वालिङ कोभिड १९ राहत कोषमा २१ लाख, लायन्स र लियो क्लब द्वारा एकलाख सहयोग प्रदान

Avatar तोलाकान्त बगाले
चैत्र २८, २०७६
IMG_5314

वालिङ नगरपालिकाले स्थापना गरेको वालिङ कोभिड १९ राहत कोषमा शुक्रबार साँझसम्म एक्काईस लाख ३२ हजार संकलन भएको छ ।

वालिङ नगरभित्रका १४ वटै वडामा कोभिड १९ को संक्रमणबाट गुज्रिरहेको अवस्थामा नपाको प्रभावित नागरिकहरु सिमान्तकृत, गरीब, दैनिक ज्यालादारी, गुजारा ब्यवसाय र सडक जीवन बिताईरहेकाहरुलाई खाद्यान्न तथा राहत उपलब्ध गराउने उद्देश्यले स्थापना गरिएको कोषमा शुक्रबार साँझसम्म नगद तथा खाद्यान्न गरी रु. एक्काईस लाख ३२ हजार १ सय ९९ संकलन भएको वालिङ नगरपालिकाले जनाएको छ ।

वालिङ नगरपालिकाले स्थापना गरेको राहत कोषमा वालिङ ८ भीमटारी निवासी छबिलाल कोईरालाबाट ५ हजार ६ सय, वालिङ ८ ब्याङतुङ निवासी गोपालधन सुबेदीबाट ११ हजार, वालिङ साना शहरी खानेपानी कार्यालयबाट २५ हजार, वालिङ ८ कटौंजे निवासी सीताराम तिवारीबाट ५ हजार १ सय, क्रियटिभ युथक्लब वालिङ १३ बाट १५ हजार, राधा माधव समिति सत्संग वालिङ र डिभाईन युथक्लब वालिङबाट १५ हजार ५ सय १०, लायन्स क्लब अफ वालिङ सिटी र लियो क्लब अफ वालिङ सिटीबाट १ लाख १ हजार १ सय ११ गरी शुक्रबार मात्रै एकलाख ७८ हजार ३ सय २१ संकलन भएको हो ।

नगरपालिकाको राहत कोषमा हालसम्म नगद उन्नाईस लाख, ८४ हजार १ सय ९९ र खाद्यान्न एकलाख ४८ हजार गरी कूल रु. एक्काईस लाख ३२ हजार १ सय ९९ संकलन भएको वालिङ नगरपालिकाले जनाएको छ ।

वालिङ नगरपालिकाको कोभिड १९ राहत कोषको नेपाल बैंक लिमिटेड वालिङको खाता नं. ०८३००१०६८३३२६७०००००१ मा ईच्छुक संघ संस्था तथा ब्यक्तिगत र संस्थागत सहयोग रकम जम्मा गरी बैंक भौचरको प्रति नगरपालिका कार्यालयमा उपलब्ध गराउन हुन पनि नगरपालिकाले अनुरोध गरेको छ ।

लायन्स र लियो क्लब द्वारा एकलाख सहयोग प्रदान

वालिङ नगरपालिकाले स्थापना गरेको ‘वालिङ नगरपालिका कोभिड १९ राहत कोष’ मा लायन्स क्लब अफ वालिङ सिटी र लियो क्लब अफ वालिङ सिटीले एकलाख सहयोग हस्तान्तरण गरेको छ ।

लायन्स क्लब अफ वालिङ सिटीका अध्यक्षसहितका पदाधिकारी तथा लियो क्लबका अध्यक्षसहित पदाधिकारीहरुले आज वालिङ नगर प्रमुख दिलीपप्रताप खाँणलाई एक लाख एक हजार एकसय एघार नगद हस्तान्तरण गरिएको हो ।

राहत रकम ग्रहण गर्नुहुँदै नगर प्रमुख खाँणले लायन्स क्लब र लियो क्लबले ठूलो रकम उपलब्ध गराएकोमा धन्यवाद ज्ञापन गर्नुहुँदै प्राप्त सहयोगको सही र पारदर्शी तबरबाट सदुपयोग गर्ने प्रतिबद्धता जनाउनुभयो ।

“नगरपालिकाको राहत कोषमा क्लबले आर्थिकसँगै यसअघि पनि प्रचारात्मक कार्यहरु गरेर सहयोग गरेको छ” नगर प्रमुख खाँणले भन्नुभयो, “आगामी दिनमा पनि अप्ठ्यारो परिस्थिति आएको खण्डमा सहयोगको क्रमलाई निरन्तरता दिंदै जानुहुनेछ भन्नेमा हामी विश्वस्त छौं ।”

वालिङ नगरपालिकाले स्थापना गरेको कोभिड १९ राहत कोषमा हालसम्म नगद र खाद्यान्न गरी कूल एक्काईस लाख ३२ हजार संकलन भएको बताउनुहुँदै नगर प्रमुख खाँणले सहयोग उपलब्ध गराउनेको संख्या बढ्दै गएकाले अनुमानित तीस लाखको हाराहारीमा संकलन हुने विचार ब्यक्त गर्नुभयो ।

सहयोग रकम हस्तान्तरण गर्नुहुँदै लायन्स क्लब अफ वालिङका अध्यक्ष देबेन्द्र भट्टराईले क्लबले पहिलो चरणमा एकलाख नगद हस्तान्तरण गरेपनि आगामी दिनमा नगरपालिकासँग सहकार्य गर्दै अगाडि बढ्न तयार रहेको बताउनुभयो ।

“लायन्स र लियो क्लबले गरेको सहयोगलाई नगरपालिकाले स्वीकार गरी ग्रहण गर्नुभएकोमा धन्यवाद ज्ञापन गर्दछौं” अध्यक्ष भट्टराईले भन्नुभयो, “आगामी दिनमा नगद तथा स्वयंसेवकहरु उपलब्ध गराउँदै अगाडि बढ्न तयार छौं ।”

“लायन्स र लियो क्लबले गरेको सहयोगलाई नगरपालिकाले स्वीकार गरी ग्रहण गर्नुभएकोमा धन्यवाद ज्ञापन गर्दछौं” अध्यक्ष भट्टराईले भन्नुभयो, “आगामी दिनमा नगद तथा स्वयंसेवकहरु उपलब्ध गराउँदै अगाडि बढ्न तयार छौं ।”

Related News

सम्बन्धित समाचार

    • पानीका मुहान सुक्न थालेपछि गाउँलेलाई समस्या

      rss रासस चैत्र ३१, २०७७
      गलेश्वर । म्याग्दीको बेनी नगरपालिका–३ तोराखेतका डिलबहादुर सापकोटालाई गाउँको कुवाबाट पानी पिएको अनि त्यही कुवाको पानीले रोपाइँ गरेको याद ताजै…
    • प्राविधिक शिक्षामा जोड दिन आवश्यकः प्रदेश प्रमुख शेरचन

      Avatar आदर्श समाज सम्वाददाता चैत्र ३०, २०७७
      कावासोती । गण्डकी प्रदेश प्रमुख अमिक शेरचनले देशको समृद्धिको लागि प्राविधिक शिक्षामा जोड दिनुपर्ने बताएका छन् । नवलपरासी (बर्दघाट सुस्तापूर्व)को…
    • ५ सञ्चारकर्मीलाई जनमत सम्मान

      Avatar आदर्श समाज सम्वाददाता चैत्र ३०, २०७७
      लमजुङ । जनमत वाङ्मय प्रतिष्ठानले ३७ औं वार्षिकोत्सवमा पत्रकार नवराज पहाडीसहित ५ सञ्चारकर्मीलाई सम्मान गरेको छ । कार्यक्रममा लमजुङका पहाडी,…
    • आगलागी पीडितलाई मन्त्रीको राहत

      Avatar आदर्श समाज सम्वाददाता चैत्र ३०, २०७७
      पोखरा । पर्वतको पैयुँ गाउँपालिका–६ सरौंखोलास्थित डाँडाकाहुँका आगलागी पीडितलाई राहत वितरण गरिएको छ । गण्डकी प्रदेश उद्योग, पर्यटन, वन तथा…
    • गण्डकी सरकार :  ढलाउन भन्दा बनाउन सकस

      prakash dhakal प्रकाश ढकाल चैत्र २९, २०७७
      पोखरा । गण्डकीमा सरकार ढाल्न र नयाँ सरकार गठनका लागि प्रतिपक्षी दल निरन्तर छलफलमा छन् । माओवादी र जनमोर्चाको समेत…

    hero news full width

    sanil ads

    wordlink ads