गलकोट नगरपालिका ३ का नमूना माध्यमिक विद्यालयलाई सरकारले तोकिएको सूचक पुगेको भन्दै नमूना माध्यमिक विद्यालयमा सूचीकृत गरेपछि त्यस विद्यालयको चर्चा बढेको छ । मानिसहरुले त्यस विद्यालयमा के–के छन् र शिक्षकहरुले के कसरी पठाउँछन् भन्दै विद्यालयको विशेषताबारे सोधखोज गरिरहेका छन् । विद्यालय सामान्य नै हो । तर त्यहाँ पढ्नेले पूmल रोप्नुपर्ने, तरकारी फलाउनुपर्ने जस्ता कृषिको कामसमेत गरिने भएकाले त्यो विशेष भएको छ । विद्यालयमा पढाउने कृषि विज्ञानअन्तर्गत काउली, मुला, गोलभेंडालगायत सागसब्जी हराभरा देखेपछि मानिसहरु छक्क पर्दछन् । विद्यालयमा कृषि विज्ञानको अतिरिक्त, मल्टिमिडियाको प्रयोग पनि गर्ने गरिएको छ । सरकारी विद्यालय भए तापनि त्यस विद्यालयमा अंग्रेजी माध्यमबाट पनि पढाउने गरिएको छ ।
त्यस विद्यालयमा भएको त्यो कृषि र कम्प्युटरको पढाइले २०१५ सालमा पोखराको राष्ट्रिय बहुद्देश्यीय विद्यालयको स्मरण गराएको छ । अहिलेको राष्ट्रिय माध्यमिक विद्यालयलाई त्यसबेला राष्ट्रिय बहुद्देश्यीय विद्यालयमा भनिन्थ्यो । त्यस विद्यालयमा व्यावसायिक शिक्षाको नाममा सचिवालय विज्ञान, गृह विज्ञान, सिकर्मी, कृषि विषयक शिक्षा पढाइन्थ्यो । कृषिमा पनि फार्मिङ र पोल्ट्री छुट्टाछुट्टै विषय बनाइएको थियो । पोल्ट्रीबाट विद्यालयले कुखुराको फुल र कुखुरा बेच्ने पनि गर्दथ्यो । विद्यालयको पढाइ सकिएपछि विद्यार्थीले जीविकोपार्जनका लागि जागिरै खान नपरोस्, आफ्नै खुट्टामा उभिन सकोस् भनेर अन्य विषयका अतिरिक्त ती विषय पनि राखिएको थियो । त्यसबेला त्यो विद्यालयलाई पनि नमुना विद्यालयको रुपमा हेरिएको थियो । त्यसले राम्रो परिणाम दिँदै थियो । सबैले प्रशंसा पनि गर्ने गर्दथे । तर त्यत्तिकैमा पञ्चायती व्यवस्था लागु गरियो । त्यो व्यवस्था लागु भएपछि बिपी कोइराला प्रधानमन्त्री हुँदा अपनाएको भन्दै सरकारले त्यो विद्यालयबाट व्यावसायिक विषयहरु हटाएको थियो । शिक्षामा अपनाइएको एउटा दूरदृष्टि अवधारणालाई विना कारण अविवेक किसिमले तुहाइएको थियो ।
अहिले गलकोटको नमुना विद्यालयमा प्रधानाध्यापक देवेन्द्र खत्रीले परिकल्पना गरेर विद्यालयमा कृषिको विषयलाई प्राक्टिकल रुपमा पठनपाठनको व्यवस्था गरेर विद्यालयलाई जेजसरी सञ्चालन गरिरहेका छन्, त्यो समसामयिक छ । विद्यालयको त्यो व्यवस्थाले विद्यालयप्रति आकर्षण बढेको छ । विद्यार्थीहरुमा सकारात्मक सोचको विकास भएको छ । जसले गर्दा विद्यार्थीहरुको ध्यान अध्ययनमा केन्द्रित भएको छ र विद्यालयको पनि प्रगति भएको प्रष्ट देखिएको छ । विद्यालयमा त्यस्तै गरेर अन्य व्यावसायिक विषय पढ्न पाउने छन् । त्यसो भएमा विद्यालयको आकर्षण अरु बढ्नेछ । हामी नमूना विद्यालयका प्रधानाध्यापक खत्री र सहयोगी शिक्षकहरुको उच्च मूल्यांकन गर्दै सरकारको नमूना माविको रुपमा सूचीकृत भएकोमा विद्यालय परिवारलाई बधाई ज्ञापन गर्न चाहन्छौं ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१