१. हिमचुतावको उपनामले विश्वभर प्रसिद्ध आङरिता शेर्पाको ७२ वर्षको उमेरमा सोमबार निधन भयो । उनले विना अक्सिनज १० पटक सगरमाथा आरोहण गरेर विश्व किर्तिमान कायम गरेका थिए । उनले कायम गरेको किर्तिमानलाई अहिलेसम्म कसैले पनि उछिन्न सकेको छैन ।
२. सोलुखुम्बुको थामे गाउँमा सन् १९४८ जन्मिएका उनी १५ वर्षकै उमेरदेखि हिमाल आरोहणमा लागेका थिए । उनको पुख्र्यौली पेशा भने चौरीपालन थियो । उनले पहिलोपटक २० वर्षको उमेर चोयु हिमालको आरोहण गरे । विना अक्सिनज पहिलोपटक उनले सन् १९८३ मा सगरमाथाको चुचुरोमा टेक्न सफल भए । उनी अन्तिम पटक पनि विना अक्सिनज सन् १९९६ मा सगरमाथाको शिरमा पुगे । यो दशौं पटकको यात्रा थियो ।
३. यसरी दशौंपटकसम्म विना अक्सिजन सगरमाथा आरोहण गरेको आङरिता शेर्पा पछिल्लोपटक कमजोरी भएर विरामी परे । त्यसबखत उनीलाई भेट्न युवराज धिराज दीपेन्द्र उनकै घरमा पुगेका थिए । युवराजबाट आङरितालाई अब आराम गर, आरोहणबाट सन्यास लेउ भनी राजा वीरेन्द्रको सन्देश पाएपछि उनी आरोहण गएनन् । दरबारले सहयोग गर्न चाहँदा पनि उनले केही सहयोग लिएनन् । पछिल्लो समय नेपाल पर्वतारोहण संघले उनलाई सहयोग गर्दै आएको थियो ।
४. आङरिता शेर्पा प्रकृतिप्रमे थिए । प्रकृतिको प्रतिकुल काम गर्दैनथे । उनी मौसमको अनुकुल अवस्थामा मात्र हिमाल चढ्दथे । उनीले हिमाललाई राम्ररी चिनेका थिए र हिमालले पनि उनलाई चिनेको थियो । यही निकटताले उनी सफल भए । प्रकृतिलाई नचिनी नबुझी आरोहण गर्दा धेरेको ज्यान जाने गरेको छ । विना अक्सिनज त के अक्सिजन लिएरै जाँदा पनि धेरै असफल भएका छन् । आङरिताको प्रकृति प्रेम आरोहण क्षेत्रमा उदाहरणीय रहेको छ ।
५. किर्तिमानी आङरिताले चाहे के हुँँदैनथ्यो ? तर उनीले कहिल्यै आरोहणलाई पेशा बनाएनन् । अनि आफ्ना किर्तिमानलाई कमाई खाने भाँडो पनि बनाएनन् । उनी सामान्य जीवन जिउन चाहन्थे, सामान्य नै भएर रहन्थे । उनी नेपाल सरकारबाट त्रिशक्तिपट्ट र गोरखा दक्षिणबाहुबाट विभूषित भएका थिए । उनलाई भारत सरकारले राम्रो व्यवस्था गरिदिन्छु, उतबै बस्न आउ भन्दा पनि गएनन् । आज हामीले एक देशभक्त स्वाभिमानी व्यक्तित्व गुमाएका छौं । यस दुःद् घडीमा उनको दिवंगन आत्माको चिरशान्तिको कामना गर्दै शोक सन्तप्त सबैप्रति हार्दिक समवेदना प्रकट गर्दछौं ।
Related News
सम्बन्धित समाचार
आन्दोलनलाई उत्तेजक नबनाऊ
नेपालको बिजुली भारतले किन्ने सम्झौता
अग्रज पत्रकार पोखरेलको निधन
प्रमको सम्बोधनः कामभन्दा आश्वासन धेरै
त्रिविमा राजनीतिक भागबण्डा अन्त्य गर्ने उद्घोष
hero news full width
मुख्य समाचार
त्रासैत्रासमा तंग्रिदै कागबेनी
मनिपालमा अत्याधुनिक एमआरआई मेसिन
वैशाख १३, २०८११३ वटा मुद्दा चलेका एक युवा पोखराबाट अटोमेटिक पेस्तोलसहित पक्राउ
वैशाख १३, २०८१कतारी अमिर स्वेदश फिर्ता : पोखरा–कतार उडान माग
वैशाख १३, २०८१कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१