पुग्दैन । राष्ट्रहित दाउमा राखेर कच्चा खेलाडीको उदाहरण देखाउन प्रधानमन्त्रीले कहाँबाट छुट पाए ? विगतलाई गाली मात्र गर्ने, आफूले गरेका गल्ती महसुस नै नगर्ने अनि अरुलाई दोष लगाएर छुट पाइन्छ र ? मुलुक राजनीतिक दलको खेलमैदान कदापि होइन । पद जोगाउनकै लागि यस्ता खेल दोहोर्याइरहन पाइँदैन ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१