प्रधानमन्त्री केपी शर्मा ओलीले प्रतिनिधि सभा विघटन गरेको विरोधमा राजनीतिक पार्टीहरुले चरणवद्ध आन्दोलन गरिरहेका छन् । तर यसपटकको विरोध कार्यक्रममा नागरिक समाजका अगुवाहरु केपी ओलीले पहिलेको विरोध कार्यक्रममा जस्तै गरी सक्रिय सहभागिता नभएको गुनासो आउने गरेका छन् । धेरै गुनासो आउन थालेपछि नागरिक समाजका अगुवा क्रमशः सडकमा देखिन थालेका छन् तर त्यसरी देखिनेहरूले पनि आफूहरू कति यी नेताहरूको पछि लाग्ने भन्दै प्रश्न सोध्ने गरेका छन । तिनीहरूले ओलीका विरोधी नेताहरू भोलि सत्तामा पुगेपछि राजनीतिमा भएको विकृति र विसंगति हटाउँछन् भन्ने के ग्यारेन्टी छ भन्न थालेका छन् ।

नागरिक समाजका अगुवा केदारभक्त माथेमाले आफूले शैक्षिक क्षेत्रमा राजनीति गरेकाले शिक्षा क्षेत्र बिग्रेको भने तापनि कुनै नेताले त्यसमा सुधार गर्न नखोजेको गुनासो गरिरहेका छन् । अगुवाले निर्वाचन प्रणाली खर्चालु भएकाले त्यसलाई सुधार्नु पर्ने पनि सुझाव दिएका छन् । नेताको बोलीमा ब्रेक लाग्नुपर्नेमा अगुवाको गुनासा छन् । यिनीहरू निम्नस्तरमा आएर गालीगलौच गर्दैछन् । जुन शीर्षनेतालाई सुहाउँदैन । तैपनि तिनीहरू एकले अर्कोलाई हिलो छ्यापाछ्याप गर्दै छन् । केही नेताले व्यवस्था गर्ने परिवर्तन गर्नुपर्ने विचार पनि व्यक्त गर्दछन् । नेताहरू आफू सत्तामा हुँदा सुधारका काम नगर्ने तर सत्ता बाहिर रहँदा यस्तो र उस्तो गछौँ भनी सपना बाँड्ने कामबाट पनि नागरिक अगुवा हैरान छन् । तिनीहरूका यस्तै गुनासा भएकाले यस पटक यिनीहरू उल्लेख्य संख्यामा सडकमा देखिएका छैनन् ।

नागरिक अगुवाको त्यो गुनासो मेटाउन पनि केही नेताले आफूलाई त्यस्तो गुनासो गर्न नदिने वाचा गर्नु आवश्यक भएको पनि औंल्याउने गरेका छन् । हुन पनि राजनीतिमा ‘जुन जोगी आए पनि कानै चिरेका’ जस्ता देखिएका छन् । अब त्यस्तो गरेर भएन । केही न केही सुधार गर्नु पर्दछ । सिस्टम बसाउनु पर्दछ । संविधान र लोकतन्त्रप्रति सधैँ प्रतिवद्ध हुनु पर्दछ । शिक्षण संस्थामा राजनीति गर्नु भएन । प्राज्ञिक क्षेत्रलाई स्वतन्त्र छोड्नु पर्दछ । यी सबैमा प्रतिबद्धता जनाए भने नागरिक अगुवा सडकमा देखिने छन् । अस्तिभन्दा हिजो बढी देखिएका छन् । आज अरु बढ्ने अपेक्षा गरिएको छ ।