बन्द रंगशालामा भएपनि आइपीएल हुनुपर्नेमा कमिन्सको जोड

Avatar एजेन्सी
चैत्र २९, २०७६
Pat Commins, Australian Baller

अस्ट्रेलियाली बलर पाट कमिन्सले दर्शकका लागि बन्द रंगशालामा भएपनि इन्डियन प्रिमियर लिग –आइपीएल) खेल हुनुपर्नेमा जोड दिदैँ आएका छन् ।

‘बन्द रंगशालामा भएपनि आइपीएल गरेर व्यावसायिक क्रिकेटलाई जोगाउनुपर्छ,’ कमिन्सले भनेका छन्।

कोरोना भाइरसको विश्वव्यापी महामारीका कारण मार्च २९ मा सुरु हुनुपर्ने आइपीएल १५ अप्रिलसम्मका लागि सारिएको थियो । पछिल्लो समय भारतमा महामारी क्रमशः विस्तार भइरहेका कारण विश्व क्रिकेटको सबभन्दा महँगो र आकर्षक फ्रेन्चाइज प्रतियोगिता अझै पछि सर्ने निश्चित जस्तै छ ।

कोरोना भाइरसको महामारीका कारण भारत पछिल्लो ३ सातादेखि लकडाउनमा छ । त्यहाँ, महामारी नियन्त्रणमा आउनुको साटो संक्रमितहरू प्रत्येक दिन बढिरहेका छन् । भारतमा २ सय २८ जनाको ज्यान गइसकेको छ । अहिलेसम्म ६ हजार ७ सय ७१ जनामा संक्रमण पुष्टि भएको छ ।

टेस्ट क्रिकेटका शीर्ष बलर कमिन्स विज्डेनले यसै साता घोषणा गरेका वर्षका ५ उत्कृष्ट क्रिकेटरमध्ये एक हुन् । आइपीएलमा कोलकाता नाइट राइडर्ससँग १७ लाख डलरको सम्झौता गरेका उनी प्रतियोगिता इतिहासकै सबभन्दा महँगो विदेशी खेलाडी हुन् ।

Related News

सम्बन्धित समाचार

    hero news full width

    sanil ads

    wordlink ads