गण्डकी प्रदेश प्रमुख अमिक शेरचनले वैशाख १३ गते गण्डकी प्रदेश सभाको विशेष बैठकको आह्वान गरेपछि प्रदेशको राजनीति तात्न थालेको छ । उक्त विशेष बैठक नेपाली कांग्रेस, माओवादी र जनता समाजवादी पार्टीका गरी २८ जना सांसदहरुले माग गरेका थिए । तिनीहरुले गण्डकी प्रदेश सरकारविरुद्ध अविश्वास प्रस्ताव पेस गर्नका लागि हस्ताक्षरसहित अधिवेशनको माग गरेका थिए । तिनीहरुले अविश्वासको प्रस्ताव पेस गर्ने थाहा पाएपछि मुख्यमन्त्री पृथ्वीसुब्बा गुरुङले रातारात प्रदेश सभाको अधिवेशन अन्त्य गरेका थिए । मुख्यमन्त्री गुरुङ अधिवेशन अन्त्य गरेर पलायन हुन खोजे पनि १३ गते विशेष अधिवेशनको सामना गर्नुपर्ने भएको छ ।
अन्य प्रदेशहरुमा अविश्वास प्रस्ताव पेस भएर सरकारको आसन हल्लिएको बेला मुख्यमन्त्री गुरुङले आफू सुरक्षित भएको जनाएका थिए । तर चैत २५ गते समर्थन कायम रहने गरी भए तापनि माओवादी केन्द्रले आफ्ना २ मन्त्रीहरुलाई जब फिर्ता गरे, त्यसबेलादेखि राजनीतिक विश्लेषकहरुले सरकारलाई दिएको समर्थन पनि फिर्ता लिएको छ र अविश्वासको प्रस्तावमा आफ्नो पार्टीका समर्थन रहेको जनमोर्चाका अध्यक्ष चित्रबहादुर केसी स्वयंले विज्ञप्ति जारी उल्लेख गरेका छन् । प्रदेश सभामा नेपाली कांग्रेसका १५, माओवादीका ११, जनता समाजवादीका २ र जनमोर्चाका ३ सांसद सरकारको विरोधमा रहेका प्रष्ट देखिएका छन्, त्यसमा पनि एमालेका सांसद इन्द्रलाल सापकोटा माधव नेपाल पक्षका भएकाले अन्त्यमा उनको समर्थन अविश्वासको पक्षमा जाने पनि अनुमान गरिएको छ । स्वतन्त्र भएर चुनाव लडेका दीपक मनाङेको मतलाई महत्वका साथ हेरिएको छ । त्यसो त मुख्यमन्त्री गुरुङ सत्ता टिकाउन सकिने आशमा काठमाडौं पुगेर फर्केका छन् । उनको काठमाडौं बसाइको उपलब्धि देखिन त बाँकी नै छ ।
अविश्वासको प्रस्तावमा नेपाली कांग्रेसका संसदीय दलका नेता कृष्णचन्द्र नेपाली पोखरेललाई मुख्मन्त्रीमा प्रस्ताव गरिएको छ । त्यो प्रस्तावले कांग्रेसमा नयाँ स्फूर्तिको सञ्चार भएको छ । यतिञ्जेल कुनै पनि प्रदेशमा कांग्रेस नेतृत्वमा सरकार छैन । सामान्य हिसाबले गण्डकीमा मुख्यमन्त्रीको दिनगन्ती सुरु भएको देखिन्छ । तर अन्य प्रदेशमा फ्लोर क्रस गरेको घटना र अविश्वास प्रस्तावमा सही गर्नेले पछि त्यसलाई बदर गरेर मन्त्री भएको घटनाले यसै यकीन भन्न सकिने स्थिति छैन । १३ गते आउन अझै केही दिन बाँकी छन् । राजनीतिक खेलहरु भइरहेका छन् । यस्तोमा रात गए अग्राख पलाउँछ भन्छन् । यहाँ के पलाउने हो त्यो हेर्न छ ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१