Worldlink ads

माउण्ट अन्नपूर्ण माविमा अनलाइन कक्षा सञ्चालन

आदर्श समाज सम्वाददाता
चैत्र २७, २०७६
Online Class

विश्वभर माहामारीको रुपमा फैलिएको कोरोना भाइरस (कोभिड–१९) को सन्त्रास नेपालमा अझ धेरै लम्बिने सम्भावनासँगै माउण्ट अन्नपूर्ण मा.वि. नदीपूर ३ कास्कीले विद्यार्थीहरुलाई अनलाइन कक्षाहरु सञ्चालन गरेकाे छ ।

“विद्यालय प्रशासनसँगको सहकार्य तथा विद्यालयका +२ संयोजक कृष्ण लम्साल, प्रशासक प्रदिप पोख्रेल र विज्ञान विषय शिक्षक तथा होस्टल इन्चार्ज पुरन श्रीसको संयोजकत्वमा दैनिक रुपमा विद्यार्थीहरुले घरबाटै आफ्ना शिक्षकहरु मार्फत विषयगत अध्ययन गर्ने सुवर्ण अवसर प्राप्त गरेकाे प्राचार्य प्रदिप कुमार लम्सालले जानाकारी दिनुभयाे ।

नयाँ शैक्षिक सत्रमा पनि ‘लकडाउन’ यसै गरी अनिश्चित रुपमा लम्बिँदै गएमा नयाँ शैक्षिक सत्र अन्तर्गतका कक्षाहरु पनि अनलााइन मार्फत नै सञ्चालन गर्न विद्यालय तयारी अवस्थामा रहेको पनि उहाँले बताउनुभयाे । विशेष गरी (माध्यमिक शिक्षा परीक्षा) एस.ई.ई. तथा कक्षा ११ र १२ का विद्यार्थीहरुको अन्तिम परीक्षालाई लक्षित गरी चलाइएको यो कार्यक्रममा इन्टरनेटको पहुँच पुगेका तमाम अभिभावक तथा विद्यार्थीहरु प्रत्यक्ष लाभान्वित हुने बताइएकाे छ ।

कोरोना भाइरस (कोभिड–१९) को सन्त्राससँगै नेपाल सरकारले घोषणा गरेको ‘लकडाउन’का कारणले सम्पूर्ण विद्यार्थीहरु घर–घरमै छन् । ‘लकडाउन’को चपेटामा परेका विद्यार्थीहरुलाई लक्षित गर्दै विद्यालय परिवारले जुम एप्लिकेशन मार्फत अनलाइनमा जोडिन सम्पूर्ण विद्यार्थीलाई आग्रह पनि गरेको छ । यो एप्लिकेशन को उच्चतम् प्रयोग गरी शिक्षक विद्यार्थीबीच आवश्यक अन्तरक्रिया र परामर्श गर्न सकिने कुरा उल्लेख छ ।

अनलाइनमा उपस्थित हुन नसक्ने विद्यार्थीलाई विद्यालय प्रशासनका तर्फबाट प्राचार्य प्रदिप कुमार लम्साल र निर्देशक अशोक कुमार शाहीले टेलिफोनमार्फत पनि आवश्यक सरसल्लाह र सुझाव अभिभावक तथा विद्यार्थीहरुलाई दिइरहेको जानाकारी दिनुभयाे । कोरोना भाइरसको विषम परिस्थितिलाई मध्यनजर गर्दै विद्यालयले चालेको यो कदमप्रति सम्बन्धित अभिभावक, विद्यार्थी तथा सरोकारवालाहरुले अत्यन्तै खुशी व्यक्त गरेको कुरा विद्यालयक व्यवस्थापन समितिका अध्यक्ष गिरी प्रसाद गुरुङले बताउनु भयाे ।

प्रविधिमैत्री सिकाइ अहिलेको समयको आवश्यकता रहेको र यसले विद्यार्थीहरुलाई थप सक्रिय र सिकाइप्रति उत्साहित बनाएको कुरा विद्यालयका +२ संयोजक कृष्ण लम्सालले जानाकारी दिनुभयाे ।

Related News

सम्बन्धित समाचार

    • नेल्टामा अजय थापा

      आदर्श समाज सम्वाददाता भाद्र २९, २०७८
      पोखरा । अंग्रेजी भाषा शिक्षण गर्ने शिक्षकहरुको व्यावसायिक संगठन (नेल्टा) कास्कीमा अजय थापा अध्यक्षता निर्वाचित भएका छन् । संस्थाको २२…
    • म्याग्दीमा असोज १ देखि विद्यालय खुल्ने

      आदर्श समाज सम्वाददाता भाद्र २८, २०७८
      म्याग्दी, २८ भदौ ।  कोरोना भाइरसको दोस्रो लहरको महामारी फैलिएपछि बन्द भएका म्याग्दीका शैक्षिक संस्था र तातोपानीका कुण्ड असोज १…
    • विद्यार्थी छनोटमा निष्पक्षता अपनाउँदा जनप्रियको उत्कृष्ट नतिजा

      आदर्श समाज सम्वाददाता भाद्र २८, २०७८
      पोखरा । जनप्रिय बहुमुखी क्याम्पसको एमबिए इन हस्पिट्यालिटी म्यानेजमेन्ट दोस्रो सेमेस्टरको परीक्षाफल प्रकाशन भएको छ । एमबिए दोस्रो सत्रको नियमित…
    • गण्डकी विश्वविद्यालयको डिनमा डा. कपिल अधिकारी

      आदर्श समाज सम्वाददाता भाद्र २५, २०७८
      पोखरा। गण्डकी विश्वद्यिालयको डिनमा डा.कपिल अधिकारी नियुक्त भएका छन् । उपकुलपति प्राडा नवराज देवकोटा संयोजकत्वमा गठित समितिले डा. अधिकारीलाई डिन…
    • विद्यालय कतै खुले, कतै खुलेनन्

      आदर्श समाज सम्वाददाता भाद्र २०, २०७८
      दमौली  । गत आइतबारदेखि जिल्लाका कतिपय स्थानीय तहले भौतिकरुपमै पठनपाठन हुने गरी विद्यालय सञ्चालनमा ल्याउँदा कतै भने अझै अन्यौल कायमै…

    hero news full width

    Jewellery

    sanil ads

    wordlink ads