पोउवा संघको सक्रियताको अपेक्षा

सम्पादक
भाद्र २८, २०७९

पोखरा उद्योग वाणिज्य संघको केही दिनदेखि जारी रहेको चुनावको चहल–पहल समाप्त भएको छ । चुनावको परिणाम बाहिरिएअनुसार त्यो चहल–पहल समाप्त भएको हो । चुनावमा पवनकुमार प्रजापतिको प्यानलले विजय हासिल गरेको छ । अध्यक्षका प्रत्यासी प्रजापतिले अर्जुन पोखरेललाई ७१६ मतले पराजित गरेका हुन् । नव निर्वाचित अध्यक्ष पवनले १६ सय १३ मत प्राप्त गरेका थिए भने अर्जुन पोखरेलले मात्र ८९७ मत प्राप्त गरेका थिए । अध्यक्ष पदमा ती दुई जनाको सोझै प्रतिस्पर्धा भएको थियो । समूहगत हिसाबले लडिएको चुनावमा पवनको प्यानलले शानदार जीत हासिल गरेको छ । संघले निश्चय नै अनुभवी र नयाँ नेतृत्व प्राप्त गरेको छ । तर नयाँ नेतृत्वले संघलाई के–कसरी डो¥याउने छ त्यो प्रतिक्षाको विषय भएको छ ।

जिल्लाका उद्योगी व्यापारी एवं व्यावसायिक व्यक्तिहरुको छाता संगठनको रुपमा रहेको पोखरा उद्योग वाणिज्य संघको ऐतिहासिक महत्व छ । यो यस क्षेत्रको जेठो संस्था हो र जेठो संस्था भएकोले यसको महत्व धेरै छ । यो यहाँ उल्लेख गर्नु सामयिक हुन्छ कि नेपालका उद्योगी व्यापारीहरुको छाता संगठन नेपाल उद्योग वाणिज्य महासंघको स्थापनामा यस संघको महत्वपूर्ण भूमिका रहेको थियो । महासंघका विभिन्न पदमा रहेर यसका प्रतिनिधिहरुले सक्रियता जनाएका थिए भने यस संघका पूर्व अध्यक्ष आनन्दराज मुल्मीले महासंघको नेतृत्वसमेत गरेका थिए । त्यस बेला उद्योग वाणिज्य क्षेत्रमा उत्पन्न विभिन्न समस्यामा यस संघले सक्रिय सहभागिता जनाएका थिए । संघले त्यस्तो सक्रियता जनाएकोले आज पनि त्यस्तो केसमा पोखरालाई स्मरण गर्ने गर्दछन् ।

यस क्षेत्रको शैक्षिक सामाजिक विकास निर्माणमा पोखरा उद्योग वाणिज्य संघको महत्वपूर्ण भूमिका रहेको सर्वविदित छ । यत्तिसम्म कि पोखरा विश्वविद्यालय स्थापना गर्नमा यसले अखण्ड १२ वर्ष प्रयास गरेको थियो । एकताका विदेशी संस्थाको सहकार्यमा पनि यसले उल्लेखनीय कामहरु गरेको स्मरणीय छ । त्यसबेला यसको सक्रियता उल्लेखनीय रहेको थियो । नयाँ नेतृत्वले विगतका ती सबै काम कुरालाई के–कसरी अपनाउँछन् र संघलाई आर्थिक रुपले सुदृढ बनाएर के–कसरी सक्रिय र सक्षम बनाएर प्रभावशाली बनाउँछन्, त्यो हेर्न बाँकी नै छन् । त्यो जे भए तापनि नयाँ नेतृत्वले पोखरा उद्योग वाणिज्य संघलाई अहिलेको भन्दा सक्रिय पार्ने प्रयास गर्नेछ, यसको विकल्प दिनेछ । यसको विकल्प भनेको यो भन्दा सक्रिय, सक्षम र प्रभावशाली विकल्प हो । हामी नयाँ नेतृत्वलाई हार्दिक शुभकामना दिन चाहन्छौं र नेतृत्वले अपाएका सबै काम सफल होस् यही कामना गर्दछौं ।

Related News

सम्बन्धित समाचार

  • डेंगुबाट पीडित सर्वसाधारण

    सम्पादक असाेज ९, २०७९
    देशमा चुनाव आएको छ । राजनीतिक पार्टीहरु सकेसम्म २४ सै घन्टा चुनावको चर्चा गर्न चाहन्छन् । त्यस्तै गरी प्रशासन यन्त्रलाई…
  • स्वैच्छाचारी राष्ट्रपतिको संकेत

    सम्पादक असाेज ६, २०७९
    संघीय संसदले दोस्रो पटक पनि पारित गरी प्रमाणीकरणका लागि राष्ट्रपति विद्यादेवी भण्डारी समक्ष पठाएको नागरिकता विधेयक १५ दिनको समयसीमाभित्र राष्ट्रपतिबाट…
  • राजधानीमा अर्को तमासा

    सम्पादक असाेज ४, २०७९
    हाम्रो शासन व्यवस्थामा बराबर तमासा हुने गरेका छन् । अहिले पनि एउटा तमासा भएको छ । अहिलेको तमासा महाभियोग लागेका…
  • नेताहरु सिद्धान्तहीन तालमेलमा अग्रसर

    सम्पादक असाेज ३, २०७९
    पहिलो संसदको ६ वर्ष सिद्धिएको छ । यो ५ वर्षमा ज–जसले संसदको नेतृत्व गरेका थिए । तिनीहरुले समेत यसका काम…
  • नेपाल–भारत मैत्रीसभा

    सम्पादक भाद्र ३१, २०७९
    नेपाल–भारत मैत्री संघको आठौं केन्द्रीय मैत्रीसभा आगामी असोज १ गते पोखरामा सम्पन्न हुन गइरहेको छ । मैत्री संघद्वारा आयोजित पत्रकार…

hero news full width