Worldlink ads

बुद्धिमानी कदमको अपेक्षा

सम्पादक
भाद्र १७, २०७८

दार्चुलाका युवा जयसिंह धामी १५ साउनमा तुइनको प्रयोग गरी महाकाली नदी पारी जाँदै गर्दा भारतीय सुरक्षाकर्मी एसएसबीका जवानहरुले आफ्नोतर्फको तुइन खुस्काई दिएका थिए । जसका कारण धामी महाकालीमा खसेर बेपत्ता हुन पुगे । घटनाको छानबिन गर्न गृहमन्त्रालयको सह–सचिव जनार्दन गौतमको संयोजकत्वमा गठित छानबिन समितिले १ महिना लगाएर तयार पारेको प्रतिवेदन सरकारलाई बुझाएको छ । छानबिन समितिमा नेपाल प्रहरीका डिआइजी पुरुषोत्तम कँडेल, राष्ट्रिय अनुसन्धान विभागका निर्देशक हुतराज थापा, सशस्त्र प्रहरीका एसएसपी सुरेशकुमार श्रेष्ठ र दार्चुलाका सहायक प्रमुख अधिकारी ज्योत्सा भट्ट सम्मेलित थिए । समितिले भारतीय सुरक्षाकर्मी एसएसबीका दुई जनाले तुइनको लट्ठा खुस्काइ दिएका कारण धामी महाकालीको भेलमा खसेर बेपत्ता भएको उल्लेख गरेको छ । समितिले यस विषयमा भारतीय पक्षसँग कुटनीतिक माध्यमबाट छलफल पहल गर्न र आश्रित परिवारलाई सरकारको तर्पmबाट पालनपोषण गर्न र बच्चाहरुको शिक्षादीक्षाको व्यवस्था गर्न सिफारिस गरेको छ ।
दार्चुलाको यो घटनाले नेपालीहरुलाई एकातिर आक्रोशित बनाएको थियो भने अर्कोतिर घटना दुई देशको मामिला भएकाले सरकारले त्यसलाई क–कसरी अघि बढाउछ भन्ने थियो । त्यस्तैमा सरकारले छानबिन समिति गठन गरेको हो । छानबिन समितिले आफ्नो प्रतिवेदन सरकारलाई बुझाएकाले अब सरकार के–कसरी अघि बढ्छ, त्यो सबैको चासोको विषय भएको छ । त्यो निश्चय नै आपराधिक घटना हो । यसमा एक नेपाली बेपत्ता भएको अवस्था छ । त्यसकारण सरकारले यसलाई गम्भीर विषय मान्नुपर्दछ र यस घटनामा सम्मिलित सुरक्षाकर्मीलाई कडा कारबाहीको लागि आग्रह गर्नुपर्दछ । नेपाल र भारतबीचको सम्बन्ध सुमधुर बनाउँदै एसएसबीबाट पटक पटक नेपालीले भोग्दै आएको समस्या समाधानमा सरकारले तदारुकताका साथ पहल गर्नै पर्छ । नेपाल सरकारले जनताको पक्षमा अभिभावकीय दायित्व ग्रहण गरेको यस्तै घटनाको बुद्धिमानी पहलकदमीबाट मूल्यांकन गर्नेछन् ।
घटना सुनियोजित नहुन सक्छ, माथिको आदेशले यस्तो गरिएको पनि नहुन सक्छ । हामीले एकैचोटि सरकारलाई दोष दिनु पनि उचित नहुन सक्छ । तर घटना भएको हो । यसमा शंका र विवाद छैन । सीमामा भएको घटना हुनसक्छ । यस्तो घटनामा सम्मेलित भएकाहरुलाई उचित कारबाही गरिएन भने यिनीहरुबाट फेरि अर्को घटना हुन सक्छ । त्यसमा पनि त्यो सुरक्षाकर्मीसँग सम्बन्धित केस भएकाले यसलाई भारत सरकारले कडाइसाथ कारबाही गर्नु पर्छ । जति कडाइका साथ कारबाही गर्दछ, उति आन्तरिक अनुशासनको पालना हुन सक्छ । जति अनुशासनको पालना हुन्छ उति राम्रो भनिन्छ । त्यसमा पनि यो छिमेकी देशसँग सम्बन्धित मामिला भएकाले जति छिटो भारत सरकारले अपराधमा संलग्न सुरक्षाकर्मीहरुलाई कारबाही गर्दछ उति छिटो त्यसको नेपालमा राम्रो प्रभाव पर्न सक्छ । स्थिति यस्तो भएकाले सरकारलाई बुद्धिमतापूर्वक अघि बढाउनु पर्दछ र भारत सरकारले पनि नेपालको आग्रहलाई सकारात्मक किसिमले लिएर दोषीहरुको पहिचान गरेर कारबाही गर्नुपर्दछ । भारत सरकारले त्यसरी कारबाही ग¥यो त्यो सरकारको प्रतिष्ठा वृद्धि हुँदै जाने र नेपाल र भारतको सम्बन्ध अरु सौहार्दपूर्ण हुन जाने देखिन्छ ।

Related News

सम्बन्धित समाचार

    • भीसी विजेता कुलवीरको सालिक

      सम्पादक असाेज १२, २०७८
      बेलायतको अन्डरसटस्थित प्रिन्सेस गार्डेनमा बेलायती सेनाको सबैभन्दा विशिष्ट पदक भिक्टोरिया क्रस (भिसी) पाउने पहिलो गोर्खा राइफल म्यान कुलवीर थापाको सालिक…
    • पर्यटनका लागि सुरक्षित पोखरा

      सम्पादक असाेज ११, २०७८
      विश्व पर्यटन दिवसको उपलक्ष्यमा आज संसारभर विभिन्न कार्यक्रम राखेर पर्यटन दिवस मनाइ रहेका छन् । संयुक्त राष्ट्र संघले २७ सेप्टेम्बरका…
    • आमसञ्चार विधेयक फिर्ता गर

      सम्पादक असाेज १०, २०७८
      नेपाल पत्रकार महासंघ केन्द्रीय समितिको आयोजना तथा नेपाल पत्रकार महासंघ, कास्की शाखाको आयोजनामा शुक्रबार पोखरामा आयोजित गण्डकी प्रदेश सरकारद्वारा प्रस्तावित…
    • प्रधानमन्त्री देउवाको रेकर्ड

      सम्पादक असाेज ८, २०७८
      प्रधानमन्त्री शेरबहादुर देउवाले साढे २ महिना बिताएर पनि आफ्नो मन्त्रिपषिद्लाई पूर्णता दिन सकेनन् भनेर व्यापक गुनासो आइरहेको बेला बुधबार उनले…
    • परराष्ट्रमा गाम्भीर्यताको अभाव

      सम्पादक असाेज ७, २०७८
      एउटा राष्ट्र सञ्चालनका लागि परराष्ट्र नीतिको ठूलो भूमिका हुन्छ । परराष्ट्र नीतिकै आधारमा छिमेकी राष्ट्र र अन्य मित्र राष्ट्रहरुसँग सम्बन्ध…

    hero news full width

    Jewellery

    sanil ads

    wordlink ads