१. सरकारको काम कुरामा अनियमितता र बेथितिबढ्दै गएकोे बेला फेरि अर्को बेथिति थपिएको छ। अहिलेको वेथिति हो – माध्यमिक शिक्षा परीक्षा (एसईई) मा भएको गैर जिम्मेवारपना। कुरा गर्दा कर्मचारी देखि शिक्षामन्त्री सम्मले सबैले आ–आफ्नो जिम्मेवारी पूर्णरूपले पालना गरेको बताउँछन्। तर व्यवहार त्यसको ठीक उल्टो देखिन्छ।

२. एस.ई.ई. परीक्षामा पहिलेको एस.एल.सी.मा झैँ चीटचोर्ने, चोराउने र अकोर्को नाममा परीक्षा दिन्छन् भन्ने कुरा व्यापक रूपमा सुन्ने गरिन्छ तर त्यसरी चीटचोर्नु र चोराउनेलाई त्यसरी कडाई गरिँदैनथ्यो। त्यो साधारणजस्तै भएको थियो। परीक्षामा गार्ड बस्नेहरू शान्तिपूर्वक परीक्षा सम्पन्न गराउने ध्यानमा मात्र लागेका हुन्छन्।

३. तर यस पटकको एस.ई.ई परीक्षा सुरु देखि नै आलोच्य रÞयो। परीक्षार्थीहरूले परीक्षा– पत्र नै गलत भएको शिकायत गरे। परीक्षापत्रमा एक पछि अर्को गल्ती देखियो। तर सरकारले त्यसलाई गम्भीर किसिमले लिएन। परीक्षा बोर्डका अधिकारीहरूले उत्तर पुस्तिका जाँच्ने बेलामा त्यो गल्ती मिलाएर जाँचिने र त्यसको आधारमा परीक्षार्थीहरूलाई फेल नबनाउने बताएकाछन्।

४. त्यसरी प्रश्नपत्रहरू एकपछि अर्को गल्ती देखिँदा पनि सरकार मौन बसेको थियो। प्रदेश नम्बर २ मा भने प्रश्नपत्र छाप्नेहरूको मात्र दोष नभई परीक्षा हुनुभन्दा पहिले प्रश्नपत्र आउट भयो। प्रश्नपत्र यत्ति छरपष्टभएर आउटभयो कि सरकारले परीक्षा नै स्थगित गर्नु पर्यो। सरकारले आकस्िमक रूपले २ नम्बर प्रदेशमा परीक्षा स्थगित गरेको छ।

५. सरकारले त्यसरी परीक्षा अकस्मात स्थगित गरेपछि परीक्षार्थीहरू मर्कामा परेका छन्। मर्कामा परेका परीक्षार्थीहरू सडकमा उत्रेर नाराबाजी गरिरहेका छन्। उनीहरू दोषीमाथि कार्बाहीको माग गरिरहेका छन् र दोषी को हो भन्ने कुरा यकिन भएको छैन।

६. सरकारले त्यसको छानविनगर्ने आश्वासन दिएको छ। तर आन्दोलनमा उत्रेका विद्यार्थीहरू त्यसै चुपलागेर बस्ने अवस्थामा छैनन्। एकातिरको स्थिति त्यस्तो छ भने अकोर्तिर संघीय सरकार र प्रदेश सरकारका बीच असमझदारी सिर्जना भएको छ र तिनीहरू एकले अकोर्लाई दोष दिँदैछन्, आरोप लगाउँदैछ न्।

७. सरकारमा बस्ने मन्त्रीहरू भाषणमात्र गर्दछन्, उनीहरूको प्रशासनमा पहुँच पुग्दैन भन्ने जुन कुरा बाहिर आएको छ, यो घटनाले त्यो सिद्ध गरेको छ। प्रशासनमा बस्नेहरूले आफ्ना विभागीय मन्त्रीका सामु ओठे भक्ति देखाए पुग्ने भएको छ। त्यसमा पनि सैद्धान्तिक रूपमा त्यो कर्मचारी आफ्नो सिद्धान्तको निकट भए त्यसले जे जस्तो गल्ती गरे पनि त्यो क्षम्य हुन्छ। यस्तो नहुँदो हो त एस.ई.ई. बोर्डका पदाधिकारीहरू यतिञ्जेल कार्वाहीमा परिसक्थे। परीक्षा स्थगित गर्नु लज्जाजनक कुरा हो तर यो सरकारले त्यो लज्जाबोध गरेको पाइँदैन। दुःखको कुरा यो हो।