नेकपाको तमासा अन्त्य गर

Avatar सम्पादक
मंसिर २८, २०७७

१. लोकतन्त्रमा निर्वाचनको ठूलो महत्व हुन्छ । निर्वाचनको महत्वलाई मनन् गरेर संविधानमा नै आवधिक निर्वाचनको व्यवस्था गरिएको हुन्छ । आवधिक निर्वाचन जित्ने पार्टीले सरकार चलाउँछ । हार्ने पार्टी प्रतिपक्षमा रहन्छ । यो लोकतन्त्रको शाश्वत नियम हो ।

२. निर्वाचनमा जुन राजनीतिक पार्टीले धेरै सीट जित्न सक्छ, उति धेरै त्यो सरकार बलियो मानिन्छ । सामान्यतया बहुमतको सरकारलाई बलियो मानिन्छ । त्यसमा पनि दुई तिहाईको सरकार अरु बलियो मानिन्छ । किनभने त्यस्तो सरकारले सजिलै ऐन नियम बनाउन सक्छ र परिआएमा संविधान संशोधन पनि गर्न सक्दछ ।

३. नेताहरुले आफूले विना विध्नबाधा सरकार चलाउन दुई तिहाईको सरकारको चाहना गर्दछन् । दुई तिहाईको सरकार बलियो सरकार हो । जसलाई प्रतिपक्षी पार्टीहरुले चाहेर पनि त्यसलाई हल्लाउन सक्दैनन्, विघटन गर्न सक्दैनन् । दुई तिहाईको सरकार स्थिर सरकार हुन्छ भन्ने मान्यता रहिआएको छ ।

४. अहिले देशमा नेपाल कम्यूनिष्ट पार्टीको झण्डै दुई तिहाईको सरकार छ । त्यस अर्थमा यो सरकार बलियोे र सुदृढ सरकार हो । संरचनात्मक हिसाबले यो निश्चय नै बलियो र सुदृढ छ । तर पार्टी भित्रको वादविवाद र किचङ्गलले गर्दा सरकार सरकारजस्तो भएको छैन, देखिएको छैन ।

५. नेकपा भित्रको विवाद अहिले यत्ति तल्लो स्तरमा आएको छ कि नेताहरुले एकले अर्काेलाई नाङ्गेझार पार्दैछन् । आरोप र प्रत्यारोपको बौछार भएको छ । उनीहरु एकले अर्काेको चरित्र हत्या गर्ने सम्मको स्थितिमा पुगेका छन् । नेपाल कम्युनिष्ट पार्टीको सरकार एउटा तमासा भएको छ ।

६. कोभिडको महामारी छ । महामारीबाट दिनहु मानिस मरिरहेका छन् । सरकारले कुनै प्रभावकारी भूमिका खेल्न सकेको छैन । त्यसले खालि खर्च देखाउने गरेको छ । उता सडकमा दिनहु गणतन्त्र विरोधी जुलुर आइरहेका छन् र विप्लवका पक्षहरुले मान्छे मार्न थालेका छन् । यस्तैमा प्रमुख प्रतिपक्षी नेपाली कांग्रेसले पनि देशव्यापी जुलुसको आयोजना गरी सरकारको विरोधमा सडकमा उत्रदै छन् ।

७. सोचेमा देशको स्थिति गम्भीर छ । या भनौ गम्भीर स्थितिबाट देश गुज्रदैछ । यसलाई हल्का फुल्का किसिमले सोचेर हुँदैन । यस्तैमा संसदको अधिवेशन पनि भएको छैन । संसद बोलाएको भए, यी सबै विषयमा संसदमा छलफल हुन सक्छ । त्यो पनि भएको छैन । सरकार र सत्तारुढ पार्टीका नेताहरुले आपसमा विवाद गरेर जुन तमासा देखाउँदैछन्, त्यो अति भयो देशलाई लामो समय अनिर्णयको बन्दी बनाउनु हुँदैन । नेताहरु यसमा गम्भीर हुनुपर्दछ र गम्भीर भएर सोची सबै विषयको छिटो समाधान गर्नु पर्दछ ।

Related News

सम्बन्धित समाचार

    • प्रधानमन्त्रीको आपत्तिजनक अभिव्यक्ति

      Avatar सम्पादक फागुन १०, २०७७
      राजनीतिक पार्टीका नेताहरुले एकआपसमा आलोचना गर्ने गरेको धेरै भयो । तिनीहरुले त्यसरी आलोचना गर्दागर्दै एकले अर्काेलाई व्यक्तिगत लाञ्छना पनि लगाए…
    • नागरिक आन्दोलनको घोषणापत्र

      Avatar सम्पादक फागुन ९, २०७७
      काठमाण्डौमा चलिरहेको बृहत् नागरिक आन्दोलनले प्रधानमन्त्री के.पी शर्मा ओलीमा सर्वसत्तावादी चिन्तन र व्यवहार हावी भएको ठहर गर्दै प्रजातान्त्रका दिन घोषणापत्र…
    • सम्भावनाका ढोका खोलेको दिन

      Avatar सम्पादक फागुन ७, २०७७
      आज प्रजातन्त्र दिवस । २००७ साल फागुन ७ अर्थात आजकै दिन नेपालमा एकतन्त्रीय राणा शासनको अन्त्य भएको दिन हो ।…
    • पर्यटकीय गन्तव्यको छनोट

      Avatar सम्पादक फागुन २, २०७७
      सरकारले पर्यटन प्रवद्र्धनका लागि नयाँ पर्यटकीय गन्तव्य पहिचान गरेर तिनीहरुको विकास र बिस्तार गरी पर्यटकलाई गाउँ–गाउँसम्म पुर्‍याउने लक्ष्य राखेको छ…
    • बलात्कार र सामाजिक चिन्ता

      Avatar सम्पादक माघ ३०, २०७७
      बैतडीकी किशोरी भागरथी भट्टलाई बलात्कारपछि हत्या गरिएको घटना चर्किरहेको बेला मोरङ जिल्लाको जहदा गाउँपालिका–१ की १४ वर्षीया किशोरीको बलात्कार गरिएको…

    hero news full width