फोरम र नयाँशक्ति एकीकृत

Avatar सम्पादक
वैशाख २४, २०७६

१. डा.बाबुराम भट्टराईको नयाशक्ति पार्टी र उपेन्द्र यादवको संघीय समाजवादी फोरम बीच पार्टी एकीकरण गर्ने सहमति भएको छ। सहमति पत्रमा डा.भट्टराई र उपेन्द्र यादवले हस्ताक्षर गरेका छन्। एकीकृत भएपछि उनीहरुको पार्टीको नाम समाजवादी पार्टी नेपाल राख्ने पनि सहमति भएको छ।

२. ती दुई दलको एकीकरण पछि प्रतिनिधि सभामा उनीहरुको सांसद संख्या १७ पुग्ने छ। जसमा संघीय समाजवादी फोरमका १६ र नयाशक्तिको १ जना मात्र छन्। नयाँ संविधानमा थ्रेस होल्डको व्यवस्था गरे पछि डा.बाबुराम भट्टराईलाई अन्य साना पार्टीहरुसँग मिल्न बाध्य पारिएको थियो।

३. नयाँ पार्टीमा ती दुवै नेताहरु अध्यक्ष त हुनेछन्। तर पहिलो अध्यक्ष ठूलो पार्टीको नाताले उपेन्द्र यादव हुनेछन्। डा. भट्टराईले आफू माओवादीबाट फुटेर जाँदा ठूला पार्टीहरुको वैकल्पिक पार्टी बनाउने घोषणा गरेका थिए। तर समय विते अनुसार उनको पार्टी झनझन सानो हुदै गयो।

४. माओवादी हुँदा त्यसका नेताहरु माओवादी कहिल्यै फुट्दैन। माओवादी अर्कै धातुबाट बनेको पार्टी भनेर भन्ने गर्दथे। तर आज त्यस पार्टीका नेताहरु सानोसानो गुटमा विभाजित भएका छन्। उनीहरु स्वतन्त्र भएर गुटमा बस्न नसकेर केही त अरु पार्टीमा एकीकृत भएर लाज बचाउने गरेका छन्।

५. नेता उपेन्द्र यादव आफै संघीय सरकारमा उपप्रधान तथा स्वास्थयमन्त्री भएर रहेका छन् भने दुई नम्बर प्रदेशमा उनैको पार्टीको नेतृत्वको सरकार छ। त्यस हिसावले उनी केही बलियो अवस्थामा छन् र उनले अरु पार्टीलाई पनि आफू तिर आउन एकता प्रयास गरिरहेका छन्। राष्ट्रिय जनता पार्टीसँग पनि एकता प्रयास भईरहेको छ।

६. माओवादीका नेताहरु जहाँ जसरी गएको भएता पनि र जहा“ बसेको भएता पनि उनीहरुले सन्तोषको श्वास फेर्न सकेका छैनन्। नेपाल कम्यूनिष्ट पार्टी (नेकपा) का अध्यक्ष भएका पुष्पकमल दाहाल आफैले पनि कहिले काँही आपूm एक्लो अनुभूत गरेको बताउने गरेका छन्।

७. त्यो जे भए पनि यादव र भट्टराईको मिलन भएको छ। उनीहरु हिजो पनि सँगै काम गरेका नेताहरु हुन। एकले अर्कालाई राम्रो सँग चिनेका छन्। धेरै लामो समयको कुराकानी र अभ्यास पछि उनीहरुले एकताको हात मिलाएकाछन्। त्यस हिसावले उनीहरुको मिलन स्थायी हुने अपेक्षा गरिएको छ।

तपाइको विचार व्यक्त गर्नुहोस्

प्रमुख समाचार

रानीमहलको जग्गा व्यक्तिका नाममा

थप प्रमुख समाचार

राष्ट्रिय माविमा खानेपानी टंकी शिलन्यास

आरोहण व्यवस्थापनमा शून्य पोखरा