रादुर्घटना रोकौं

Avatar सम्पादक
माघ ९, २०७६

१ हामीकहाँ केही वर्षदेखि दुर्घटनाको संख्या बढ्दै गएको छ । दुर्घटना के कसरी कम गर्ने भन्ने सम्बन्धमा बराबर छलफल विचार विमर्श हुन्छन् । कहिले गोष्ठी सेमिनारहरु पनि आयोजना गरिन्छन् । तर दुर्घटनाको मात्रा घट्नु भन्दा प्रत्येक वर्ष बढ्दै गएको छ ।
२. दुर्घटना मध्ये सबैभन्दा बढी हामीकोमा सडक यातायात दुर्घटना धेरै हुन्छन् । हाम्रो सडकको अवस्था राम्रो छैन । हाम्रा धेरै सडकहरु पीच भएका छैनन् । पीच भएका सडक पनि मर्मत सम्हार नभएकाले खाडलहरु ठाउँठाउँमा देखिन्छन् । त्यस्तै ठाउँमा ड्राईभरले स्पिडमा गएको गाडीलाई सुन्तुलनमा राख्न सक्दैन र दुर्घटनाको सम्भावना हुन्छ ।
३. गाडीमा क्षमता भन्दा बढी यात्री राखेर चलाउनु सनातन जस्तै भएको छ । १÷२ पटक नजिक–नजिक दुर्घटना हुँदा त्यसमा नियन्त्रण गरेझैं गरिन्छ । पछि फेरि ओभरलोड गरिहाल्छन् । भरखरै धादिङमा दुर्घटना भएको मिनि ट्रकमा ४५ भन्दा बढी यात्रु भएको जानकारीमा आएको छ । त्यो दुर्घटनामा सात जनाको मृत्यु भएको छ भने केही गम्भीर घाईते छन् ।
४. हामीकहाँ हिउँ पहिरोमा परेर पनि प्रत्येक वर्ष पर्वतारोही एवम् पर्यटकहरुको मृत्यु हुने गरेको छ । गत वर्ष पनि त्यस्तो दुःखद् घटना भयो भने यस वर्ष भरखरै कास्कीको अन्नपूर्ण गाउँपालिका–११ को हिमाली र देउरालीको बीचमा पर्ने हिउँकु खोलामा भीषण पहिरो गयो । जसमा ४ कोरियाली र ३ नेपाली हराईरहेका छन् । त्यस्तो दुर्घटनाको उद्धार गर्न पनि उत्तिकै गा¥हो हुन्छ ।
५. अस्ति मात्र मकवानपुरको दामन स्थित एक रिसोर्टमा ग्यास हिटर बालेर सुतेका आठै जना निस्सासिएर मृत्य भएको अनुमान गरिएको छ । त्यसरी मृत्यु भएकाहरु सबै भारतबाट पर्यटनका लागि नेपाल आएका थिए । तिनीहरुको टोली पोखराको भ्रमण गरी दामन गएका थिए । त्यसरी निस्सासिएर मृत्यु हुनेको संख्या पनि बढ्दै छ ।
६. जाडो मौसममा कोठामा हिटर लगायत आगो बोलर सुत्ने चलन छ । कोठालाई तातो बनाउँछौ तर त्यसको साथै झ्याल ढोका पनि पूरै बन्द गर्दछौं । जसको कारण कोठामा अक्सिजनको मात्रा कम हुँदै जान्छ र मानिसको निस्सासिएर मर्ने गर्दछ । कमवानपुरमा त्यस्तै भएको हो ।
७. यस किसिमको दुर्घटनाहरु अलिकति मात्र सचेत र सजन भएमा टार्न सकिन्छ । तर हामी त्यसको ख्याल गर्दैनौं । जसको कारण दुर्घटनाको घना बढ्दै गएको छ । अकालमा ज्यान जानेहरुको संख्या बढ्दै गएको छ । सम्बन्धित मानिसहरुले सजग र सतर्क व्यवहार गरेमा दुर्घटना टार्न सकिन्छ । पूरै टार्न नसकेमा घटाउन सकिन्छ । यता तिर ध्यान जानु आश्यक छ ।

तपाइको विचार व्यक्त गर्नुहोस्

प्रमुख समाचार

रवीन्द्र स्मृति दिवस मनाइयो

थप प्रमुख समाचार

मालेका महासचिव मैनाली चढेको गाडी दुर्घटना

मगर दिवसमा बिरामीलाई फलफूल वितरण