१. गण्डकी प्रदेशसभाको छैटौं अधिवेशन आइतबारदेखि पोखरा सभागृहमा सुरु भएको छ । नदीपुर स्थित नगर प्रशिक्षण केन्द्रमा चल्दै आएको गण्डकी प्रदेशसभाको वैठक कोरोनाका कारण सामाजिक दूरी कायम गर्न साँघुरो भएकोले पोखरा सभागृहमा सारिएको हो । यो अधिवेशन सोही स्थानमा पूरा गरिने जनाइएको छ ।

२. अधिवेशनलाई संवोधन गर्दै मुख्यमन्त्री पृथ्वीसुव्वा गुरुङले मुक्तिनाथको आशिर्वादले कोरोनाबाट गण्डकी प्रदेशमा धेरै क्षति हुन नपाएको उल्लेख गरेका छन् । स्वास्थ्य क्षेत्रमा धेरै कमी कमजोरी हुँदाहुँदै पनि गण्डकी प्रदेशमा कोरोना संक्रमित कम देखिनु शोभाग्य नै मान्नुपर्दछ । जनचेतनाका कारण पनि गण्डकी सुरक्षित भएको हो भन्न सकिन्छ ।

३. गण्डकीमा पिसीआर र आरडिटी सहित ९ हजार ७ सय जनाको परीक्षण भएकोमा आरडिटी ७ हजार ७ सय १ जनामा पुरै नेगेटिभ आएको थियो । पिसिआर गरिएको १ हजार ५ सय ९५ मध्ये २ जनाको पोजेटिभ देखिएकोमा दुवै निको भै घर फर्किएका छन् ।

४. अधिवेशनले अघिल्लो वर्ष गरेका धेरै निर्णयहरु कार्यान्वयनमा आउन सकेका छैनन् । दोश्रो चौमासिकसम्म २७ प्रतिशत मात्र खर्च भएको थियो । दुइ महिनामा देखिको लकडाउनले गण्डकीमा १९ अर्व रुपैंया नोक्सान भएको उल्लेख गरिएको छ ।

५. लकडाउनका कारण उद्योगधन्दा बन्द हुँदा धेरैको रोजगारी खोसिएको छ । आर्थिक क्षेत्र तहसनहस भएको छ । भोकमरीबाट बच्न कृषि क्षेत्रमा जागरण ल्याउन जरुरी छ । सरकारले अत्यावश्यक कुरालाई ध्यान दिएर त्यस अनुरुपको नीति तथा कार्यक्रम सहितको बजेट बनाउनु पर्छ । यसतर्फ प्रदेशसभाको अधिवेशन केन्द्रीत भई सरकारलाई ठोस निर्णय दिन सफल रहोस् हाम्रो शुमकामना छ ।